1 Samuweli 13:5 - Mandinka Bible

⁵ Filisitinkoolu benta, ka Banisirayilankoolu kelendi. Ì ye ì kelendi niŋ keleraŋ sareeti* wuli saba le la, keleraŋ sareeti borindilaalu, mennu taata fo moo wuli wooro, aniŋ sinna kelediŋolu, mennu be siyaariŋ ko bankumunkoo. Ì bee taata beŋ Mikimasi le Beti-Aweni tilibo karoo la.

1 Samuweli 13:5 Mawu Ofanana

1 Musa 22:17

m be neema la i ma, aduŋ m be i koomalankoolu siyandi la komeŋ looloolu, aniŋ komeŋ bankumunkoo, aduŋ i koomalankoolu be ì jawoolu noo la le.

2 Samuweli 17:11

Wo to ŋa i yaamari, Banisirayila bee si beŋ, ka bo bankoo tonkoŋ fo tonkoŋ, ì be siyaariŋ ne ko bankumunkoo, ì ye beŋ i yaa, aduŋ ite faŋo ye ke ì la keleñaatonkoo ti.

1 Mansoolu 20:27

Bituŋ Banisirayilankoolu fanaa benta, aduŋ ì ye feŋolu dii ì la ì suulata mennu la. Wo le to ì fintita ì niŋ ì benta. Banisirayilankoolu niŋ ì ye ì ñaa tiliŋ ñoo la. Banisirayila kelediŋolu ka munta le ko baa kooreeriŋ fula, bari Aramu kelediŋolu jurumoo tarata siyaariŋ kenoo karoo bee le la.

2 Taarika 1:9

Hee Yaawe Alla, i la laahidoo m faamaa Dawuda ye, ye timma saayiŋ, kaatu i ye n ke mansa ti moolu le kunna mennu be siyaariŋ ko bankumunkoo.

Yesaya 10:28

Asiriya kelediŋ kafoolu dunta Ayati, ì tambita Mikironi la, ì ye ì la jooraŋ doolu maabo Mikimasi.

Yesaya 48:19

Ali koomalankoolu be siyaa la le ko bankumunkoo, ali diŋolu te yaatee noo la. Ì toolu te buruka la muumeeke, waraŋ ì ye kasaara n ñaatiliŋo la.”

Yeremiya 15:8

M be ì la furuyaamusoolu yaatewo siyandi la le, ka tambi baa daala keñoo la. Tilibula baa, m be tiñaarilaa le naati la, ŋa ì la fondinkewolu kerekere faa, ì baañolu ye ŋayibe. M be niikuyaa niŋ kijafaroo boyi la ì kaŋ ne kataba kiliŋ.

Hoseya 10:5

Ninsiriŋ jalaŋo meŋ be Beti-Aweni, a la kuwo ye Samariyankoolu dewuŋ ne. A batulaalu be a la kuwo woosii la le, a piriisoolu* si a la kallankeeyaa kumboo, kaatu a be taa mutoo kono le.

Hoseya 4:15

“Ite Banisirayila, i si cakayaa ke ñaa-wo-ñaa, kana Yahuuda duŋ ñiŋ junuboo to. Ite Yahuuda, i dahaa baturoo la Kilikali, kana taa baturoo la Beti-Aweni, i kana i kali nte Yaawe too la.

Hoseya 5:8

Yaawe ko: “Ali binoo fee Kibeya, footaŋo ye fee Rama, maamandiraŋo ye kuma Beti-Aweni, Benjamini, jawoolu be i kooma.

Roomankoolu 9:27

Annabilayi Yesaya sarita Banisirayila la kuwo to le ko: “Hani Banisirayilankoolu siyaata ñaa-wo-ñaa ko bankumunkoo, dantaŋ ne be kiisa la,

Yosuwa 11:4

Ì niŋ ì la kelediŋ kafoolu bee naata, ì be siyaariŋ ko bankumunkoo, ì niŋ suu jamaa aniŋ keleraŋ sareetoolu*.

Yosuwa 18:12

Maraa karoo la, ì la naanewo datita Yoridani Boloŋo le to la. A tambita wo la Yeriko daala konko seleraŋ siloo maraa kara maafaŋo to la, ka tiliŋ wo la konkotundoo* kaŋ tilijiyo la, ka taa fo Beti-Aweni keñewuloo* kono.

Yosuwa 7:2

Yosuwa naata kee doolu kii ka bo Yeriko ka taa Ayi saatewo to, meŋ be Beti-Aweni daala, Beteli tilibo kara maafaŋo la. A ko ì ye ko, “Ali wuli, ali ye taa ñiŋ tundoo la kuwo kulloo ñini.” Bituŋ ñiŋ kewolu taata teŋ ne ka Ayi la kuwolu kulloo ñini.

Kiitindirilaalu 7:12

Midiyaninkoolu, Amalekinkoolu aniŋ tilibo maafaŋ na moo doolu ye wulumbaŋo karoo bee fandi. Ì be siyaariŋ ñoo kaŋ ko kuntiŋolu. Ì la ñonkomoolu buka yaatee noo, ì be siyaariŋ ko bankumunkoo.

1 Samuweli 13:11

Samuweli ye a ñininkaa ko, “Ite ye muŋ ne ke teŋ?” Sawulu ye a jaabi ko, “Kabiriŋ ŋa a je ko, kewolu mennu be m fee ka janjaŋ ne, aduŋ i ye waatoo meŋ fo, i maŋ naa wo la, wo koolaa fanaa Filisitinkoolu bee benta Mikimasi le,

1 Samuweli 13:2

Sawulu ye kee wuli saba le tomboŋ Banisirayila kono. A ye kee wuli fula le tu a faŋo bulu Mikimasi aniŋ Beteli konkotundoo* kaŋ. A ye kee wuli kiliŋo niŋ a dinkewo Yonatani le bula, ì taata Kibeya, Benjamini bankoo kaŋ. Kewolu mennu tuta jee, a ye ì bula le, ì seyita ì la suwolu kono.

1 Samuweli 14:23

Keloo keta le fo ì tambita Beti-Aweni la, wo luŋo la Yaawe ye Banisirayilankoolu tankandi le.

1 Samuweli 14:52

Sawulu la baluwo bee kono, a ye keloo kandindi Filisitinkoolu kaŋ ne. Aduŋ niŋ a ye kee fatiŋo je waati-wo-waati, a ka a taa le, a ye a bulandi a la kelediŋ kafoo kono.

1 Samuweli 17:1

Filisitinkoolu ye ì la kelediŋolu bendi ka taa keloo la. Ì benta Soko le, saatewo meŋ be Yahuuda bankoo kaŋ. Ì daakaata Efesi-Dammimu le, meŋ tarata Soko niŋ Aseka teema.

1 Samuweli 7:13

Wo to le Filisitinkoolu la kuwo jiita, aduŋ ì maŋ naa duŋ Banisirayilankoolu la bankoo kaŋ kotenke. Samuweli la baluwo bee kono, Yaawe maŋ kuwolu sooneeyandi Filisitinkoolu ye.