1 Samuweli 12:9 - Mandinka Bible

⁹ Bari ì ñinata Yaawe la le, ì la Alla, bituŋ Yaawe ye ì ke Sisera la maraloo koto, meŋ mu Hasori mansa Yabini la kelediŋ ñaatonkoo ti. Yaawe ye ì duŋ Filisitinkoolu bulu le aniŋ Mowabi mansa, aduŋ wolu ye ì kelendi le.

1 Samuweli 12:9 Mawu Ofanana

2 Samuweli 7:11

kabiriŋ ŋa kiitindirilaalu tomboŋ n na moolu Banisirayilankoolu ye, fo ka naa saayiŋ na. M be dahaa fanaa dii la i la le i jawoolu bee la karoo la. Nte Yaawe ye a bankee le ko, nte faŋo le be i la buŋo loo la.

Jabuuroolu 106:21

Ì ñinata Alla la le, ì la kiisandirilaa, meŋ ye kuu baalu ke Misira,

Yesaya 63:10

Hani wo ì balanta le, a la Noora Kuliŋo naata sunu ì la kuwo la. Wo to le Alla fanaa yelemata, a naata ke ì jawoo ti, a faŋo ye ì kele.

Yeremiya 2:32

Fo sunkutoo ka ñina a la ñara feŋolu la le baŋ, waraŋ maañoo ye ñina a la maañoo feŋolu la? Bari nte la moolu ñinata n na ñaameŋ, wo luŋolu te yaatee noo la.

5 Musa 32:18

Ali ñinata Yaawe la, ali Daamansoo, ali ye ali ñaa kaasi, Semberaŋ Bere Baa la, meŋ ye ali daa.

5 Musa 32:30

Moo kiliŋo, wo si moo wuli kiliŋ bayi noo ñaadii le, moo fula ye wuliwuloolu borindi, fo niŋ Yaawe, ì la semberaŋ beroo bota ì koto, a ye ì duŋ ì jawoolu bulu?

Kiitindirilaalu 10:7

Bituŋ Yaawe naata kamfaa Banisirayilankoolu kamma. A ye ì duŋ Filisitinkoolu bulu, aniŋ Ammoninkoolu.

Kiitindirilaalu 13:1

Banisirayilankoolu ye kuu jawoo ke Yaawe* ñaatiliŋo la kotenke. Bituŋ Yaawe ye ì duŋ Filisitinkoolu bulu fo sanji taŋ naani.

Kiitindirilaalu 2:14

Yaawe naata kamfaa Banisirayilankoolu kamma baake. A ye ì duŋ boyinkannaalu bulu ka ì la feŋolu taa. A ye ì jawoolu marandi ì la karoo bee la. Ì maŋ naa i loo noo ì fee kotenke.

Kiitindirilaalu 3:12

Kotenke, Banisirayilankoolu ye kuu jawoo ke Yaawe ñaa koto. Ì la ñiŋ kuu jawu kewo kamma la, Yaawe ye ì duŋ Ekiloni, Mowabi mansa la maroo to.

Kiitindirilaalu 3:31

Ehudi la kuwo koolaa, Samuka, Anati dinkewo, meŋ ye Filisitinka moo keme wooro faa kantarilaŋ dokoo la, fanaa naata Banisirayila tanka.

Kiitindirilaalu 4:2

Bituŋ Yaawe ye ì duŋ Yabini buloo kono, Kanaani mansa, meŋ be maraloo la Hasori saatewo to. A la kelediŋ kafu kuntiyo mu Sisera le ti, meŋ bota Haroseti-Hakoyimu.

1 Samuweli 12:15

Bari niŋ ali maŋ i lamoyi Yaawe la, aduŋ ali ye a la yaamaroo soosoo, a be ali niŋ ali la mansa mantoora la le.