1 Samuweli 12:24 - Mandinka Bible

²⁴ Bari ali ñanta sila la Yaawe la le, ali ye a batu tiliŋo kono niŋ ali sondomoo bee la. Ali kana ñina, a ye kaawakuwolu mennu ke ali ye.

1 Samuweli 12:24 Mawu Ofanana

2 Mansoolu 17:39

Bari ì si Yaawe doroŋ batu, ì la Alla. Ate le be ì tankandi la ì jawoolu bee bulu.

Yuuba 28:28

Bituŋ a naata a fo hadamadiŋolu ye ko, “Tooñaa-tooñaa, nte Maariyo ñaasilaŋo, wo le mu ñaameŋo ti, aniŋ ka fata kuu jawu kewo ma, wo le mu fahaamuroo ti.”

Jabuuroolu 111:10

Yaawe ñaasilaŋo le mu londoo kuŋo ti. Wo ka fahaamuroo dii moolu bee le la, mennu ka a la yaamaroolu muta. A be tu la jayi la le fo abadaa.

Jabuuroolu 119:80

Allamaa n sondomoo kana sootaari soto, ka bula i la luwaalu nooma, ñiŋ kamma la n kana bula maloo kono. Kaf

2 Musa 12:13

Yeloo be ke la taamanseeri le ti ali la buŋolu to, ali be sabatiriŋ daamennu to. Niŋ ŋa yeloo je, m be tambi la jee la le, aduŋ hani ali te mantoora kiliŋ soto la, niŋ m be Misira bankoo tumbuŋ kaŋ.

Kuma Kotoomaalu 1:7

Yaawe* ñaasilaŋo le mu londoo kuŋo ti, bari toolewolu ka jutu ñaameŋo niŋ yaamaroo la le.

Kawandilaa 12:13

A bee moyiriŋo koolaa, kuwo ñiŋ kumfaaraŋo fele: Sila Alla la, i ye a la yaamaroolu muta. Ñiŋ ne mu hadamadiŋo kekuwo ti.

Yesaya 5:12

Kooraalu niŋ kontiŋolu ka tara ì la feeti dulaalu to le, tambuuroolu, footaŋolu aniŋ doloo, bari ì buka ì daa ke Alla la kuu to, ì maŋ horoma soto hani a la baara kuu kiliŋ ne to.

Yohana 1:47

Kabiriŋ Yeesu ye Nataniyel je naa la a kaŋ, a ye a la kuwo fo ko, “Banisirayilanka tooñaa fele, tapaleeyaa te meŋ na kuwo to!”

Roomankoolu 12:1

Wo to baadiŋolu*, Alla la balafaa kamma la, ŋa ali yaamari, fo ali si ali baloolu dii Alla la ko sadaa* baluuriŋolu, mennu seneyaata, aniŋ mennu ka Alla seewondi. Ñiŋ ne mu baturi tooñaa ti.

5 Musa 10:21

Baawo ate le mu ali la Alla ti, wo to ali a tentu. Kaatu ali faŋo ñaa seedeyaata kaawakuwolu niŋ silaŋ kuwolu la le, a ye mennu ke ali ye a bulu sembemaa la.

5 Musa 29:1

Ñiŋ ne mu kumakaŋolu ti, Yaawe* ye Musa yaamari ka mennu siti kambeŋo ti ate Yaawe niŋ Banisirayilankoolu teema Mowabi bankoo kaŋ, ka lafaa kambeŋo kaŋ, a niŋ ì ye meŋ siti Sinayi Konkoo to.

5 Musa 29:2

Bituŋ Musa naata Banisirayilankoolu bendi ñoo kaŋ, a ko ì ye ko: Ali ñaa seedeyaata kuwolu bee la le Yaawe ye mennu ke Firawoona niŋ a la dookuulaalu la ka taa a la bankoo moolu bee.

Hiburunkoolu 12:29

kaatu ǹ na Alla ka muluŋ ne ko dimbaa, meŋ ka kasaaraloo ke.

Yosuwa 24:14

Yosuwa tententa ka a fo ì ye ko, “Saayiŋ ali si sila Yaawe la, ali ye a batu soobeeyaa niŋ tiliŋo kono. Ali alla koteŋolu bee fayi, ali la alifaa foloolu be mennu batu kaŋ nuŋ Yufurati Boloŋo kankuŋ doo la aniŋ Misira. Ali ye Yaawe doroŋ batu!