1 Samuweli 12:22 - Mandinka Bible

²² Yaawe too la waroo la kuwo kamma la, a te a ñaa kaasi la a la moolu la, kaatu a kontaanita le nuŋ, ka ali ke a faŋo taa ti.

1 Samuweli 12:22 Mawu Ofanana

1 Mansoolu 6:13

M be tara la n na moolu Banisirayilankoolu kono le, aduŋ n te n koo dii la ì la.”

1 Mansoolu 8:57

Allamaa Yaawe ǹ na Alla ye tara m̀ fee, ko a tarata m̀ mumuñolu fee nuŋ ñaameŋ. Allamaa a nene kana bo ǹ koto sako ka m̀ bula m̀ faŋ ye.

2 Mansoolu 14:27

Baawo Yaawe maŋ lafi ñiŋ na ka Banisirayila too buruka ka bo duniyaa kono, wo le ye a tinna a ye ì tankandi ka bo niŋ Yerobowamu la, Yehowasi dinkewo.

2 Mansoolu 21:14

Moo toomaalu mennu be tu la a la moolu kono, a be a koo dii la ì la le, a ye ì duŋ ì jawoolu bulu. Ì be ke la ì jawoolu bee ye le komeŋ ñapinkaŋ feŋo, aniŋ fuufuuri feŋo.

1 Taarika 28:9

“Aduŋ ite Sulemani n dinkewo, i si i faamaa la Alla muta, i ye a batu i hakiloo niŋ i sondomoo bee la, kaatu Yaawe ka moo sondomoo le kisikisi, aduŋ a ka a la miiroolu bee loŋ ne. Niŋ i ye a ñiniŋ, i be a je la le, bari niŋ i ye i koo dii a la, a be i bula la le fo fawu.

2 Taarika 15:2

A taata Asa kaŋ, a ko a ye ko, “Mansa, i lamoyi n na, i niŋ Yahuuda bee aniŋ Benjamini lasiloo moolu. Yaawe be ali fee le, niŋ a ye a tara, ali be tenteŋ na ka i tuuku a la. Niŋ ali ye a ñini, ali be a je la le, bari niŋ ali ye ali koo dii a la, a fanaa be a koo dii la ali la le.

Nehemiya 9:17

Ì balanta le, ì ñinata i ye kaawakuwolu mennu ke ì ye. Ì la kanjaa kaŋ, ì ye ñaatonkoo tomboŋ, ka ì murundi ì la joŋyaa kono Misira. Bari ite mu Alla le ti, meŋ ka tu yamfa la, i hiinanteeyaata, i balafaa warata, i buka kamfaa juuna, aduŋ dandulaa te i la kanu bambaloo la. Wo kamma la i maŋ i koo dii ì la,

Jabuuroolu 106:8

Hani wo, a ye ì kiisa le a too kamma la, ñiŋ kamma la moolu si a semboo la waroo loŋ.

Jabuuroolu 94:14

Yaawe te a koo dii la a la moolu la. A te i bo la a fansuŋ moolu to.

2 Musa 32:12

Misirankoolu si a fo noo le ko, i ye i la moolu ñaatonkayaa le, ka ì bondi naŋ Misira, ka feeroo siti ka ì faa konkoolu kaŋ, aniŋ ka ì turutumbuŋ. I si sabari, i ye i hakiloo faliŋ, i kana maasiiboo boyi i la moolu kaŋ.

Yesaya 37:35

Yaawe be loo la ñiŋ saatewo ye le ka a tankandi a faŋo la kuwo kamma la, aniŋ a la dookuulaa Dawuda la kuwo kamma.”

Yesaya 41:17

“Fuwaaroolu niŋ fentaŋolu ka jiyo ñini le, bari ì maŋ jii soto. Ì neŋolu karata ì naaliŋo bala mindoo kamma. Bari nte Yaawe be ì maakoyi la le, nte Banisirayila la Alla te ì tu la jee.

Yesaya 42:16

M be tara la finkintewolu le ñaato siloo kaŋ, ì maŋ dali daameŋ na, m be ì kanta la jee le. M be diboo yelemandi la ì ñaatiliŋo la maloo le ti, ŋa sila tembebaloolu tembendi ì ye. M be n na laahidoolu timmandi la le, n te ì baayi la muumeeke.

Yesaya 43:25

Nte, nte faŋo le ye ali la junuboolu tuutuu n na kuwo kamma la, aduŋ n hakiloo maŋ bula ali la junuboo la kotenke.

Yesaya 43:7

Moo-wo-moo ye m muta a la Alla ti, be muru la naŋ ne, ŋa meŋ daa aniŋ ka muluŋo ke a la, ka n na kallankeeyaa* yitandi.”

Yesaya 48:11

Ŋa a ke n too la kuwo le kamma, n te soŋ na n too ye tiñaa, aduŋ n niŋ doo koteŋ te deŋ na n na kallankeeyaa* la.”

Yesaya 49:15

Yaawe ye a jaabi ko: “Fo musoo ka ñina a la suusuu diŋo la le baŋ, waraŋ a te balafaa soto la a wuluudiŋo ye? A si ke noo a ye ñina, bari Siyoni, nte te ñina la i la.

Yesaya 63:8

A ko: “Tooñaa-tooñaa, n na moolu le mu, m faŋo diŋolu, mennu te n neenee la.” Bituŋ a keta ì la kiisandirilaa ti.

Yeremiya 14:21

I too la kuwo kamma la, kana m̀ muta jutunna moolu ti. Kana maloo naati ñiŋ dulaa kaŋ, daameŋ to mu i la mansasiiraŋ buuñaariŋo ti. I hakili murundi kambeŋo kaŋ i ye meŋ siti ǹ niŋ i teema, i kana a tiñaa.

Yeremiya 14:7

Yahuuda moolu ko, “Ǹ na junuboolu ye jalayiroo laa ǹ kaŋ ñaa-wo-ñaa, Yaawe, kuu ke i too la kuwo kamma la. Ŋà ǹ koo dii i la le siiñaa jamaa, aduŋ ŋà junube kuwo le ke i la.

Yeremiya 14:9

Muŋ ne ye a tinna i keta m̀ fee ko ì ye moo meŋ piwundi, komeŋ kelejawaroo meŋ semboo banta, a te tankandiri ke noo la? Hani wo, ite Yaawe be sabatiriŋ ǹ kono le, aduŋ i too le ka fo ǹ kunna. Kana i koo dii ǹ na.”

Niikuyaa Suukuwolu 5:20

Muŋ ne ye i ñinandi ntolu la ñiŋ saŋolu bee la, muŋ ne ye a tinna ì ye i koo dii ǹ na fo waati jaŋ?

Esekiyeli 20:14

Bari m maŋ naa wo ke, kaatu wo be ke la n ye tookuyaa le ti. Wo bantala bankoolu* bee ye a je le ŋa Banisirayilankoolu bondi naŋ Misira bankoo kaŋ ñaameŋ.

Esekiyeli 20:9

“Bari niŋ ŋa wo ke nuŋ, wo be ke la n ye tookuyaa le ti bankoolu ye mennu be ì dandaŋolu la, kaatu wolu ye a je le ŋa m faŋ yitandi Banisirayilankoolu la ñaameŋ ka ì bondi naŋ Misira bankoo kaŋ.

Malaki 1:2

Yaawe ye ñiŋ ne fo ko, “Alitolu Banisirayilankoolu, ali a loŋ ko ŋa ali kanu le.” Bari ali ye ñiŋ ne fo ko, “I ye ntolu kanu ñaadii le?” Wo to le Yaawe ko ì ye ko, “Fo Esawu maŋ ke Yaakuba kotoomaa ti baŋ? Bari ŋa Yaakuba le kanu.

Matiyu 11:26

Tooñaa, m Faamaa, ñiŋ ne beteyaata i fee.

Yohana 15:16

Alitolu maŋ nte tomboŋ, bari nte le ye alitolu tomboŋ. Ŋa ali tomboŋ ne, fo ali si taa ka diŋ ko yiroo, aduŋ ali la diŋolu si tu jee, ì kana tiñaa. Wo to le, niŋ ali ye m Faamaa daani feŋ-wo-feŋ na nte too la, a be a dii la ali la.

Roomankoolu 11:1

Wo to m be ñininkaaroo ke la ko, “Fo Alla ye a la moolu bula le baŋ?” Wo te ke noo la muk! Nte faŋo mu Banisirayilankoo le ti, Iburayima koomalankoo, meŋ mu Benjamini lasiloo ti.

Roomankoolu 11:29

Kaatu Alla buka nimisa a la tombondiroo la, sako a la soorifeŋolu.

1 Korintinkoolu 4:7

Jumaa le ye ite niŋ moo koteŋolu fatandi? Ite ye muŋ ne soto, meŋ maŋ ke soorifeŋo ti? Bari niŋ soorifeŋo le mu, muŋ ne ye a tinna i ka kibiri ko niŋ a maŋ ke soorifeŋo ti?

Efesusinkoolu 1:12

Ntolu mennu foloo ye ǹ jikoo loo Kiristu kaŋ, si a jayi a la semboo niŋ waroo kaŋ.

Efesusinkoolu 1:6

fo ǹ si a jayi a la hiinoo la meŋ kallankeeyaata*, a ye meŋ dii ǹ na ka bo niŋ a Kanu Dinkewo la.

5 Musa 14:2

Alitolu mu moolu le ti, mennu seneyaata Yaawe la karoo la. A ye alitolu le tomboŋ a fansuŋ moolu ti duniyaa moolu bee kono.

5 Musa 31:17

Wo luŋo la, m be kamfaajawu la ì kamma le. M be n koo dii la ì la le, ŋa maabo ì ma, ì ye kasaara. Toora kuu jamaa si laa ì kaŋ, aniŋ kuu jawu jamaa. Wo luŋo le mu ì be a fo la ko, ‘Ñiŋ kuu jawoolu bee laata ǹ kaŋ, kaatu ǹ na Alla maŋ tara m̀ fee.’

5 Musa 31:6

Ali si bambaŋ, ali ye fatiyaa. Ali kana sila ì la, sako ali kijoo si fara. Yaawe ali la Alla faŋo le be tara la ali fee, a te bo la ali koto sako ka ali bula ali faŋ ye.”

5 Musa 31:8

Yaawe faŋo le be tambi la ali ñaato, a ye tara ali fee. A te bo la ali koto sako a si ali bula ali faŋ ye. Wo to, ali kana sila, waraŋ ka jikilateyi.”

5 Musa 7:6

Ali si a ke ko ŋa a fo ali ye ñaameŋ. Alitolu le mu Yaawe ali la Alla la moo senuŋolu ti. A ye ali tomboŋ duniyaa moolu bee kono le ka ke a faŋo taa ti.

5 Musa 9:5

A maŋ ke ko ali la tiliŋo niŋ sondome seneyaa le ye a tinna Yaawe ali la Alla be ali bula la, ali ye ì la bankoo taa. Wolu la kuruŋyaa le ye a tinna, Yaawe be ì wutundi la ali ñaato, fo a si a la laahidoo timmandi, a ye i kali ali mumuñolu Iburayima, Isiyaaka aniŋ Yaakuba ye meŋ na.

Filipinkoolu 1:6

Aduŋ nte dankeneyaata le ko, meŋ ye ñiŋ dookuu betoo dati ali kono, ate le be a timmandi la, janniŋ Yeesu Kiristu la naa luŋo be sii la.

Hiburunkoolu 13:5

Ali si fata kodilandiyaa la ali la baluwo kono, ali ye wasa feŋo to, ali ye meŋ soto. Kaatu Alla la kumoo be safeeriŋ ne ko: “N nene te bo la i koto, sako n si i bula i faŋ ye.”

Yosuwa 7:9

Niŋ Kanaaninkoolu niŋ moo koteŋolu mennu be bankoo kaŋ, ye ñiŋ moyi, ì be naa ñapi la ǹ kaŋ ne, ì ye ǹ toolu buruka duniyaa kono. I be muŋ ne ke la, fo i too la waroo si loŋ?”

1 Pita 2:9

Bari alitolu mu moo tombondiŋolu le ti, aniŋ Mansa la moolu, piriisiyaa be mennu bulu. Ali mu nasiyoŋ jankuriŋo le ti, Alla fansuŋ moolu. Ali mu ñinnu bee le ti, fo ali si a la kebaaroolu la waroo bankee, meŋ ye ali kumandi ka bo diboo kono, ka naa a la mala kaawakuuyaariŋo kono.