1 Samuweli 12:18 - Mandinka Bible

¹⁸ Bituŋ Samuweli ye duwaa daani Yaawe bulu, aduŋ wo luŋ kiliŋo le Yaawe ye samaa niŋ saŋ feteŋo jindi. Bituŋ moolu bee silata Yaawe niŋ Samuweli la.

1 Samuweli 12:18 Mawu Ofanana

1 Mansoolu 18:42

Kabiriŋ Ahabu taata ka domoroo ke aniŋ ka i miŋ, Eliya seleta Karimeli Konkoo turoo to, a sujudita duuma, a ye a kuŋo bula a wutoolu teema, a duwaata.

Esira 10:9

Bituŋ Yahuuda niŋ Benjamini kewolu bee benta Yerusalaamu saatewo to, tili saba wucoo kono. A keta kari konontonjaŋo tili muwaŋo le la. Moolu bee siita luwo le to, Alla Batudulaa Buŋo ñaatiliŋo la. Ì tarata jarajara kaŋ ne, kuwo ñiŋ kamma la, aniŋ sanji baa meŋ fanaa be ke kaŋ.

Yuuba 37:13

Alla le ka samaajiyo jindi naŋ duniyaa kono, tumandoo a si ke moolu ye jaraboo ti, tumandoo a ye ke ì ye neemoo ti.

Jabuuroolu 99:6

Ali hakiloo si bula Musa niŋ Haaruna la, ì tarata nuŋ Yaawe la piriisoolu* le kono. Samuweli fanaa keta moo le ti meŋ duwaata Yaawe too la. Ì woosiita a ye le, aduŋ a ye ì danku.

2 Musa 14:31

Kabiriŋ Banisirayilankoolu ye sembe baa je, Yaawe ye Misirankoolu noo meŋ na, ì silata Yaawe la, aduŋ ì laata a niŋ a la dookuulaa Musa la.

Yosuwa 10:12

Luŋo meŋ na Banisirayilankoolu ye Amorinkoolu noo keloo to, Yosuwa ye Yaawe daani Banisirayilankoolu bee ñaa la jee. A ko a ye ko, “Tiloo ye tu looriŋ Kibeyoni kunto, aniŋ karoo ye tu looriŋ Ayaloni Wulumbaŋo kunto.”

Yosuwa 4:14

Wo luŋo la Yaawe ye Yosuwa la dawuloo wulindi Banisirayilankoolu bee ñaatiliŋo la jee. Bituŋ ka bo wo luŋo la, ì naata a horoma baake a la baluwo bee kono, ko ì ye Musa horoma nuŋ ñaameŋ.