1 Samuweli 12:17 - Mandinka Bible

¹⁷ M̀ be tilikandoo le kono saayiŋ, bari m be duwaa la le, aduŋ Yaawe be samaa niŋ saŋ feteŋo jindi la le. Niŋ ñiŋ keta, ali be a loŋ na le ko, ali ye junube baa le soto Yaawe la karoo la, kabiriŋ ali ko, a ye mansa dii ali la.”

1 Samuweli 12:17 Mawu Ofanana

Jabuuroolu 99:6

Ali hakiloo si bula Musa niŋ Haaruna la, ì tarata nuŋ Yaawe la piriisoolu* le kono. Samuweli fanaa keta moo le ti meŋ duwaata Yaawe too la. Ì woosiita a ye le, aduŋ a ye ì danku.

2 Musa 32:30

A saamoo Musa ko moolu ye ko, “Ali ye junube baa le ke. Bari saayiŋ m be taa le fo Yaawe yaa, n si yamfoo daani noo ali la junuboolu ye.”

Kuma Kotoomaalu 26:1

Niŋ saŋ beroo si boyi tili kandoo kono, waraŋ samaa ye naa katiri waatoo kono, toolewo si jari ka buuñaa soto.

Yeremiya 15:1

Bituŋ Yaawe* ko n ye ko, “Hani niŋ Annabilayi Musa niŋ Annabilayi Samuweli le loota n ñaatiliŋo la ka n daani ñiŋ moolu la kuwo la, n te balafaa la ì ye. Ì bayi ì ye bo n ñaa koto, ì ye taa jana!

Yosuwa 10:12

Luŋo meŋ na Banisirayilankoolu ye Amorinkoolu noo keloo to, Yosuwa ye Yaawe daani Banisirayilankoolu bee ñaa la jee. A ko a ye ko, “Tiloo ye tu looriŋ Kibeyoni kunto, aniŋ karoo ye tu looriŋ Ayaloni Wulumbaŋo kunto.”

1 Samuweli 12:13

“Mansa fele, ali ye meŋ tomboŋ, ali ye meŋ ñininkaa, bituŋ saayiŋ Yaawe ye a dii ali la le.

1 Samuweli 12:19

Moolu bee ko Samuweli ye ko, “Duwaa daani Yaawe bulu, i la Alla, ntolu i la dookuulaalu la kuwo kamma la, i si a je, ǹ te faa la, kaatu ŋà ǹ na junube kuu doolu lafaa le, kabiriŋ ǹ ko, ǹ lafita mansa le la.”

1 Samuweli 2:10

Moolu mennu ye Yaawe soosoo, wolu be kasaara la le. A be sari la ì kaŋ ne ko saŋ feteŋo ka bo saŋo kono ñaameŋ. Yaawe be duniyaa bee kiitindi la le. A be semboo dii la a la mansa la le. A be a la tomboŋ moo la dawuloo wulindi la le.

1 Samuweli 7:5

Wo to le Samuweli ko, “Banisirayilankoolu bee ye beŋ Misipa saatewo to, i si a je, n si duwaa ke ali niŋ Yaawe teema.”

1 Samuweli 8:6

Bari biriŋ ì ko, “Mansa dii ǹ na, a ye ǹ ñaatonkayaa,” wo maŋ Samuweli kontaani muumeeke, bituŋ a ye duwaa daani Yaawe* bulu.

1 Samuweli 8:7

Bituŋ Yaawe ko a ye ko, “Moolu ka kumoo meŋ bee fo i ma, i lamoyi ì la. Ì maŋ ite jamfaa, bari ì ye nte le jamfaa ka ke ì la mansa ti.