1 Samuweli 12:15 - Mandinka Bible

¹⁵ Bari niŋ ali maŋ i lamoyi Yaawe la, aduŋ ali ye a la yaamaroo soosoo, a be ali niŋ ali la mansa mantoora la le.

1 Samuweli 12:15 Mawu Ofanana

2 Taarika 15:2

A taata Asa kaŋ, a ko a ye ko, “Mansa, i lamoyi n na, i niŋ Yahuuda bee aniŋ Benjamini lasiloo moolu. Yaawe be ali fee le, niŋ a ye a tara, ali be tenteŋ na ka i tuuku a la. Niŋ ali ye a ñini, ali be a je la le, bari niŋ ali ye ali koo dii a la, a fanaa be a koo dii la ali la le.

Yesaya 1:20

Bari niŋ ali maŋ soŋ, ali tuta balandiŋ, hawusaroo* le be ali faa la. Nte Yaawe faŋo le ye a fo.”

Yesaya 3:11

Bari kooroo be moo kuruŋolu ye, maasiiboo be naa boyi la ì kaŋ ne. Ì ye meŋ dookuu, ì be ì joo la wo le la.

Niikuyaa Suukuwolu 1:18

“Rim! A fele m boyita bataa kono, moo bee, ali i lamoyi. N na sunkutoolu niŋ fondinkewolu, ì ye ì bee le samba mutoo kono. Yaawe tilinta le, bari hani wo m balanta a la kumoo la.

5 Musa 31:27

Kaatu ŋa a loŋ ne ali kuŋo jaata ñaameŋ, aniŋ ali mu balannaalu ti ñaameŋ. M be ali fee ñaa-wo-ñaa, ali balanta Yaawe ma, sako niŋ n te baluwo to.

Yosuwa 24:20

Niŋ ali ye ali koo dii a la, ali ye alla koteŋolu batu, a fanaa be maasiiba kuwo le samba la naŋ ali kaŋ, ka ali bee kasaara, a tarata kuu betoo ke kaŋ ali ye ñaa-wo-ñaa.”

Kiitindirilaalu 2:15

Niŋ Banisirayilankoolu fintita ka taa keloo la waati-wo-waati, Yaawe buka tara ì fee, ì buka ñaatotaa soto wo keloo to. A keta le, ko Yaawe ye a fo ì ye, aniŋ a ye i kali ì ye ñaameŋ. Ì niyo kuyaata baake.

1 Samuweli 12:9

Bari ì ñinata Yaawe la le, ì la Alla, bituŋ Yaawe ye ì ke Sisera la maraloo koto, meŋ mu Hasori mansa Yabini la kelediŋ ñaatonkoo ti. Yaawe ye ì duŋ Filisitinkoolu bulu le aniŋ Mowabi mansa, aduŋ wolu ye ì kelendi le.

1 Samuweli 5:9

Bari kabiriŋ ì ye a sawundi, Yaawe ye wo saatee moolu fanaa yankankati le, kaatu a ye silaŋ baa le naati ì kaŋ. A ye saatee moolu mantoora niŋ maadiŋolu le la ka bo dindiŋ fo keebaa.