1 Samuweli 12:14 - Mandinka Bible

¹⁴ Niŋ ali silata Yaawe la, ali ye a batu aniŋ ka a buuñaa, ali maŋ a la yaamaroo soosoo, aduŋ ali niŋ ali la mansa, meŋ ye ali mara, ye Yaawe nooma, ali la Alla, a be beteyaa la ali fee le.

1 Samuweli 12:14 Mawu Ofanana

2 Taarika 15:2

A taata Asa kaŋ, a ko a ye ko, “Mansa, i lamoyi n na, i niŋ Yahuuda bee aniŋ Benjamini lasiloo moolu. Yaawe be ali fee le, niŋ a ye a tara, ali be tenteŋ na ka i tuuku a la. Niŋ ali ye a ñini, ali be a je la le, bari niŋ ali ye ali koo dii a la, a fanaa be a koo dii la ali la le.

Jabuuroolu 105:28

Alla ye diboo dundi bankoo kaŋ, dibi fiŋ diboo, Misirankoolu balanta a la yaamaroolu la.

Yesaya 3:10

Yaawe ko, “A fo moo tilindiŋolu ye ko, ì la kuwolu be beteyaa la le, kaatu ì ye meŋ dookuu, ì be i munafaŋ na a la le.

Niikuyaa Suukuwolu 1:18

“Rim! A fele m boyita bataa kono, moo bee, ali i lamoyi. N na sunkutoolu niŋ fondinkewolu, ì ye ì bee le samba mutoo kono. Yaawe tilinta le, bari hani wo m balanta a la kumoo la.

Roomankoolu 2:7

A be badaa-badaa baluwo dii la moolu la le, mennu ka tu kuu bete kewo la muñoo kono ka Alla la kallankeeyaa* niŋ a la horomoo ñini, aniŋ ka badaa-badaa baluwo soto.

5 Musa 13:5

Wo annabiyomoo waraŋ siiboo fasarilaa ñanta le ka faa, bayiri a ka ali kawandi le ka balaŋ siloo la, Yaawe ali la Alla ye ali yaamari ka taama meŋ na. Ate le ye ali bondi naŋ joŋyaa kono Misira bankoo kaŋ. Ali ñanta moo kuruŋolu bondi la ali kono le.

Yosuwa 24:14

Yosuwa tententa ka a fo ì ye ko, “Saayiŋ ali si sila Yaawe la, ali ye a batu soobeeyaa niŋ tiliŋo kono. Ali alla koteŋolu bee fayi, ali la alifaa foloolu be mennu batu kaŋ nuŋ Yufurati Boloŋo kankuŋ doo la aniŋ Misira. Ali ye Yaawe doroŋ batu!

Yosuwa 24:20

Niŋ ali ye ali koo dii a la, ali ye alla koteŋolu batu, a fanaa be maasiiba kuwo le samba la naŋ ali kaŋ, ka ali bee kasaara, a tarata kuu betoo ke kaŋ ali ye ñaa-wo-ñaa.”