1 Samuweli 11:2 - Mandinka Bible

² Bari Nahasi Ammoninkoo ye ì jaabi ko, “N niŋ ali be kambeŋo siti la daliila kiliŋ ne kaŋ. Moo-wo-moo, ŋa a bulubaa ñaakesoo lokoti, bituŋ maloo si naa Banisirayila bee kono.”

1 Samuweli 11:2 Mawu Ofanana

1 Musa 34:14

Ì ko ì ye ko, “Ntolu te ñiŋ kuwo ke noo la, ka m̀ baarimmusoo dii moo la, meŋ maŋ sunna. Wo be ke la ntolu ye malu kuwo le ti.

2 Mansoolu 18:31

Ali kana i lamoyi Hesekiya la. Asiriya mansa ko ali ye soŋ kayiroo la ali niŋ ate teema, aduŋ ali si finti naŋ saatewo kono ka ali faŋ seyi a ma. Niŋ wo keta, moo-wo-moo be a fansuŋ wayini* yiridiŋolu niŋ sooto yiridiŋolu domo la le, aduŋ a be i miŋ na a fansuŋ koloŋo le to.

Jabuuroolu 44:13

I ye ǹ dandanna moolu jutundi ǹ na, ì ka ǹ ñaawali ka jele ǹ na.

2 Musa 3:6

Bituŋ a ko, “Nte le mu i mumuñolu la Alla ti, Iburayima la Alla, Isiyaaka la Alla, aniŋ Yaakuba la Alla.” Biriŋ wo to, Musa ye a ñaadaa muuri, kaatu a silata le, ka Alla juubee.

Kuma Kotoomaalu 12:10

Hani moo tilindiŋo la beeyaŋo, a ka a suulafeŋo dii a la le, bari moo kuruŋo, hani a la beteyaa ka ke jawuyaa siloo doroŋ ne ti.

Yeremiya 39:7

Bituŋ ì ye Sedekiya ñaakesoolu lokoti, ì ye a siti neejoloo la, ì ye a samba Babiloni.

4 Musa 16:14

I maŋ ntolu samba naŋ banku kaŋ, keekewo niŋ liyo be woyiriŋ daameŋ. I maŋ kunku kene dii ǹ na, i maŋ wayini* kankaŋ dii ǹ na, ka ke ǹ ye keetaafeŋo ti. I lafita ntolu ñaa le kuu la ka ǹ neenee? Ntolu-wo la karoo la de, ntolu te naa.”

Kiitindirilaalu 16:21

Bituŋ Filisitinkoolu ye a muta, ì ye a ñaakesoolu lokoti. Ì ye a samba naŋ Kaasa, ì ye a siti jaawali joloolu la. Bituŋ a tarata tuuroo la bunjawoo kono.

1 Samuweli 11:10

Ì ko Ammoninkoolu ye ko, “Saama m̀ be m̀ faŋo duŋ na ali bulu le, aduŋ feŋ-wo-feŋ diyaata ali ye, ali si wo ke ǹ na.”

1 Samuweli 12:12

Bari kabiriŋ ali ye Ammoninkoolu la mansa Nahasi je, a ka naa ali boyinkaŋ, ali ko n ye ko, ‘Hanii, ǹ lafita mansa le la, a ye m̀ mara,’ hani a ye a tara, Yaawe ǹ na Alla le mu ali la mansa ti.

1 Samuweli 17:26

Dawuda ye kewolu ñininkaa, mennu be a daala. A ko, “Muŋ ne be ke la keendiŋo ye, meŋ ye ñiŋ Filisitinkoo faa, a ye Banisirayila bondi maloo kono? Jumaa le mu ñiŋ Filisitinka sunnabaloo ti, fo a ka Alla baluuriŋo la kelediŋolu hadaañi?”