1 Samuweli 10:16 - Mandinka Bible

¹⁶ Sawulu ye a jaabi ko, “A ye a koyindi ǹ ye le ko, ì ye faloolu je le.” Bari a maŋ a fo a faandiŋ ye, Samuweli ye meŋ fo mansayaa la kuwo to.

1 Samuweli 10:16 Mawu Ofanana

2 Musa 4:18

Bituŋ Musa muruta a bitankee Yetiro yaa, a ko a ye ko, “M batu ŋa taa n na moolu yaa Misira, ka a juubee, fo ì be baluuriŋ ne hani saayiŋ.” Yetiro ko, “Taa, Allamaa i niŋ kayira beŋ na.”

Kuma Kotoomaalu 12:23

Hakilimaa buka a la londoo kankulaa, bari toolewo ka tara a la tooleeyaa kankulaa la le.

Kuma Kotoomaalu 29:11

Toolewo ka a la kamfaa muumee le fintindi, bari hakilimaa ka a faŋ muta le.

Kawandilaa 3:7

Waati le be feŋo la faroo la, waati be a karoo la. Waati le be deyoo la, waati be diyaamoo la.

Kiitindirilaalu 14:6

Yaawe la Nooroo jiita Samuuda kaŋ. A ye jatoo ñiŋ fara a buloo la, komeŋ niŋ i be baariŋo fara la ñoo bala. Bari a maŋ feŋ fo a baa niŋ a faa ye, a ye meŋ ke.

Kiitindirilaalu 14:9

A ye liyo ñiŋ bo, a ye a ke a buloo kono. A tarata liyo ñiŋ domo kaŋ, a taatoo. Kabiriŋ a futata a baa niŋ a faa ma, a ye doo dii ì la, bituŋ ì fanaalu ye a domo. Bari a maŋ a fo ì ye ko, a ye liyo ñiŋ bo jata furewo le kono.

1 Samuweli 10:15

A faandiŋ ko, “A fo n ye, Samuweli ye meŋ fo ali ye.”

1 Samuweli 9:20

Faloolu mennu filita tili saba koomanto, kana i miira ì la kuwo la, ì ye ì je le. Banisirayila ŋaniyoo be jumaa le ye, niŋ a maŋ ke ite faamaa la dimbaayaa ti?”

1 Samuweli 9:27

Kabiriŋ ì futata saatewo dandulaa to, Samuweli ko Sawulu ye ko, “A fo dookuulaa ye tambi ǹ ñaato.” Dookuulaa taata, bituŋ Samuweli tententa ka a fo Sawulu ye ko, “M batu domandiŋ, i si a je, n si kiilaariyaa fo i ye, meŋ bota naŋ Alla yaa.”