1 Samuweli 1:6 - Mandinka Bible

⁶ Bayiri Yaawe maŋ ate so diŋo la, a siinaa ka tu a niyo toorandi la le, fo a si kamfaa.

1 Samuweli 1:6 Mawu Ofanana

1 Musa 30:1

Kabiriŋ Raheli ye a je ko, a maŋ diŋ soto Yaakuba la, a ye kiiliyaa tiliŋ a kotoomaa la. Bituŋ a ko Yaakuba ye ko, “Diŋo dii m fanaa la, waraŋ ŋa faa.”

2 Samuweli 6:23

Aduŋ Mikali Sawulu dimmusoo maŋ naa diŋ soto fo a faata.

Yuuba 24:21

Kaatu ì buka wuluubaloolu muta feŋ ti, aduŋ ì buka kuu kende ke furuyaalu ye.

Yuuba 6:14

Moo meŋ be niitooroo kono ka suula a teerimaalu la ŋaniya kendoolu le la. Niŋ wo nte, Alla Tallaa silaŋñaa semboo bee si baŋ a bala.

3 Musa 18:18

I kana i la musoo kotoo waraŋ a doomaa futuu, a ye a tara a be baluuriŋ, ì ye ke siinaamaalu ti.

Kiitindirilaalu 11:37

A tententa ka a fo a faamaa ye ko, “Yamfa n ye, ñiŋ kuu kiliŋo doroŋ na. N lafita taa la konkoolu le kaŋ fo kari fula. N niŋ n teeroolu ye ñiŋ woosii jee ko, m be faa la le, a ye a tara m maŋ futuu.”

1 Samuweli 1:7

Ñiŋ ne ka ke saŋ-wo-saŋ. Niŋ Hanna taata Yaawe Batudulaa to, a siinaa ka a batandi le, fo a ye kumboo, aduŋ a buka domori ke.

1 Samuweli 2:1

Bituŋ Hanna duwaata, a ko: Yaawe* la kuwo kamma la n sondomoo faata niŋ seewoo le la. Yaawe ye n ke sembemaa ti. N daa si kuma baalu fo n jawoolu ma. N seewoota ñaameŋ, kaatu ite ye n tanka le.