1 Pita 5:8 - Mandinka Bible

⁸ Ali tu ali ñaa la, ali ye koroosiroo ke. Ali jawoo Ibiliisa ka tu yaayi kaŋ ne ko jata konkoriŋo ka moo ñini, a be a daa faa la meŋ na.

1 Pita 5:8 Mawu Ofanana

Esita 7:6

Esita ko a ye ko, “Ǹ toorandilaa niŋ ǹ jawoo mu ñiŋ Hamani moo kuruŋo le ti.” Bituŋ Hamani ye a ñaa mala mansa niŋ a la musoo kaŋ.

Yuuba 2:2

Yaawe ko a ye ko, “I bota naŋ mintoo le?” A ye Yaawe jaabi ko, “M bota naŋ taa niŋ naa la duniyaa kono, ka a bee yaayi.”

Jabuuroolu 104:21

Jatoolu ka bumbuŋ ì la deema suboolu kamma le, ka tara i yillaariŋ domoroo ma, Alla ka meŋ dii.

Jabuuroolu 109:6

Moo tilimbaloo wulindi n jawoo kamma kiitiyo la, i ye tuumirilaa jawoo londi a kamma.

Kuma Kotoomaalu 19:12

Mansa la kamfaa ka munta le ko, niŋ jatoo be bumbuŋ kaŋ, bari a la maakoyiroo ka muluŋ ne ko, niŋ komboo jiita fiifeŋolu kaŋ.

Kuma Kotoomaalu 20:2

Mansa la kamfaa ka munta le ko, niŋ jatoo be bumbuŋ kaŋ, niŋ meŋ ka a kamfandi, i ka i niyo le waafi.

Kuma Kotoomaalu 28:15

Ko jatoo meŋ be bumbuŋ kaŋ, waraŋ daafeŋ saŋarariŋo*, meŋ pareeta boyinkandiroo la, mu moo jawoo le ti, meŋ ka sembentaŋolu mara.

Yesaya 50:8

Ate meŋ be n koyindi la, sutiyaata naŋ ne. Saayiŋ jumaa le be kaŋo laa la n kaŋ? Ŋà ǹ ñaa tiliŋ ñoo la! Jumaa le be n tuumi la? A ye m maa!

Yeremiya 2:15

Ì jatamaalu bumbunta i kamma le, ì ye i ŋuura, ì ye i la bankoo kenseŋyandi, ì ye i la saatewolu tumbuŋ, moo maŋ tu sabatiriŋ ì kono.

Yeremiya 51:38

A moolu be bumbuŋ na ñoo la le ko jatoolu, ì ye ŋuura ko jatadiŋolu.

Esekiyeli 19:7

A ye ì la tatoolu bee boyi, ka ì la saatewolu kasaara. Bankoolu niŋ ì konokono feŋolu bee le silata a bumbuŋ kaŋo la.

Esekiyeli 22:25

Ì la bankoo maralilaalu mulunta le ko jatoolu mennu ka bumbuŋ beeyaŋ suboo kunna aniŋ ì ka ì la suboolu faraŋ-faraŋ. Ì boyita a kewolu kaŋ ne ì ye ì faa, ì ye ì la musu jamaalu ke furuyaamusoolu ti. Ì ye doolu faa, ì naata wolu la sotofeŋolu niŋ ì la feŋ kummaayaariŋolu taa.

Daniyeli 6:24

Wo to le mansa ye yaamaroo dii ko, ì si wo moolu bee muta, mennu ye Daniyeli tuumi. Mansa la kaŋo kaŋ, ì ye ì samba naŋ, ì ye ì fayi jatoolu la koloo kono, ì niŋ ì la musoolu niŋ ì diŋolu. Janniŋ ì ka futa koloo duuma, jatoolu ñapita ì kaŋ, ì ye ì faraŋ-faraŋ, ì ye ì niŋ ì kuloolu bee domo.

Hoseya 11:10

Niŋ nte Yaawe bumbunta ko jatoo, n na moolu be bula la n nooma le. Niŋ m bumbunta, n diŋolu kijafaratoo si naa, ka bo tilijii karoo la.

Hoseya 13:8

N si ñapi ali kaŋ ko daafeŋ saŋarariŋo*, ì ye meŋ diŋolu suuñaa a koto. Ŋa ali sisoo fara, ŋa ali domo ko jatoo, ŋa ali faraŋ-faraŋ ko daafeŋ saŋaroo.

Yoweli 3:16

Yaawe bumbunta ko jatoo ka bo naŋ Siyoni*, a ye kaŋo dii ka bo Yerusalaamu, saŋo niŋ bankoo jarajarata. Bari Yaawe faŋo le mu a la moolu ye tankadulaa ti, tata bambandiŋo, Banisirayilankoolu ye.

Amosi 1:2

Amosi ko, “Yaawe* kamfaatoo daalita Siyoni* Konkoo kaŋ Yerusalaamu, komeŋ niŋ jatoo bumbunta. Beeyaŋ daañini dulaa ñaamoo bee jaata, Karimeli Konkoo kaŋ bee norota.”

Amosi 3:4

Fo jatoo ka bumbuŋ wuloo kono le baŋ, niŋ a maŋ subu je? Fo jatandiŋo ka tara kuma la a la koloo kono le baŋ, niŋ a maŋ feŋ muta?

Amosi 3:8

Niŋ jatoo bumbunta, jumaa le te sila la? Niŋ Maarii Yaawe diyaamuta, jumaa le si a la kumakaŋo bankewo baayi noo?

Jakariya 11:3

Ali maralilaalu woosii kaŋo moyi baŋ, ì la kallankeeyaa yeemanta le. Ali ali tuloo loo jatoolu kumakaŋo la baŋ, Yoridani Boloŋo wuloo tiñaata le.

Jakariya 3:1

Bituŋ Yaawe* ye n jerindi Piriisi* kuntiyo Yosuwa la. Ŋa a je looriŋ Yaawe la malaayikoo ñaatiliŋo la. Seetaani* be looriŋ Yosuwa bulubaa karoo la ka a tuumi.

Matiyu 13:39

Jawoo meŋ ye ì fii, wo mu Seetaanoo le ti. Katiri waatoo mu duniyaa bandulaa le ti, aduŋ katirilaalu mu malaayikoolu le ti.

Matiyu 24:42

Wo kamma la, ali ali hakiloo tu, kaatu ali maŋ luŋo ñiŋ loŋ, ali Maariyo be naa la meŋ na.

Matiyu 25:41

“Bituŋ a si naa a fo a maraalankoolu fanaa ye ko, ‘Ali bo nte bala, alitolu mennu dankata. Ali duŋ badaa-badaa dimbaa kono, meŋ parendita Ibiliisa niŋ a la dookuulaalu ye.

Matiyu 4:1

Wo to le Alla la Nooroo ye Yeesu kenkeŋ keñewuloo* kono fo Ibiliisa si a marisa.

Matiyu 4:11

Wo koolaa le Ibiliisa ye a bula. Bituŋ malaayikoolu naata ka a maakoyi.

Maaka 4:15

Kesoolu mennu jolonta moolu la tambidulaa to, wo ka moolu la kuwo le yitandi, mennu ye kumoo moyi, bari wo loodulaa kiliŋo to doroŋ, Seetaanoo* ye a buusi ì la, meŋ fiita ì kono.

Luka 21:34

“Ali koroosiroo ke, fo ali sondomoolu kana tu looriŋ domori diimaalu kaŋ, siiroo waraŋ ñiŋ duniyaa la suulakuwolu. Niŋ wo nte, wo luŋo be ali terendi la le, a ye ali muta ko kutindiŋo.

Luka 21:36

Wo kamma la, ali koroosiroo ke waati-wo-waati. Ali ye duwaa fo ali si kana noo ñiŋ kuwolu bee ma, mennu ka naa, aduŋ ali si loo noo Moo Dinkewo ñaatiliŋo la.”

Luka 22:31

Wo to le Maariyo ko, “Simoni, Simoni! Semboo diita Seetaanoo la le ka ali tenteŋ ka kesoolu niŋ fuufulewolu bo ñoo to.

Yohana 8:44

Ali bota Ibiliisa le bala, ali faamaa, aduŋ ali lafita ka ali faamaa la lafoo le ke. A mu moofaalaa le ti biriŋ foloodulaa to. A maŋ tara tooñaa kaŋ, kaatu tooñaa te a bulu. Niŋ a ye faniyaa fo, a daajikoo le mu, kaatu a mu faniyaa folaa le ti, aniŋ faniyaa folaalu faamaa.

2 Korintinkoolu 2:11

fo Seetaanoo* kana siloo soto ka m̀ mara, bayiri m̀ maŋ ke lombaloolu ti a la feeroolu to.

Efesusinkoolu 4:27

Niŋ wo nte, ali be siloo dii la Ibiliisa la le.

Efesusinkoolu 6:11

Ali kelejooraŋolu bee taa, Alla ye mennu dii ali la, fo ali si balaŋ noo Ibiliisa la feere jawoolu ma.

1 Timoti 2:15

Hani wo, musoo be kiisa la le ka bo niŋ diŋ wuluwo la, niŋ a tententa lannoo kono, kanoo, seneyaa aniŋ faŋ kaañaŋo.

1 Timoti 2:9

Aduŋ musoolu la karoo la, n lafita le, ì kana ì paree faŋ yitandoo kamma la, bari ì si ì paree horomoo kono, meŋ niŋ kuwolu si taa ñoo la. Ì kana ì faŋolu ñarandi niŋ deberi ñarandi feŋolu la, waraŋ sanoo, pemoolu, aniŋ sitifeŋ daa koleŋolu la.

1 Timoti 3:11

Wo ñaa kiliŋo la, niŋ musoolu le mu, ì ñanta jari la buuñaa la le, ì maŋ ñaŋ na ke la kajafirilaalu ti, ì ñanta soobeeyaa la le, ì ye foroyaa feŋolu bee to.

1 Timoti 3:2

Kantarilaa ñanta ke la moo le ti, meŋ maŋ sootaaroo soto. A ñanta ke la kewo le ti, meŋ foroyaata a la musoo ma. A maŋ ñaŋ na ke la landatambi moo ti, a ñanta a faŋ muta la le. A ñanta ke la hakilimaa le ti, moo meŋ ka luntaŋolu jiyaa aniŋ meŋ ka karandiroo ke noo.

2 Timoti 4:17

Bari Maariyo le loota m fee, a ye n sembentuŋyandi ka a la kibaaroo kawandi timmarinke fo moolu bee si a moyi, mennu maŋ ke Yahuudoolu ti. Aduŋ a ye n kanandi jatoo daa ma le.

Titus 1:8

bari a ñanta ke la moo le ti, meŋ ka luntaŋolu jiyaa, aniŋ meŋ ye kuu betoolu kanu. A ñanta ke la hakilimaa le ti, meŋ tilinta, a seneyaata, aniŋ a ka a faŋ muta noo.

Titus 2:12

Wo hiinoo le ka ǹ kuluu ka m̀ fatandi allantaŋyaa niŋ ñiŋ duniyaa niidiyaa kuwolu bee ma. A ka ǹ kuluu le ka baluu faŋ mutoo niŋ tiliŋo kono, Alla la siloo kaŋ ñiŋ duniyaa kono,

Titus 2:2

Keebaalu ñanta ke la hakilimaalu le ti, ì ye soobeeyaa, ì maŋ ñaŋ na ke la landatambi moolu ti, bari ì ñanta ì faŋ muta la lannoo la sila kendoo le kaŋ, kanoo aniŋ wakiiloo.

Titus 2:4

Ì si foromusoolu nindi ka ì keemaañolu niŋ ì diŋolu kanu,

Titus 2:6

Wo ñaa kiliŋo la, i si fondinkewolu yaamari ka ì faŋolu muta kuu.

Yankuba 4:7

Wo kamma la, ali soŋ Alla ma. Ali ye balaŋ Ibiliisa ma, aduŋ a be bori la ali ma le.

1 Pita 1:13

Wo to, ali ali hakiloo tu, ali ye ali faŋ mara, aduŋ ali si ali jikoo bee loo hiinoo kaŋ, meŋ be dii la ali la, Yeesu Kiristu be muru la naŋ waatoo meŋ na.

1 Pita 4:7

Ñiŋ duniyaa feŋolu bee ka naa baŋ ne. Wo kamma la, ali ali faŋ muta kuu, ali ye tara ali ñaa la ka duwaa a ñaama.

Lankenemoo 12:10

Ŋa kumakaŋ baa moyi Arijana kono, meŋ ko, “N na Alla la kiisoo, a la semboo niŋ mansabaayaa, aniŋ a la Alimasiihu* la kantiiyaa naata le, kaatu m̀ baadiŋolu* tuumilaa fayita duuma le. Ate le be ì tuumi kaŋ nuŋ, ǹ na Alla ñaatiliŋo la, suutoo niŋ tiloo la.

Lankenemoo 12:12

Arijana niŋ feŋolu bee mennu be a kono, ali seewoo! Bari kooroo be alitolu bankoo niŋ fankaasoo ye! Ibiliisa niŋ kamfaa baa le naata ali kaŋ, kaatu a ye a loŋ ne ko, a la waatoo maŋ jamfa.”

Lankenemoo 12:9

Bituŋ ninkinanka baa fayita naŋ duuma. Ate le mu wo saa kotoo ti, ì ka meŋ kumandi Ibiliisa niŋ Seetaanoo* la, duniyaa moolu bee neeneelaa. A fayita naŋ duuma duniyaa kono, a niŋ a la malaayikoolu.

Lankenemoo 20:10

Bituŋ Seetaanoo meŋ ye ì neenee, a naata fayi dimbaa daloo kono, meŋ ka jani niŋ solifa munkoo* la, wo daafeŋ saŋarariŋo niŋ faniyaa annabiyomoo fayita nuŋ daameŋ to. Aduŋ ì be toorandi la jee le, suutoo niŋ tiloo, fo abadaa.

Lankenemoo 20:2

A ye ninkinankoo muta, wo saa kotoo baa meŋ mu Seetaanoo* ti, Ibiliisa. Malaayikoo ye a siti,

Kiitindirilaalu 14:5

Bituŋ Samuuda niŋ a baa niŋ a faa taata Timuna. Kabiriŋ a futata Timuna wayini* yiri kankaŋolu ma, jee niŋ jee, jatoo kumatoo fintita Samuuda kaŋ.