1 Pita 2:9 - Mandinka Bible

⁹ Bari alitolu mu moo tombondiŋolu le ti, aniŋ Mansa la moolu, piriisiyaa be mennu bulu. Ali mu nasiyoŋ jankuriŋo le ti, Alla fansuŋ moolu. Ali mu ñinnu bee le ti, fo ali si a la kebaaroolu la waroo bankee, meŋ ye ali kumandi ka bo diboo kono, ka naa a la mala kaawakuuyaariŋo kono.

1 Pita 2:9 Mawu Ofanana

Jabuuroolu 106:5

N jerindi i la tomboŋ moolu la yiriwaa la fo n niŋ ì si seewoo ñoo la, aniŋ ka ŋaañaa i la moolu fee, i fansuŋ moolu.

Jabuuroolu 118:27

Yaawe le mu Alla ti, a ye ǹ na baluwo malandi le. Ali yiribulu jambamaalu cafu ka juuraloo dati. Ali niŋ doŋo ye taa sadaajanidulaa* to.

Jabuuroolu 135:4

Yaawe ye Yaakuba koomalankoolu tomboŋ a faŋo le ye, a ye Banisirayilankoolu ke a faŋo ye le komeŋ sanoo niŋ luuluwo.

Jabuuroolu 22:30

Ñaato jamaanoolu be a batu la le. Moolu le be Maariyo la kuwo fo la jamaani naalaalu ye,

Jabuuroolu 33:12

Neemoo be bankoo le ye, meŋ na Alla mu Yaawe ti. Seewoo be moolu le ye, a ye mennu tomboŋ ka ke a taa ti.

Jabuuroolu 73:15

Niŋ n ko m be bula la wo moolu la miirañaa nooma, n si badali ka bo i la moolu kono.

Yesaya 26:2

Ali saatee dundaŋ daalu yele, bankoo moo tilindiŋolu ye duŋ mennu ye lannoo soto.

Yesaya 41:8

Yaawe ko, “Bari alitolu Banisirayilankoolu mu n na dookuulaalu le ti. Ŋa Yaakuba koomalankoolu le tomboŋ, ate meŋ bota n teeri Iburayima bala.

Yesaya 42:16

M be tara la finkintewolu le ñaato siloo kaŋ, ì maŋ dali daameŋ na, m be ì kanta la jee le. M be diboo yelemandi la ì ñaatiliŋo la maloo le ti, ŋa sila tembebaloolu tembendi ì ye. M be n na laahidoolu timmandi la le, n te ì baayi la muumeeke.

Yesaya 44:1

Yaawe* ko: “Banisirayilankoolu, ali i lamoyi n na, n na dookuulaalu, n na tomboŋ moolu, Yaakuba koomalankoolu.

Yesaya 61:6

Alitolu be kumandi la Yaawe la piriisoolu* le la, ì ye ali toolaa Alla la dookuulaalu la. Ali be baluu la niŋ bankoolu la naafuloolu le la, aduŋ ali be tintiŋ na ì la sotofeŋ ñiimaalu le la.

Yesaya 62:12

Ì be i la moolu kumandi la Moo Senuŋolu le la, Yaawe la Kumakaariŋolu. Ì be i kumandi la Lafinna Dulaa le la, aniŋ Saatee Tumbumbaloo.

Yesaya 66:21

M be doolu fanaa tomboŋ na ì kono le, ì ye ke piriisoolu* niŋ ì maakoyilaalu ti.”

Yesaya 9:2

Moolu mennu taamata diboo kono, ì ye mala baa je le. Mennu tarata dibi fiŋ diboo kono, maloo malata ì kaŋ ne.

Malaki 3:17

Yaawe Alihawaa Maariyo ye ñiŋ ne fo ko, “Tooñaa luŋo m be meŋ parendi kaŋ naŋ, itolu le be ke la n na moo kummaalu ti komeŋ sanoo niŋ luuluwo. M be hiina la ì ye le, ko faa ka hiina a dinkewo ye ñaameŋ, meŋ ye a batu.

Matiyu 4:16

Moolu mennu be siiriŋ diboo kono, ì naata mala baa je. Maloo malata moolu kaŋ ne, mennu be siiriŋ banku dibiriŋo kaŋ, saayaa niiniyo koto.”

Matiyu 5:16

Wo ñaa kiliŋo la ali la maloo si mala moolu ñaatiliŋo la, fo ì si ali la kebaara kendoolu je, aniŋ ì si horomoo niŋ jayiroo dii ali Faamaa la, meŋ be Arijana.

Luka 1:79

A be mala la moolu kaŋ ne, mennu be siiriŋ diboo niŋ saayaa niiniyo koto. A be ǹ siŋolu taamandi la kayira siloo le kaŋ.”

Yohana 17:19

Ŋa m faŋ dii ì la kuwo le kamma fo itolu fanaa si seneyaa tooñaa kono.

Kiilaalu 20:28

“Ali ali hakiloo tu ali faŋolu to, aniŋ Yeesu la kafoo bee, Noora Kuliŋo ye ali ke topatoorilaalu ti mennu kono. Ali si Maariyo la koorewo kanta, Alla ye meŋ saŋ a faŋo Dinkewo yeloo la.

Kiilaalu 26:18

I si ì ñaalu yelendi fo ì si bo diboo kono ka naa maloo kono, ka bo Seetaanoo* la maraloo kono ka naa Alla kaŋ. Wo to le ì be junube yamfoo soto la, aniŋ niyo moolu kono, mennu naata seneyaa kaatu ì laata nte la.’

Kiilaalu 26:28

Wo to le Mansa Akiripa ko Pawulu ye ko, “Fo i ye a miira le, i be nte sondi noo la tariyaake wo le ñaama ka n ke Kiristu* noomalankoo ti?”

Roomankoolu 9:24

Ntolu fanaa mu moolu le ti, Alla ye mennu kumandi ka tara wo ñaama, fo ntolu mu Yahuudoolu le ti baŋ, waraŋ moo koteŋolu.

1 Korintinkoolu 3:17

Niŋ moo-wo-moo ye Alla la Buŋo kasaara, Alla be wo maarii duŋ na kasaaroo le kono. Alla la Buŋo seneyaata le, aduŋ alitolu le mu wo buŋo ti.

Efesusinkoolu 1:14

wo mu sankayaaraŋo le ti fo waatoo meŋ, m̀ be ǹ na keetaa soto la, meŋ mu kiisoo ti Alla la moolu ye, fo a la semboo niŋ waroo si jayi.

Efesusinkoolu 1:6

fo ǹ si a jayi a la hiinoo la meŋ kallankeeyaata*, a ye meŋ dii ǹ na ka bo niŋ a Kanu Dinkewo la.

Efesusinkoolu 3:21

Tenturoo niŋ jayiroo be ate le ye lannamoolu la kafoo kono ka bo niŋ Kiristu Yeesu la, ka bo jamaani ka taa jamaani fo abadaa. Amiin.

5 Musa 10:15

Bari a ye a la kanu baa meŋ yitandi ali mumuñolu la, wo daliiloo le ye a tinna a ye alitolu tomboŋ ka ali ke a la moolu ti ka tambi moo koteŋolu la. Aduŋ a tarata wo le ñaama fo ka naa bula bii la.

5 Musa 14:2

Alitolu mu moolu le ti, mennu seneyaata Yaawe la karoo la. A ye alitolu le tomboŋ a fansuŋ moolu ti duniyaa moolu bee kono.

5 Musa 18:2

Ì maŋ ñaŋ na keetaakenoo soto la, ko ì baadiŋ lasili koteŋolu. Yaawe faŋo le mu ì niyo ti, ko a ye a laahidi ì ye ñaameŋ.

5 Musa 4:20

Bari alitolu le keta moolu ti, Yaawe ye mennu bondi naŋ Misira bankoo kaŋ, daameŋ mulunta ali ye nuŋ ko fuuri kandoo. A naata ali ke a fansuŋ moolu ti ko ali be ñaameŋ bii.

5 Musa 7:6

Ali si a ke ko ŋa a fo ali ye ñaameŋ. Alitolu le mu Yaawe ali la Alla la moo senuŋolu ti. A ye ali tomboŋ duniyaa moolu bee kono le ka ke a faŋo taa ti.

Filipinkoolu 3:14

Nte ka ñori ñaato le ka ŋaaba wo tunkuŋo kaŋ, fo n si kañeerifeŋo soto, meŋ mu badaa-badaa baluwo ti, Alla ye n kumandi meŋ to ka bo niŋ Kiristu Yeesu la.

Kolosankoolu 1:13

Ate le ye m̀ bondi diboo semboo bulu, a ye ǹ samba a Kanu Dinkewo la mansabaayaa to,

2 Timoti 1:9

A ye ǹ kumandi niŋ kumandiri senuŋo le la, a ye ǹ kiisa, aduŋ wo maŋ ke ka bo niŋ ǹ na kebaaroolu la, bari a faŋo la daliiloo kaŋ ne mu, aniŋ a la hiinoo. A ye ñiŋ hiinoo dii ǹ na ka bo niŋ Kiristu Yeesu le la janniŋ jamaanoolu be dati la,

Titus 2:14

meŋ ye a faŋo dii ka ǹ kumakaa ka bo ǹ na junuboolu bee kono, fo a si ǹ seneyandi a faŋo ye ka ke moolu ti, mennu ka hame kuu bete kewo la.

1 Pita 1:2

M̀ Faamaa Alla ye ali tomboŋ ne, a ye ali londi ka ali ke a la moolu ti biriŋ foloodulaa to. A la Nooroo ye ali seneyandi le, fo ali si tu Yeesu Kiristu la yaamaroo mutariŋ, aniŋ a yeloo si ali jankundi. Allamaa Alla la hiinoo niŋ kayiroo ye tu yiriwaa la ali kono.

1 Pita 2:5

Ali ali faŋolu dii ka ke bere baluuriŋolu ti, fo ali si ke buŋ looraŋolu ti Alla la buŋo ye, meŋ loota a la Nooroo la siloo la. Alitolu si ke piriisi* senuŋolu ti, ali ye sadaalu* bo Nooroo la siloo la, ka bo niŋ Yeesu Kiristu* la, aduŋ Alla be soŋ na wo sadaalu ma le.

1 Pita 4:11

Moo meŋ ka kawandoo ke, a si a ke ko, a ka Alla faŋo la kumoolu le kawandi. Meŋ ka maakoyiri dookuwo ke, a si a ke niŋ semboo bee la, Alla ye meŋ dii a la, fo Alla si horoma kuu-wo-kuu to, ka bo niŋ Yeesu Kiristu la. Semboo niŋ waroo aniŋ maraloo bee be ate le ye, fo abadaa. Amiin.

Lankenemoo 1:6

A ye ǹ ke mansariŋolu le ti, a Faamaa la piriisiyaa* be mennu bulu. Semboo niŋ waroo aniŋ maraloo bee be ate le ye, fo abadaa. Amiin.

Lankenemoo 20:6

Barakoo be moo senuŋolu le ye, mennu ye ì niyo soto ñiŋ saayaakoolaa wulindiri foloo to. Saayaa fulanjaŋo maŋ semboo soto wolu kaŋ, bari ì be ke la Alla niŋ Kiristu la piriisoolu* le ti, aduŋ ì niŋ Kiristu be maraloo ke la le fo sanji wuli kiliŋ.

Lankenemoo 5:10

I ye wolu ke mansariŋolu le ti, piriisiyaa* be mennu bulu, ka ǹ na Alla batu. Ì be maraloo ke la duniyaa kono le.”

1 Samuweli 12:22

Yaawe too la waroo la kuwo kamma la, a te a ñaa kaasi la a la moolu la, kaatu a kontaanita le nuŋ, ka ali ke a faŋo taa ti.