1 Pita 2:2 - Mandinka Bible

² Ali tu hameriŋ Alla la kumoo la, ko deenaani wuluu kutoolu ka hame sunju nonoo la ñaameŋ. Alla la kumoo mu ali ye keekee foroo le ti, a ka ali mendi lannoo le kono kiisoo ye.

1 Pita 2:2 Mawu Ofanana

2 Samuweli 23:5

Fo n na dimbaayaa maŋ tiliŋ Alla fee baŋ, kaatu a niŋ ŋa kambeŋo le siti fo abadaa, jikoo meŋ te buruka la. A be maakoyiri baa le ke la n ye. N lafita meŋ-wo-meŋ na, fo Alla te m maakoyi la, a ye ke baŋ?

Yuuba 17:9

Bari moo meŋ tilinta, wo be tu la a la siloo le kaŋ, aduŋ moo meŋ buloolu seneyaata, semboo be tu la wara la le doroŋ.

Kuma Kotoomaalu 4:18

Moo tilindiŋo la siloo ka fanu le ko siilimboo meŋ ka fanu-fanu laalaa tiloo muumewo la.

Hoseya 14:5

M be ke la Banisirayila ye le ko komboo, a be yiriwaa la le ko koobayi firi ñiimaa, a ye suloo duŋ ko Libanooni yiroo.

Hoseya 14:7

Ì be sii la n dubeŋo koto le kotenke, ì be siimaŋ kesoo fii la le kotenke, ì be yiriwaa la le ko wayini* yiroo, ì ye daraja ko Libanooni wayinoo.

Hoseya 6:3

Saayiŋ, ali ŋà ǹ na katoo daŋo bee ke, ka Yaawe loŋ, ka a la kuwo fahaamu. A be naa ǹ kaŋ ne, wo be koyiriŋ ne ko perekaanoo, a be naa la ǹ kaŋ ne ko, samaajiyo ka bankoo jiiboŋ ñaameŋ, samaa foloo niŋ samaa labaŋ jiyo.”

Malaki 4:2

Bari alitolu mennu ye n too kuliyaa, wo luŋo la tiliŋo be bo la ali ye le ko tiloo, a maloo ye ali jaara. Ali si sawuŋ-sawuŋ kontaanoo kamma la ko niŋ i ye ninsiriŋo bula, a be taa daañinoo la.

Matiyu 18:3

A ko ì ye ko, “Tooñaa, m be a fo la ali ye, fo niŋ ali sondomoolu falinta ka ke ko dindiŋolu be ñaameŋ, niŋ wo nte ali te duŋ na Arijana mansabaayaa kono.

Matiyu 19:14

Bituŋ Yeesu ko, “Ali dindiŋolu bula, ì ye naa n kaŋ. Ali kana ì bali naa la, kaatu mennu ka munta ko ñinnu, wolu le taa mu Arijana mansabaayaa ti.”

Maaka 10:15

Tooñaa, m be a fo la ali ye, moo-wo-moo meŋ maŋ Alla la mansabaayaa muta ko dindiŋo, wo te duŋ na a kono.”

Luka 18:17

Tooñaa, m be a fo la ali ye, moo-wo-moo meŋ maŋ Alla la mansabaayaa muta ko dindiŋo, wo te duŋ na a kono.”

Roomankoolu 6:4

Wo to batisewo ye a taamanseeri le ko, ǹ niŋ Kiristu baadeeta ñoo la a la saayaa kono le. Aduŋ ko a wulindita ñaameŋ saayaa kono ka bo niŋ a Faamaa la semboo niŋ waroo la, m̀ fanaa si taama baluu kutoo kono wo ñaama.

1 Korintinkoolu 14:20

Baadiŋolu, ali kana ke dindiŋolu ti ali la miiroolu to. Ali ke deenaanoolu ti kuu jawoo la kuwo to, bari ali si ke moo mendiŋolu ti ali la miiroolu to.

Efesusinkoolu 2:21

Ka bo niŋ ate le la, looroo bee timmata ñoo bala, aduŋ a ka tu yiriwaa la le ka ke buŋ senuŋo ti Maariyo kono.

Efesusinkoolu 4:15

Wo noo to, m̀ be looriŋ tooñaa le kaŋ kanoo kono, m̀ be yiriwaa kaŋ kuu-wo-kuu to ka coki Kiristu bala, meŋ mu kuŋo ti baloo ye.

2 Tesalonikankoolu 1:3

Baadiŋolu*, a be beŋ na le, a mu hani ñantoo le ti ntolu kaŋ, ka Alla tentu ali la kuwo to waati-wo-waati, kaatu ali la lannoo be yiriwaa kaŋ baake le, aduŋ ali kiliŋ-kiliŋ naa la ñoo kanoo be kafu kaŋ ne.

1 Pita 1:23

Ali naata wuluu kotenke ka baluu kutoo soto, aduŋ wo maŋ bo niŋ kesoo la, meŋ ka kasaara, bari a bota Alla la kumoo le la, meŋ be baluuriŋ, aduŋ a be tu la le fo abadaa.

2 Pita 3:18

Wo noo to, ali si yiriwaa m̀ Maarii niŋ ǹ na Kiisandirilaa Yeesu Kiristu* la hiinoo niŋ a loŋo kono. Tenturoo niŋ jayiroo be ate le ye, saayiŋ aniŋ fo abadaa. Amiin.