1 Pita 1:5 - Mandinka Bible

⁵ Ali be a soto la le, baawo Alla la semboo ka ali tankandi lannoo kono wo kiisoo le ye, meŋ be lankenema la luŋ labaŋolu kono.

1 Pita 1:5 Mawu Ofanana

Yuuba 19:25

Bari nte ye a loŋ ne ko, n kiisandirilaa, wo be baluuriŋ ne, aduŋ ate le be loo la n ye kuwo labandulaa ñiŋ duniyaa kono jaŋ.

Jabuuroolu 37:28

Kaatu Yaawe ye tiliŋo le kanu, aduŋ a te a koo dii la a la moo tilindiŋolu la. A ka ì kanta le fo abadaa, bari moo jawoolu koomalankoolu, a be wolu wafati la bankoo kaŋ ne.

Kuma Kotoomaalu 2:8

Kaatu a ka moo tilindiŋolu la siloolu kanta le, aduŋ a ka tankandiri ke a la tooñaa moolu la.

Yesaya 45:17

Bari Yaawe le be alitolu Banisirayilankoolu kiisa la, aduŋ ali be tara la tankoo kono le fo abadaa. Ali te maloo waraŋ dooyaa soto la fo abadaa.

Yesaya 51:6

Ali saŋ fatoolu koroosi, ali ye bankoo juubee, saŋ fatoolu be yeemaŋ na le ko siisiyo, bankoo ye naa tiñaa ko funtoo, a moolu ye faa ko siyolu. Bari n na kiisoo be tu la le fo abadaa, aduŋ n na tiliŋo te boyi la muumeeke.

Yesaya 54:17

Bari jooraŋ-wo-jooraŋ dadaata i kamma, a te taama la. Moo-wo-moo ye i tuumi a neŋ kolomoo la, i be a faniyandi la le. Wo le mu n na dookuulaalu ye keetaafeŋo ti, aniŋ ì la kañeeroo ka bo m bulu.” Yaawe le ye a fo.

Yesaya 66:22

A ko: “M be saŋ kutoo niŋ banku kutoo meŋ daa la, be tu la n ñaatiliŋo la ñaameŋ, ali too niŋ ali koomalankoolu be tu la ali ye wo le ñaama.”

Yeremiya 23:4

M be kantarilaalu bula la ì kunna le, mennu be kali ì topatoo la. Ì te sila la kotenke, ì kija te ì fara la, sako kiliŋ si fili ì kono.” Yaawe le ye a fo.

Yeremiya 32:40

M be badaa-badaa kambeŋo le siti la n niŋ ì teema ko: N nene te m foño la kuu kendoo ke la ì ye, aduŋ m be n ñaasilaŋo dundi la ì sondomoolu kono le, ñiŋ kamma ì kana jenke n na karoo la kotenke.

Yohana 12:48

Moo meŋ balanta m ma, aniŋ a maŋ soŋ n na kumoolu la, wo be kiitindirilaa soto la le. Ŋa kumoo meŋ fo, wo le be a kiitindi la luŋ labaŋo la.

Yohana 17:15

M maŋ duwaa ko, i ye ì bondi duniyaa kono, bari i si ì tanka Seetaanoo* ma.

Yohana 4:14

Bari moo meŋ ye i miŋ jiyo la, m be meŋ dii la a la, mindoo nene te wo maarii muta la kotenke. Jiyo, m be meŋ dii la a la, wo be ke la woyoo le ti a kono, meŋ ka woyi ka badaa-badaa baluwo dii.”

Yohana 5:24

“Tooñaa-tooñaa, m be a fo la ali ye, moo meŋ ye n na kumoo moyi, aduŋ a laata Alla la, meŋ ye n kii, wo maarii ye badaa-badaa baluwo soto le. Aduŋ a te naa la kiitiyo to, bari a tambita le ka bo saayaa to ka taa baluwo to.

Roomankoolu 11:20

Ñiŋ ne mu tooñaa ti, bari Yahuudoolu la lannabaliyaa le ye a tinna ì kuntuta, aduŋ ka bo niŋ i la lannoo doroŋ ne la, i si tu noo i noo to. Wo kamma la, kana i faŋ wara, bari i si sila!

Roomankoolu 8:18

Ŋa a je le ko, m̀ be tooroolu mennu kono saayiŋ, wolu mu kuundiŋ ne ti. Ǹ te wolu niŋ kallankeeyaa misaali noo la, meŋ be lankenema la, aduŋ m̀ be naa a soto la le.

1 Korintinkoolu 1:21

Alla ye a la ñaameŋo yitandi le, bari duniyaa moolu maŋ Alla loŋ noo niŋ ì la ñaameŋo la. Wo kamma la Alla kontaanita le ka moolu kiisa, mennu laata, ka bo niŋ ntolu la tooleeyaa kawandoo la.

2 Korintinkoolu 1:24

A maŋ ke ko, m̀ mu ali la lannoo maralaalu le ti, bari ntolu niŋ alitolu keta dookuuñoolu le ti ali la seewoo ye, kaatu ali be looriŋ bambandinke le ali la lannoo kono.

Kalatiyankoolu 2:20

Wo to n niŋ Kiristu pempenta yiribantambiloo bala le. A maŋ ke ko, nte faŋo le be baluuriŋ, bari Kiristu le be baluuriŋ n kono. M be baluwo meŋ to saayiŋ, wo baluwo be looriŋ lannoo le kaŋ ŋa meŋ soto Alla Dinkewo* la, meŋ ye n kanu, aniŋ a ye a niyo laa n ye.

Efesusinkoolu 2:8

Ali kiisata ka bo niŋ hiinoo le la, biriŋ ali ye lannoo soto. Ali la kata kuwolu maŋ a sii ali la, Alla la sooroo le mu.

Efesusinkoolu 3:17

aniŋ fo ali sondomoolu si ke Kiristu la sabatidulaa ti ka bo niŋ lannoo la. N ka Alla daani le, fo ali suloolu niŋ ali la fondamaŋolu si bambaŋ kanoo kono,

Filipinkoolu 1:6

Aduŋ nte dankeneyaata le ko, meŋ ye ñiŋ dookuu betoo dati ali kono, ate le be a timmandi la, janniŋ Yeesu Kiristu la naa luŋo be sii la.

Filipinkoolu 4:7

Wo to le Alla la kayiroo meŋ warata ka tambi hadamadiŋolu la fahaamuroo bee la, a be ali sondomoolu niŋ ali la miiroolu kanta la Kiristu* Yeesu kono le.

2 Timoti 3:15

Biriŋ i la dindiŋyaa waatoo la, i ye Kitaabu Senuŋolu loŋ ne. Wolu le ka ñaameŋo dii i la, ka i taamandi noo ka kiisoo soto, ka bo niŋ lannoo la Kiristu Yeesu kono.

Titus 2:13

m̀ be ǹ na jikoo la timmoo batu kaŋ daameŋ. Wo jikoo la timmoo mu Yeesu Kiristu* la fintinaŋo le ti, meŋ na kallankeeyaa* jarita jayiroo bee la. Ate le mu ǹ na Alla ti meŋ warata, aniŋ ǹ na Kiisandirilaa,

Hiburunkoolu 6:12

M̀ maŋ lafi alitolu ye ke moo naafariŋolu ti, bari ali si moolu nikiŋ, mennu ka tu looriŋ lannoo niŋ muñoo kaŋ. Wo kamma la ì ka kuwolu keetaa le, mennu laahidita ì ye.

Hiburunkoolu 9:28

Wo ñaa kiliŋo la, Kiristu fanaa keta sadaa ti siiñaa kiliŋ ne, ka moo jamaa la junuboolu bondi. A be naa fulanjanke le, bari wo te ke la junuboo la kuwo ti, bari ka moolu kiisa, mennu be i yillaariŋ baake ate ma.

1 Pita 1:13

Wo to, ali ali hakiloo tu, ali ye ali faŋ mara, aduŋ ali si ali jikoo bee loo hiinoo kaŋ, meŋ be dii la ali la, Yeesu Kiristu be muru la naŋ waatoo meŋ na.

1 Pita 4:13

Bari wo noo to, ali si seewoo, kaatu ali be ali niyo le soto kaŋ Kiristu la tooroo kono. Bituŋ ali si i yillaa kontaanoo niŋ jusulaa baa la, niŋ a la kallankeeyaa* lankenemata.

1 Pita 5:1

Moolu mennu mu alifaalu ti ali kono, m be ì wakiilindi la, baawo nte fanaa mu alifaa le ti, aniŋ seedoo Kiristu* la tooroolu kono. Nte fanaa mu niisotolaa le ti kallankeeyaa* to, meŋ be lankenema la.

2 Pita 1:3

A la sembe kaawakuuyaariŋo ka bo Alla le bulu, wo le ye feŋ-wo-feŋ dii ǹ na, ǹ suulata meŋ na ka baluu Alla la siloo kaŋ. Ŋà wo bee soto le, kaatu ŋà ate loŋ ne, meŋ ye ǹ kumandi ka niyo soto a la kallankeeyaa* to, a niŋ baluu senuŋo.

1 Yohana 3:2

N kanuntewolu, saayiŋ m̀ mu Alla diŋolu le ti, bari a maŋ koyi m̀ ma foloo, m̀ be ke la meŋ ti. Bari ŋà a loŋ ne ko, niŋ Kiristu lankenemata, m̀ be ke la le ko ate, kaatu m̀ be a je la le, a be ñaameŋ.

Yuuda 1:1

Nte Yuuda, meŋ mu Yeesu Kiristu* la dookuulaa ti, Yankuba dookewo, m be ali kontoŋ na, alitolu mennu bee kumandita ka sabati Alla, m̀ Faamaa la kanoo kono, meŋ ye ali kanda Yeesu Kiristu ye.

Yuuda 1:24

Tenturoo niŋ jayiroo be ate le ye, meŋ si ali tanka noo boyoo ma, ka ali sootaaribaloolu samba a la kallankeeyaa kono, ali be seewoo soto la a ñaatiliŋo la daameŋ.

1 Samuweli 2:9

A be a la moo kendoolu kanta la ì la siloolu kaŋ ne, bari moo jawoolu be tara la deyiriŋ diboo le kono. Moo faŋo semboo buka a samba ñaato.