1 Musa 2:3 - Mandinka Bible

³ Alla neemata tili woorowulanjaŋ luŋo ma, aduŋ a ye a kuliyaa. Kaatu ate mu luŋ ne ti, luŋo meŋ Alla ye i dahaa daaroo bee la, a tarata meŋ ke kaŋ.

1 Musa 2:3 Mawu Ofanana

1 Musa 1:31

Alla ye a je ko, a ye feŋolu mennu bee daa, beteyaata baake le. Wulaaroo niŋ soomandaa sotota, tili wooronjaŋ luŋo la.

1 Musa 2:2

Tili wooronjaŋo, Alla ye dookuwo baŋ, a tarata meŋ ke kaŋ. Bituŋ a ye i dahaa tili woorowulanjaŋ luŋo.

1 Musa 2:4

Ñiŋ ne keta saŋo niŋ bankoo la taarikoo ti, kabiriŋ Alla ye ì daa. Kabiriŋ Yaawe* Alla ye saŋo niŋ bankoo daa,

Nehemiya 9:14

I ye ì kalamutandi i la Loobula Luŋ senuŋo la le, ka yaamaroolu dii ì la, karandiroolu, aniŋ luwaalu, ka bo niŋ ì la dookuulaa Musa la.

2 Musa 23:12

Ali ali la dookuwo ke tili wooro kono, bari tili woorowulanjaŋ luŋo la, ali kana dookuu ke, fo ali la ninsoolu niŋ ali la faloolu, joŋolu mennu be ali fee, ka taa fo tumarankewolu fanaa mennu be sabatiriŋ ali fee si foñondiŋo soto ka bambaŋ a saamoo.

2 Musa 34:21

“Dookuwo ñanta ke la tili wooro le kono, bari tili woorowulanjaŋ luŋo la ali si i dahaa, hani senoo waatoo aniŋ katiroo.

Kuma Kotoomaalu 10:22

Yaawe la neemoo le ka naafuloo samba naŋ, bari kata baa buka feŋ ne lafaa a kaŋ.

Esekiyeli 20:12

Wo bee koolaa, ŋa Loobula Luŋo dii ì la, ka ke ì ye kambeŋo taamanseeroo ti, fo ì si a loŋ ko, nte Yaawe faŋo le ye ì tomboŋ, ka ì jankundi.

3 Musa 23:3

Ali si tili wooro dookuu, bari tili woorowulanjaŋo mu Loobula Luŋ buuñaariŋo le ti, luŋo meŋ ali ñanta beŋ na ñoo kaŋ ka m batu. Ali kana dookuu ke wo luŋo la. Ali be sabatiriŋ daa-wo-daa, wo luŋo mu nte Yaawe la Loobula Luŋo le ti.

Maaka 2:27

Bituŋ Yeesu ko ì ye ko, “Loobula Luŋo dadaata hadamadiŋo le ye, bari hadamadiŋo maŋ dadaa Loobula Luŋo ye.

Luka 23:56

Bituŋ ì muruta, ì ye tulu seeralaa parendi. Bari Loobula Luŋo la, ì ye i dahaa ko Luwaa ye a landi ñaameŋ.