1 Musa 2:2 - Mandinka Bible

² Tili wooronjaŋo, Alla ye dookuwo baŋ, a tarata meŋ ke kaŋ. Bituŋ a ye i dahaa tili woorowulanjaŋ luŋo.

1 Musa 2:2 Mawu Ofanana

1 Musa 1:31

Alla ye a je ko, a ye feŋolu mennu bee daa, beteyaata baake le. Wulaaroo niŋ soomandaa sotota, tili wooronjaŋ luŋo la.

1 Musa 2:3

Alla neemata tili woorowulanjaŋ luŋo ma, aduŋ a ye a kuliyaa. Kaatu ate mu luŋ ne ti, luŋo meŋ Alla ye i dahaa daaroo bee la, a tarata meŋ ke kaŋ.

2 Musa 23:12

Ali ali la dookuwo ke tili wooro kono, bari tili woorowulanjaŋ luŋo la, ali kana dookuu ke, fo ali la ninsoolu niŋ ali la faloolu, joŋolu mennu be ali fee, ka taa fo tumarankewolu fanaa mennu be sabatiriŋ ali fee si foñondiŋo soto ka bambaŋ a saamoo.

2 Musa 31:15

Ali si dookuwo ke fo tili wooro, bari tili woorowulanjaŋ luŋo wo mu Loobula Luŋo le ti, luŋ buuñaariŋo nte Yaawe ye. Moo-wo-moo ye dookuwo ke Loobula Luŋo la, ali ñanta a maarii faa la le.

2 Musa 31:17

A be ke la taamanseeri le ti meŋ be tara la n niŋ Banisirayilankoolu teema fo abadaa. Kaatu ŋa saŋo niŋ bankoo daa tili wooro le, aduŋ tili woorowulanjaŋ luŋo la, m maŋ daaroo ke, ŋa n dahaa le.

Yesaya 58:13

“Ali kana jutu Loobula Luŋo la, ka bula ali la niidiyaa nooma, n na ñiŋ luŋ buuñaariŋo la. Ali ñiŋ luŋo kumandi kontaani luŋo la, aniŋ luŋ buuñaariŋo. Ali si ñiŋ luŋo muta ka a buuñaa, ali kana bula ali fansuŋ siloo nooma, ka ali fansuŋ nafaa kuwo taamandi, waraŋ ka kuma kenseŋo fo.

Yohana 5:17

Bari a ye ì jaabi ko, “M Faamaa ka tu dookuwo la le doroŋ, aduŋ nte fanaa be dookuwo le la.”

5 Musa 5:14

bari tili woorowulanjaŋ luŋo mu Loobula Luŋo le ti nte Yaawe la kuwo kamma la. Wo luŋo la, ali kana dookuu-wo-dookuu ke, ali faŋolu, ali dinkewolu, ali dimmusoolu, ali la jonkewolu, ali la jommusoolu, ali la ninsoolu, ali la faloolu, ali la beeyaŋolu bee, aniŋ tumarankewolu mennu be siiriŋ ali fee. Ali la joŋolu si i foñondiŋ ko ali faŋolu.

Hiburunkoolu 4:10

Silaŋ, moo-wo-moo meŋ dunta Alla la dahaa kono, wo maarii be i dahaa la a la dookuwo bee la le ko Alla ye i dahaa nuŋ a la dookuwo la ñaameŋ.

Hiburunkoolu 4:4

Tili woorowulanjaŋo la kuwo to, a be safeeriŋ ne ko: “Alla ye i dahaa tili woorowulanjaŋo la a la dookuwo bee le la.”