1 Musa 1:3 - Mandinka Bible

³ Bituŋ Alla kumata ko, “Maloo ye ke.” Maloo keta.

1 Musa 1:3 Mawu Ofanana

1 Musa 2:4

Ñiŋ ne keta saŋo niŋ bankoo la taarikoo ti, kabiriŋ Alla ye ì daa. Kabiriŋ Yaawe* Alla ye saŋo niŋ bankoo daa,

Yuuba 36:30

A ka saŋo baloo bee ŋalasindi, bari baa baalu duuma, wolu ka tu dibiriŋ ne.

Yuuba 38:19

Maloo dulaa siloo be mintoo le, aniŋ diboo dulaa mu mintoo le ti?

Jabuuroolu 104:2

I ye i faŋ murubeŋ niŋ mala baa le la. Ite le ye saŋ fatoolu wanka ko tiriliisoo*.

Jabuuroolu 118:27

Yaawe le mu Alla ti, a ye ǹ na baluwo malandi le. Ali yiribulu jambamaalu cafu ka juuraloo dati. Ali niŋ doŋo ye taa sadaajanidulaa* to.

Jabuuroolu 148:5

Daaroo bee, ali Yaawe jayi a too la, kaatu ate le ye ali daa ka bo niŋ a la kumoo la.

Jabuuroolu 33:6

Yaawe ye saŋ fatoolu daa a la kumoo le la, tiloo, karoo, aniŋ looloolu daata a la kumakaŋo le la.

Jabuuroolu 33:9

Kabiriŋ a kumata, duniyaa daata, a ye yaamaroo dii, feŋo bee fintita.

Jabuuroolu 97:11

A la beteyaa tilimaa le ka mala moo tilindiŋolu kaŋ, aduŋ seewoo be moolu le ye, tiliŋo be mennu sondomoo kono.

Yesaya 45:7

Nte le ye maloo naati, ŋa diboo daa, nte le ye kayiroo naati, ŋa maasiiboo saabu. Nte Yaawe le ka ñiŋ kuwolu bee ke.

Yesaya 60:19

“Tiloo te ke la i ye maloo ti kotenke tilibuloo, sako karoo la diyaa si mala i kaŋ suutoo, kaatu nte Yaawe le be ke la i ye badaa-badaa maloo ti, nte i la Alla ye ke i ye fanuñaa ti.

Matiyu 8:3

Wo to le Yeesu ye a buloo tiliŋ, a ye a maa. Bituŋ a ko, “N lafita le. Kendeyaa!” Wo loodulaa kiliŋo to, a la balajawoo bee seneyaata a bala.

Yohana 1:5

Maloo be mala kaŋ diboo kono, aduŋ diboo maŋ a dubeŋ noo.

Yohana 1:9

Mala tooñaa, meŋ ka maloo dii moolu bee sondomoo kono, a be naa kaŋ duniyaa kono le.

Yohana 11:43

Kabiriŋ a ye ñiŋ fo, a sarita santo ko, “Lasarus, finti naŋ!”

Yohana 3:19

Aduŋ ñiŋ ne mu kiitiyo ti ko, maloo naata duniyaa kono le, bari moolu ye diboo le kanu ka tambi maloo la, kaatu ì la kebaaroolu jawuyaata le.

2 Korintinkoolu 4:6

Alla meŋ ko nuŋ ko, “Maloo ye mala diboo kono,” ate faŋo le ye a la maloo dii ǹ sondomoo kono fo ǹ si a la kallankeeyaa fahaamu. Ñiŋ mu Alla la kallankeeyaa le ti, meŋ ka mala Kiristu ñaadaa to.

Efesusinkoolu 5:14

aduŋ feŋ-wo-feŋ meŋ jeta maloo kono, wo fanaa keta maloo le ti. Wo kamma la, a fota le ko: “Ite siinoolaa, kuniŋ i ye wuli saayaa kono, aduŋ Kiristu be a la maloo mala la i kaŋ ne.”

Efesusinkoolu 5:8

Ali mu diboo le ti nuŋ, bari saayiŋ ali mu maloo le ti Maariyo kono. Wo kamma la, ali baluu ko moolu mennu mu maloo taa ti.

1 Timoti 6:16

Ate dammaa le buka faa. A be sabatiriŋ mala baa le kono, hadamadiŋo te sutiyaa noo la meŋ na. Moo nene maŋ a je, aduŋ moo nene te a je noo la. Horomoo niŋ semboo be ate le ye, fo abadaa. Amiin.

1 Yohana 1:5

Ñiŋ mu kibaaroo le ti, ntolu ye meŋ soto a Dinkewo bulu, aduŋ ŋà a bankee ali ye le ko, Alla mu maloo le ti, aduŋ diboo te a kono muumeeke.

1 Yohana 2:8

Bari kara doo la, m be yaamari kutoo le safee kaŋ ali ye, ate naata meŋ yitandi tooñaa ti, aduŋ a mu tooñaa ti alitolu fanaa fee. Diboo be bo kaŋ ne, aduŋ mala tooñaa be mala kaŋ ne fokabaŋ.