1 Mansoolu 8:51 - Mandinka Bible

⁵¹ kaatu i la moolu le mu, i faŋo ye mennu ke i taa ti. I ye ì bondi naŋ Misira kono le, daameŋ to ì tarata nuŋ mantoora jawu baa kono.

1 Mansoolu 8:51 Mawu Ofanana

1 Mansoolu 8:53

kaatu ite faŋo le ye ì tomboŋ ka ì bondi duniyaa moolu kono, ka ì ke i fansuŋ moolu ti, ko i ye a bankee ñaameŋ ka bo niŋ i la dookuulaa Musa la kabiriŋ ite, m Maarii Yaawe ye m̀ mumuñolu bondi naŋ Misira kono.”

2 Taarika 6:39

i si i lamoyi ka bo Arijana kono, i taradulaa. I si i la moolu la balafaa woosiyo moyi, i ye ì la makatoo bayi ì ye, i ye yamfa ì ye, ì ye junube kuwo meŋ ke i la.

Nehemiya 1:10

“Ñinnu mu i la dookuulaalu le ti, aniŋ i la moolu, i ye mennu tankandi ka bo niŋ i la sembe baa la, i buloo la dookuwo.

Jabuuroolu 28:9

Yaawe, i la tomboŋ moolu tankandi, aduŋ i si neema ì ma. I si ke ì kantalaa ti, i ye ì topatoo.

Yesaya 48:10

Ŋa ali seneyandi le, m maŋ a ke ko ì ka kodiforoo seneyandi ñaameŋ, bari ŋa ali kotobo le ka bo niŋ niitooroo la.

Yesaya 64:9

Hee Yaawe, kana kamfaa fo a ye landatambi, ka ǹ na junuboolu tu i kono fo abadaa! Ŋà i daani, ǹ na kuwo hakilitu, kaatu ntolu bee mu i la moolu le ti.

Yeremiya 11:4

Ŋa kambeŋo le siti n niŋ ì mumuñolu teema, kabiriŋ ŋa ì bondi naŋ Misira bankoo kaŋ, ì be jaraboo kono nuŋ daameŋ ko niŋ ì be fuuri dimbaa le kono. Ŋa ñiŋ ne fo ì ye nuŋ ko, ì si n na kumakaŋolu muta, ka kuwolu bee ke ŋa ì yaamari mennu la. Wo to le ì be ke la n na moolu ti, ŋa ke ì la Alla ti.

Yeremiya 51:19

Bari Yaawe te wo ñaama, Yaakuba la Alla, kaatu ate le mu feŋo bee Daamansoo ti, a ye Isirayila lasiloo ke a la keetaafeŋo ti. A too mu Yaawe Alihawaa Maariyo le ti.

Daniyeli 3:26

Wo le to Nebukanesa taata fuuri dimbaa wuleŋo daa maafaŋo la, a ye ì toolu kumandi santo, a ko, “Sadiraki, Mesaki, aniŋ Abedineko! Alla Mansa Tallaa la dookuulaalu, ali finti, ali ye naa jaŋ.” Bituŋ ì fintita naŋ dimbaa kono.

5 Musa 32:9

Bari Yaawe taa, wo keta a la moolu le ti, Yaakuba koomalankoolu, wolu le mu a niyo ti.

5 Musa 4:20

Bari alitolu le keta moolu ti, Yaawe ye mennu bondi naŋ Misira bankoo kaŋ, daameŋ mulunta ali ye nuŋ ko fuuri kandoo. A naata ali ke a fansuŋ moolu ti ko ali be ñaameŋ bii.