1 Mansoolu 8:16 - Mandinka Bible

¹⁶ ‘Ka bo luŋo meŋ na ŋa n na moolu Banisirayilankoolu fintindi naŋ Misira kono, m maŋ saatewo tomboŋ Banisirayila lasili kiliŋ na tundoo kaŋ ka m Batudulaa Buŋo loo, n too ye tara jee, bari ŋa Dawuda le tomboŋ ka n na moolu, Banisirayilankoolu mara.’ ”

1 Mansoolu 8:16 Mawu Ofanana

1 Mansoolu 11:36

M be a dinkewo tu la le a ye lasili kiliŋ mara. Niŋ wo keta, n na dookuulaa Dawuda koomoo la maraloo te dubeŋ na n ñaa koto Yerusalaamu, ŋa saatewo meŋ tomboŋ ŋa n too ke jee ka ke m batudulaa ti.

1 Mansoolu 8:29

Ŋa ñiŋ ne duwaa fo i ñaa si tara looriŋ ñiŋ buŋo kaŋ suutoo niŋ tiloo, kaatu i ye ñiŋ ne fo ñiŋ dulaa la kuwo to ko, ‘N too be tara la jee le.’ Wo kamma la i si i la dookuulaa la duwaa moyi a be meŋ duwaa la ñiŋ dulaa ñaatiliŋo la.

2 Mansoolu 23:27

Aduŋ Yaawe ye ñiŋ ne fo ko, a be Yahuuda moolu bayi la le ka bo a ñaatiliŋo la, komeŋ a ye Banisirayilankoolu bayi ñaameŋ. A be a koo dii la Yerusalaamu saatewo la le, a ye meŋ tomboŋ a faŋo ye, aniŋ Yaawe Batudulaa Buŋo, a ko a be a too ke la daameŋ to, ka ke a batudulaa ti.

1 Taarika 17:3

Bari wo suutoo faŋo la, Yaawe la kumoo naata Natani kaŋ ko,

1 Taarika 28:4

“Bari hani wo, Banisirayila la Alla ye n tomboŋ n na lasiloo moolu bee kono ka ke Banisirayila la mansa ti fo abadaa. Lasiloolu kono a ye Yahuuda lasiloo le tomboŋ ñaatonkayaa la. Ka bo wolu kono, a ye m faamaa la dimbaayaa le tomboŋ. Wo dimbaayaa kono, a seewoota ka n tomboŋ, ka n ke mansa ti Banisirayila bee kono.

Nehemiya 1:9

Bari niŋ ali muruta n kaŋ, ali ye n na yaamaroolu hakilitu, ka ì muta, wo to hani moolu mennu wudaayindita ali kono ka taa fo duniyaa daŋo to, m be ì kafu la ñoo kaŋ ne ka bo naŋ jee. M be ì samba la naŋ dulaa to le ŋa daameŋ tomboŋ, ŋa n too ke jee ka ke m batudulaa ti.’

Jabuuroolu 132:13

Baawo Yaawe ye Siyoni* le tomboŋ, a la lafoo mu ñiŋ ne ti, ka jee ke a yaa ti.

Jabuuroolu 78:70

A ye a la dookuulaa Dawuda tomboŋ ne, ka bo saajii kanta dulaa to.

Jabuuroolu 89:3

I ye ñiŋ ne fo ko, i ye kambeŋo le siti i niŋ i la tomboŋ moo teema, i ye i la dookuulaa Dawuda laahidi le ko,

Yeremiya 7:12

“Ali taa Silo saatewo to baŋ, m foloota n too ke la batudulaa meŋ kunna. Ali si a juubee ŋa jee ke ñaameŋ, ñiŋ kamma la n na moolu Banisirayilankoolu ye kuu kuruŋolu mennu ke.

5 Musa 12:11

Bituŋ Yaawe ali la Alla be dulaa kiliŋ ne tomboŋ na, a too be tara la daameŋ to. Ali si sadaalu samba a ye jee to, ŋa ali yaamari mennu la: jani sadaalu niŋ beeyaŋ sadaa koteŋolu, jakoolu, soorifeŋ doolu, aniŋ laahidi timmandiraŋ sadaalu.

5 Musa 12:5

Yaawe ali la Alla be dulaa le tomboŋ na ali lasili kiliŋ na tundoo kaŋ, a too be tara la daameŋ, jee ye ke a batudulaa ti, ali si jee waliŋ.

1 Samuweli 16:1

Yaawe* ko Samuweli ye ko, “I be tu la i miira la Sawulu la kuwo la fo waati jumaa le? Ŋa a bondi Banisirayilankoolu la mansayaa to le. Bari saayiŋ tuloo fandi i la binoo kono, i ye taa Betilehemu. Taa kewo yaa jee, meŋ too mu Yese ti, kaatu a dinkewolu kono, ŋa moo kiliŋ ne tomboŋ, ka a ke mansa ti.”