1 Mansoolu 8:12 - Mandinka Bible

¹² Bituŋ Sulemani ko, “Yaawe, i ye ñiŋ ne fo ko ite be tara la tawali dibiriŋo le kono.

1 Mansoolu 8:12 Mawu Ofanana

2 Samuweli 22:10

A ye saŋ fatoo fara naŋ, a jiita duuma, saŋ tawaloolu be a sindafatoolu bala.

1 Mansoolu 8:11

A ye a tinna piriisoolu maŋ ì la baturoo ke noo tawaloo ñiŋ kamma la, kaatu Yaawe la kallankeeyaa* le ye Batudulaa Buŋo fandi.

Nehemiya 8:5

Esira ye kitaaboo yele. Moolu bee ñaa ka a je noo le, kaatu a be looriŋ ì ye santo la le. A ye a yele doroŋ, moolu bee wulita ì loota.

Jabuuroolu 97:2

Minaayoolu ye a kuru, diboo ye a muru. Tiliŋo niŋ tooñaa, a la mansasiiraŋo be looriŋ wo le kaŋ.

2 Musa 20:21

Moolu tuta looriŋ dulaa jaŋo le to, biriŋ Musa taata diboo kono Alla be daameŋ.

Yesaya 45:15

Hee Alla Banisirayila Kiisandirilaa, tooñaa, ite mu Alla le ti, meŋ buka a faŋo yitandi.

3 Musa 16:2

A ko Musa ye ko: A fo i kotoomaa Haaruna ye, a kana duŋ Dulaa Senuŋ Baa* kono, ridoo ye konoto la, niŋ a maŋ ke a ñanta duŋ na jee waatoo meŋ na. Niŋ a ye wo ke, a be faa la le, kaatu Kambeŋ Kunewo* bitindaŋo be jee le to, meŋ mu junube kafari dulaa ti, n ka finti minaayoo kono meŋ kunto.

5 Musa 4:11

Ali a fo ali diŋolu ye, ali loota Sinayi Konkoo to ñaameŋ, waatoo meŋ na konkoo be mala kaŋ fo saŋo santo, siisii fiŋ baa minaayimaa ye a muuri.

5 Musa 5:22

Bituŋ Musa ko ì ye ko: Ñinnu le mu yaamaroolu ti, Yaawe ye mennu dii ali la nuŋ, waatoo meŋ na ali benta ñoo kaŋ Sinayi Konkoo to. Kabiriŋ Yaawe diyaamuta dimbaa maloo kono, minaayoo aniŋ siisii fiŋ baa, fo ali bee ye a diyaamukaŋ baa moyi, a ye ñiŋ yaamaroolu dammaa le dii, a maŋ feŋ laa wolu kaŋ. A ye ì safee berewalaa fula le bala, a ye ì dii n na.

Hiburunkoolu 12:18

Ali naata konkoo meŋ to, a maŋ ke konkoo ti, moo si meŋ maa noo. A maŋ ke ko Sinayi Konkoo, dimbaa jawoo be daameŋ nuŋ, dibi fiŋ baa, aniŋ foño baa.