1 Mansoolu 4:7 - Mandinka Bible

⁷ Sulemani ye kumandaŋ taŋ niŋ fula le ke Banisirayila bee kunna, mennu ka domoroo samba naŋ mansa ye, aniŋ a la dimbaayaalu, ì meŋ-wo-meŋ ñanta kari kiliŋ domori sumaŋo le la saŋo kono.

1 Mansoolu 4:7 Mawu Ofanana

1 Mansoolu 12:4

“I faamaa ye duni kuliŋ baa le laa ǹ kaŋ, bari saayiŋ dookuu dimindiŋ baa niŋ duni kuliŋ baa feeyandi ǹ ye a ye meŋ laa ǹ kaŋ, aduŋ ǹ si soŋ i ye.”

1 Mansoolu 4:5

Natani dinkewo Asariya le mu mansa la dookuulaalu la kumandaŋ baa ti. Natani dinkee doo Sabudi mu piriisoo le ti aniŋ mansa yaamarilaa.

1 Mansoolu 4:6

Ahisa le tarata marariŋ mansa la suwo kono ma. Aduŋ Abuda dinkewo Adoniramu le marata foriseetoo dookuwo ma.

1 Mansoolu 4:8

Ñinnu le mu ì toolu ti, aniŋ ì be saatewolu mennu to: Beni-Huri, Efurayimu* konkotundoo* kaŋ.

1 Mansoolu 5:7

Kabiriŋ Hiramu ye Sulemani la kumoolu moyi, a kontaanita baake, aduŋ a kumata ko, “Tentoo be Yaawe ye bii, meŋ ye dinkee ñaamendiŋo dii Dawuda la ka ñiŋ moo baalu mara.”