1 Mansoolu 4:5 - Mandinka Bible

⁵ Natani dinkewo Asariya le mu mansa la dookuulaalu la kumandaŋ baa ti. Natani dinkee doo Sabudi mu piriisoo le ti aniŋ mansa yaamarilaa.

1 Mansoolu 4:5 Mawu Ofanana

2 Samuweli 12:25

Wo daliiloo kamma la, Yaawe ye kumoo kii Annabilayi Natani ye, ka a toolaa Yedidiya la.

2 Samuweli 15:37

Wo to le mu, Dawuda teerimaa Husayi muruta saatewo kono, waatoo meŋ Abusalomu be duŋ kaŋ saatewo kono.

2 Samuweli 16:16

Bituŋ Husayi Arikinkoo, Dawuda teerimaa, taata Abusalomu yaa, a ko a ye ko, “Allamaa mansa so la siimaayaa la! Allamaa mansa so la siimaayaa la!”

2 Samuweli 20:26

Aduŋ Ira Yayirinkoo le keta nuŋ Dawuda la piriisoo ti.

2 Samuweli 5:14

Dawuda ye dindiŋolu mennu wuluu jee, ì toolu mu ñinnu le ti: Sammuwa, Sobabu, Natani, Sulemani,

2 Samuweli 7:2

a ko Annabilayi Natani ye ko, “Nte fele, m be sabatiriŋ mansabuŋo kono, meŋ dadaata niŋ sedari* babaroo la, aduŋ Alla la Kambeŋ Kunewo* be looriŋ tiriliisoo* koto.”

2 Samuweli 8:18

Benaya Yehoyada dinkewo le marata Keretinkoolu niŋ Peletinkoolu la, mennu mu mansa kantalaalu ti. Dawuda dinkewolu le keta piriisoolu ti.

1 Mansoolu 4:6

Ahisa le tarata marariŋ mansa la suwo kono ma. Aduŋ Abuda dinkewo Adoniramu le marata foriseetoo dookuwo ma.

1 Mansoolu 4:7

Sulemani ye kumandaŋ taŋ niŋ fula le ke Banisirayila bee kunna, mennu ka domoroo samba naŋ mansa ye, aniŋ a la dimbaayaalu, ì meŋ-wo-meŋ ñanta kari kiliŋ domori sumaŋo le la saŋo kono.

1 Taarika 27:33

Ahitofeli mu mansa la yaamarilaa le ti, aduŋ Husayi Arikinkoo mu mansa teerimaa le ti.

Kuma Kotoomaalu 22:11

Moo meŋ ŋaniyoo seneyaata, aniŋ meŋ ka a diyaamuñaa loŋ, mansa le be ke la a teeroo ti.

Yohana 13:23

Saayiboo Yeesu ye meŋ kanu be siiriŋ a kara la.

Yankuba 2:23

Ka bo wo siloo le la, Kitaabu Senuŋo la kumoo timmata meŋ ko, “Iburayima laata Alla la le, aduŋ a la wo lannoo le naata a ke moo tilindiŋo ti Alla ñaa koto.” Bituŋ a naata kumandi “Alla teeroo” la.