1 Mansoolu 3:6 - Mandinka Bible

⁶ Bituŋ Sulemani ko, “I ye kanu bambaloo le yitandi i la dookuulaa m faamaa Dawuda la, kaatu a foroyaata i ma, a taamata tiliŋo kono i ñaatiliŋo la, aniŋ a sondomoo tarata looriŋ ite le kaŋ. Aduŋ i ye ñiŋ kanu bambandiŋ baa muta a ye le, aniŋ i ye dinkewo dii a la ka sii a la mansasiiraŋo kaŋ bii.

1 Mansoolu 3:6 Mawu Ofanana

1 Musa 24:40

Bari a ko n ye le ko, ‘Yaawe, m be meŋ na siloo nooma, wo le be i niŋ a la malaayikoo kii la ñoo la, ka i la siloo sooneeyandi. I be musoo ñini la n dinkewo ye, m faŋo baadiŋolu le kono, m faa suwo kono.

2 Samuweli 22:21

Yaawe, i ye n kiitindi n na tiliŋo le kaŋ, n na sootaaribaliyaa be ñaameŋ, i ye n joo wo le ñaama.

2 Samuweli 22:25

Yaawe, i ye n joo n na tiliŋo le kaŋ, n na seneyaa i la karoo la.

2 Samuweli 7:5

“Taa, a fo n na dookuulaa Dawuda ye ko: Yaawe ye ñiŋ ne fo ko: Fo ite le mu moo ti, meŋ ñanta taradulaa loo la n ye, fo n si sabati jee baŋ?

1 Mansoolu 1:48

aduŋ a duwaata ko, ‘Ali ŋà Yaawe tentu, Banisirayila la Alla, meŋ ye n koomalankoolu kiliŋ sindi n noo to ka ke mansa ti bii, aduŋ a ye nte siimaayandi fo n ñaa ye a je!’ ”

1 Mansoolu 15:5

Kaatu Dawuda baarata kuu tilindiŋolu le la Yaawe ñaa koto, aduŋ a maŋ balaŋ ka Yaawe la yaamari kiliŋ muta a la baluwo bee kono, niŋ a maŋ ke Uriya, Hitinkoo la kuwo dammaa ti.

1 Mansoolu 2:4

Niŋ i sonta Yaawe ma, a be a la laahidoo timmandi la le. A ye ñiŋ ne laahidi ko, niŋ a ye a tara n koomalankoolu tilinta ka soŋ ate la yaamaroolu bee la niŋ ì sondomoo niŋ ì semboo bee la, itolu le be Banisirayila mara la.

1 Mansoolu 3:14

Niŋ i taamata n na siloolu la, ka n na luwaalu muta aniŋ n na yaamaroolu, ko i faamaa Dawuda taamata ì la ñaameŋ, wo to m be i siimaayandi la le.”

1 Mansoolu 9:4

Ite la karoo la, niŋ i taamata n ñaa koto sondome seneyaa niŋ tiliŋo la, komeŋ i faamaa Dawuda ye a ke nuŋ ñaameŋ, aduŋ i ye kuwo bee ke ŋa meŋ yaamari, aniŋ i ye n na kaŋolu niŋ n na luwaalu muta,

2 Mansoolu 20:3

“M Maarii Yaawe, ŋa i daani i si ñiŋ juubee ko, n taamata i ñaa koto tiliŋo le la, aniŋ sondome seneyaa, aduŋ m baarata kuwolu le la mennu beteyaata i fee.” Bituŋ a kumboota kendeke.

2 Taarika 1:8

Bituŋ Sulemani ko Alla ye ko, “I ye kanu bambaloo le yitandi m faamaa Dawuda la, i ye n sindi a la mansasiiraŋo kaŋ.

Jabuuroolu 116:7

Silaŋ n sondomoo si tenkuŋ, kaatu Yaawe ye beteyaa doroŋ ne yitandi n na.

Jabuuroolu 119:17

Yaawe, beteyaa nte fee, i la dookuulaa, fo n si baluu ka i la kumoo muta.

Jabuuroolu 13:6

M be suukuwo laa la ite Yaawe ye le, kaatu i ye beteyaa doroŋ ne yitandi n na.

Jabuuroolu 15:2

Wo mu moo le ti meŋ baluuñaa maŋ sootaaroo soto, aduŋ a kekuwolu ka tiliŋ ne, a fokumoolu ka ke tooñaa le ti, aniŋ konotoseneyaa.

4 Musa 12:7

Bari n na dookuulaa Musa la karoo la, kuwolu fatata le. Ŋa n na moolu bee karafa ate le ma.

2 Korintinkoolu 9:11

A be ali fankandi la feŋo bee kono le fo ali si diiroo jamaa ke noo, aduŋ moo jamaa le be tenturoo dii la Alla la ali la soorifeŋ baa kamma la, meŋ sunta ǹ na ñiŋ dookuwo la.

2 Korintinkoolu 9:5

Wo to ŋa a je le ko, a kummaayaata le ka baadiŋolu daani ka naa ali yaa foloo, ka soorifeŋ neemariŋo kafu ñoo ma, ali ye meŋ laahidi nuŋ. Wo to le nte be a tara la pareeriŋ n ñaato, aduŋ a be ke la soorifeŋ barakariŋo le ti, meŋ diita ka bo niŋ ŋaniyoo la. A te ke la soorifeŋ meseŋ ti, meŋ diyaakuyaa diita.