1 Mansoolu 21:29 - Mandinka Bible

²⁹ “Fo i ye a koroosi le Ahabu ye a fammajii n ñaatiliŋo la ñaameŋ? Baawo a ye ñiŋ ke le, n te kasaara kuwo samba la naŋ ate la baluwo waatoo kono, bari m be a samba la naŋ a la dimbaayaa moolu le kaŋ a dinkewo la baluwo waatoo kono.”

1 Mansoolu 21:29 Mawu Ofanana

1 Mansoolu 11:12

Wo ñaa-wo-ñaa, i faamaa Dawuda la kuwo kamma la, n te a ke la i la baluwo waatoo la. M be a buusi la i dinkewo le bulu.

1 Mansoolu 21:28

Bituŋ Yaawe la kumoo naata Annabilayi Eliya kaŋ ko,

1 Mansoolu 22:1

A ye sanji saba sii le keloo maŋ ke Aramunkoolu niŋ Banisirayilankoolu teema.

2 Mansoolu 10:1

Mansa Ahabu koomalanka kee taŋ woorowula le tarata Samariya saatewo kono. Bituŋ Yehu ye leetaroolu safee, a ye ì kii Samariya saatewo to, Yesireeli maralilaalu kaŋ, aniŋ alifaalu, aniŋ Ahabu diŋolu kuluulaalu. A ko ì ye leetaroo to ko,

2 Mansoolu 10:11

Bituŋ Yehu ye Ahabu la dimbaayaa moolu bee faa, mennu tuta Yesireeli saatewo kono. A ye a la moo kummaalu bee faa, ka taa a teeri kendoolu, aniŋ a la piriisoolu*, fo labaŋo la a maŋ moo tu baluuriŋ a ye.

2 Mansoolu 22:19

Bayiri biriŋ i ye kumakaŋolu moyi meŋ fota ñiŋ dulaa ma, aniŋ a moolu ko, ì be ke la tumbuŋo le ti, aniŋ dulaa dankariŋo, a ye i sondomoo maa le, aduŋ i ye i fammajii nte Yaawe ñaa koto. I ye i la dendikoo faŋo fara niikuyaa kamma la, i kumboota. Wo kamma la ŋa n tuloo tu i la duwaa to le. Nte Yaawe le ye a fo.

2 Mansoolu 9:24

Wo le to Yehu ye a la kalabeñoo saba a semboo la a ye Yoramu buŋ. A ye a soo a koo kono fo a ye a jusoo soo. A boyita a la keleraŋ sareetoo kono.

2 Mansoolu 9:33

A ko ì ye ko, “Ali a joloŋ naŋ duuma.” Wo le to ì ye a joloŋ naŋ, aduŋ a yeloo sarita tata sansaŋo bala aniŋ suwoolu kaŋ. Yehu ye suwoolu borindi a furewo kaŋ.

2 Taarika 12:7

Biriŋ Yaawe ye a je ko, ì ye i fammajii le, a la kumoo naata Semaya kaŋ ko, “Ì ye i fammajii le, n te ì kasaara la, a te mee la m be ì kiisa la, n na kamfaa te jii la Yerusalaamu kaŋ, ka bo niŋ Sisaki la.

Jabuuroolu 18:44

aduŋ tumarankewolu naata le, ka ñoyi n ye. Niŋ ì ye n na kumoo moyi doroŋ, ì ka n horoma le.

Jabuuroolu 66:3

Ali Alla jayi ka a fo a ye ko, “I ka kuwolu mennu ke, ì kaawakuuyaata le. I semboo warabaata le, a ye a tinna le i jawoolu ka kiripa i koto.

Jabuuroolu 86:15

Bari Maariyo, ite mu Alla le ti meŋ balafaa warata, aduŋ i hiinanteeyaata, i buka kamfaa juuna, i la kanu bambaloo niŋ i la tiliŋo maŋ dandulaa soto.

2 Musa 10:3

Wo to le Musa niŋ Haaruna taata Firawoona yaa, ì ko a ye ko, “Yaawe Hiburunkoolu* la Alla ye ñiŋ ne fo ko: I be i fammajii la n ye waati jumaa le? N na moolu bula ì ye taa, fo ì si m batu.

2 Musa 20:5

Ali kana sujudi ì ye, waraŋ ka ì batu, kaatu nte Yaawe i la Alla kiiliyaata le. N ka dindiŋolu jarabi ì la alifaalu la junuboo la le, ka taa fo ì la jamaani sabanjaŋo niŋ naaninjaŋo moolu, mennu ye n koŋ.

Yesaya 66:2

A ko: “M faŋo buloo le ye ñiŋ feŋolu bee daa, ì naata soto. “Ŋa ñiŋ maarii le sikandi santo, moo meŋ ye a fammajii, a tuubita a la junuboolu la, aniŋ n na kumoolu ka silaŋo dundi meŋ na.

Yesaya 66:5

Yaawe la kumoo ka silaŋo dundi mennu la, ali i lamoyi a la kumoo la. A ko: “Ali baadiŋolu mennu ye ali koŋ, ì ñoorita ali la, kaatu ali ye n too le horoma, ì ye ali ñaawali le ka a fo ko, ‘Yaawe la kallankeeyaa* ye lankenema, fo ǹ si ali la seewoo je!’ Bari itolu le be malu la.

Yeremiya 7:17

Fo i maŋ a je baŋ, ì ka tara kuwolu mennu ke kaŋ Yahuuda saatewolu kono taariŋ, aniŋ Yerusalaamu mbeedoolu kaŋ?

Daniyeli 4:27

Wo to Mansa, yaamaroo muta, m be meŋ dii la i la. Fata junube kewo ma, i kali taama tiliŋo la. “I la tilimbaliyaa bula, i ye balafaa moolu ye, mennu be mantooroo kono. A si ke noo i la firiŋo ye tenteŋ.”

Yunusa 3:10

Kabiriŋ Alla ye a je, ì ye meŋ ke, ì ye ì koo dii ì la sila kuruŋo la ñaameŋ, a ye balafaa soto, aduŋ a maŋ kasaaroo samba naŋ ì kaŋ ko a ye a fo nuŋ ñaameŋ.

Mika 7:18

Alla koteŋ ne be keriŋ baŋ ko ite? Ite le ka junuboolu kafari i la moolu ye, mennu tuta baluuriŋ, ite le ka yamfa ì la sookiri kuwolu la. I la kamfaa buka tu fo abadaa, i ka lafi le ka tara hiinanteeyaariŋ doroŋ.

Luka 7:44

Bituŋ a ye a ñaa tiliŋ musoo la, a ko Simoni ye ko, “I ye ñiŋ musoo je le baŋ? N dunta i la buŋo kono, i maŋ jiyo dii n na ka n siŋolu kuu. Bari ñiŋ musoo, a ye n siŋolu sinandi niŋ a ñaajiyo la, a ye ì jandi niŋ a kuntiñoo la.

Roomankoolu 2:4

Fo i jututa Alla la beteyaa baa le la baŋ, a la sooneeyaa aniŋ a la muñoo? Fo i maŋ a loŋ, Alla la beteyaa ka i naati tuuboo le kaŋ?

2 Pita 3:9

A maŋ ke ko, Maariyo naafata a la laahidoo timmandoo la le, ko moo doolu ka a miira ñaameŋ. Wo noo to, a ka muña alitolu ye le, kaatu a maŋ lafi, moo-wo-moo le ye kasaara, bari moolu bee ye tuubi ka ì koo dii ì la junuboolu la.