1 Mansoolu 21:16 - Mandinka Bible

¹⁶ Kabiriŋ Mansa Ahabu ye a moyi ko Naboti faata le, a wulita ka taa wayini yiri kankaŋo ñiŋ taa.

1 Mansoolu 21:16 Mawu Ofanana

1 Mansoolu 21:1

Wo koolaa kewo doo fanaa naata tara jee meŋ too mu Naboti ti, Yesireelinkoo. Naboti ye wayini* yiri kankaŋo le soto Samariya mansa Ahabu la suwo daala Yesireeli saatewo kono.

1 Mansoolu 21:15

Yesebeli ye a moyi doroŋ ko, ì ye Naboti faa le, a taata Mansa Ahabu kaŋ, a ko a ye ko, “Wuli i ye taa Naboti Yesireelinkoo la wayini yiri kankaŋo taa, a balanta ka meŋ waafi i ma. Saayiŋ ate faata le.”

1 Mansoolu 21:17

Bituŋ Yaawe la kumoo naata Annabilayi Eliya kaŋ, Tisibenkoo, ka a fo a ye ko,

2 Mansoolu 5:24

Kabiriŋ ì futata konkoo to, Kehasi ye ñiŋ feŋolu muta Naamani la dookuulaalu bulu, a ye ì maabo buŋo kono. Wo le to a ye Naamani la dookuulaalu bula ì taata.

2 Mansoolu 9:21

Bituŋ Mansa Yoramu ko, “Ali n na keleraŋ sareetoo parendi n ye.” Bituŋ ì ye a parendi a ye. Banisirayila mansa Yoramu niŋ Yahuuda mansa Ahasiya bulata ì la keleraŋ sareetoolu kono. Ì fintita ka taa Yehu benduŋ, aduŋ ì niŋ a benta Naboti Yesireelinkoo la kenoo le kono.

Jabuuroolu 50:18

Hani suŋo niŋ ali ye a je, ali niŋ a ka kafuñooyaa le, aduŋ ali niŋ jeenelaalu le ka kuukeñooyaa.

Yesaya 33:15

Moo meŋ kekuwolu tilinta, aniŋ a fokumoolu ka ke tooñaa ti, meŋ buka sotoo ke tapaleeyaa kono, meŋ buka dukoo muta, meŋ ka a tuloo kaasi feeroolu la ka moo faa, aniŋ ka a ñaa kaasi kuu kuruŋ kewo la,

Roomankoolu 1:32

Hani ì ye Alla la Luwaa loŋ ñaa-wo-ñaa ko, moolu mennu ka ñiŋ kuu siifaalu ke, wolu jarita le ka faa, ì maŋ tenteŋ ka ñiŋ kuwolu doroŋ ke, bari ì ka kontaani moo doolu fanaa la kuwo la le, mennu ka ñinnu ke.

2 Pita 2:15

Ì ye sila tilindiŋo bula le, ì naata fili. Ì ye Balaamu la siloo le nooma, Bewori dinkewo, meŋ ye a la kuu jawoo ke tinewo kanoo kamma la.