1 Mansoolu 20:7 - Mandinka Bible

⁷ Bituŋ Mansa Ahabu ye bankoo alifaalu bee kumandi, a ko ì ye ko, “Ali a juubee, ñiŋ kewo ka nambara kuwo ñini n ye ñaameŋ! A ye n na musoolu niŋ n diŋolu kaniŋ ne, n na kodiforoo niŋ sanoo, aduŋ m maŋ balaŋ a ma.”

1 Mansoolu 20:7 Mawu Ofanana

1 Mansoolu 20:6

Bari saama ñiŋ ñoŋ waatoo a be a la dookuulaalu kii la naŋ ne, aduŋ ì be i la mansasuwo kono kisikisi la, aniŋ i la dookuulaalu la buŋolu kono. Feŋ-wo-feŋ kummaayaata ì ñaa koto, ì be wo bee ñapinkaŋ na le ì ye a taa.”

1 Mansoolu 20:8

Bituŋ alifaalu niŋ moolu bee ye a jaabi ko, “Kana a danku, aduŋ i kana soŋ a la kanindiroo la.”

1 Mansoolu 21:8

Bituŋ Yesebeli, Mansa Ahabu la musoo ye leetaroolu safee Ahabu tooyaa la, a ye ì tampu niŋ Ahabu la tampuraŋo la ka ì kii saatee alifaalu niŋ moo kummaalu kaŋ mennu niŋ Naboti be saatee kiliŋo kono.

1 Mansoolu 8:1

Bituŋ Mansa Sulemani ye Banisirayila alifaalu kumandi, aniŋ lasili kuntiyolu bee, aniŋ Banisirayilankoolu la kaabiila ñaatonkoolu, ka naa loo a ñaatiliŋo la Yerusalaamu kono, ka Yaawe* la Kambeŋ Kunewo* samba naŋ ka bo Siyoni*, Dawuda la Saatewo* to.

2 Mansoolu 5:7

Kabiriŋ Banisirayila mansa ye leetaroo ñiŋ karaŋ, a ye a faŋo la dendikoo fara, niikuyaa kamma la. A kumata ko, “Fo nte le mu Alla ti baŋ, meŋ ka niyo dii, a ka a taa? Muŋ ne ye a tinna ñiŋ kewo ye moo kii n ye naŋ, a ko ŋa wo la balajawu kuuraŋo jaara? Ali a juubee doroŋ a ka fitinoo ñini m ma ñaameŋ.”

1 Taarika 13:1

Mansa Dawuda ye ñaatonkoolu, mennu marata wuli kiliŋ kafoolu aniŋ keme kiliŋ kafoolu ma, bendi ñoo kaŋ.

1 Taarika 28:1

Dawuda ye yaamaroo dii ka Banisirayila ñaatonkoolu bee bendi Yerusalaamu: lasili ñaatonkoolu, ñaatonkoolu mennu marata mansa la dookuu kafoolu ma, ñaatonkoolu mennu marata wuli kiliŋ kafoolu aniŋ keme kiliŋ kafoolu ma, ñaatonkoolu mennu marata mansa dinkewolu niŋ a la beeyaŋolu ma aniŋ a la sotofeŋ koteŋolu, mansasuwo maralilaalu niŋ kelediŋ ñaatonkoolu aniŋ kelejawaroolu bee.

Yuuba 15:35

Ì ka tara konomaariŋ feere kuruŋolu le la, ì ye taa maasiiba jawoo wuluu. Jamfaa kuwo doroŋ ne ka naa finti ì la karoo la.

Jabuuroolu 140:2

Ì ka kuu jawoolu le feere ì hakiloo kono, aduŋ ì ka tu keloo le kurukuru la.

Jabuuroolu 36:4

A ka kuruŋyaa feeroolu le siti hani niŋ a be laariŋ laaraŋo kaŋ. Kuu jawu kewo le mu a la muraadoo ti. A maŋ i baŋ kuu jawu to.

Jabuuroolu 62:3

Janniŋ muŋ tuma le mu ali be tu la boyi la moo kaŋ, ali bee ye a boyindi ko tata sansaŋ laamaariŋo, sansaŋo meŋ be cojiriŋ?

Jabuuroolu 7:14

A juubee, moo kuruŋo ka kuu jawoo le fudi. A ka tara konomaariŋ feere kuruŋo doroŋ ne la, a ye naa jamfaa kuwo wuluu.

Kuma Kotoomaalu 11:14

Niŋ bankoo maŋ yaamarilaa soto, a ka seyi kooma le, bari niŋ yaamarilaalu siyaata, ñaatotaa buka baayi.

Kuma Kotoomaalu 11:27

Niŋ i ye a kata kendeke ka kuu kendoo ñini, i be maakoyiroo soto la le, bari kuu jawoo ka naa moo le kaŋ meŋ ka a ñini.

Kuma Kotoomaalu 24:2

kaatu ì hakiloo ka tara fitina kuwo le kaŋ, aduŋ ì ka tu kuruŋyaa diyaamoo le la.

Kuma Kotoomaalu 6:14

Ì ka kuu kuruŋo feeroo siti, neeneeroo ye tara ì sondomoo kono, wolu ka tu naafikiyaa doroŋ ne ke la.

Daniyeli 11:27

Kuu jawu kewo le be tara la mansakee fuloo ñinnu sondomoo kono. Ì be domoroo ke la ñoo kaŋ dulaa kiliŋ ne, aduŋ ì be faniyaa fo la ñoo ye le. Bari ì lafita meŋ na a te ke la, kaatu a waatoo maŋ sii.