1 Mansoolu 20:27 - Mandinka Bible

²⁷ Bituŋ Banisirayilankoolu fanaa benta, aduŋ ì ye feŋolu dii ì la ì suulata mennu la. Wo le to ì fintita ì niŋ ì benta. Banisirayilankoolu niŋ ì ye ì ñaa tiliŋ ñoo la. Banisirayila kelediŋolu ka munta le ko baa kooreeriŋ fula, bari Aramu kelediŋolu jurumoo tarata siyaariŋ kenoo karoo bee le la.

1 Mansoolu 20:27 Mawu Ofanana

2 Mansoolu 3:6

Bituŋ Mansa Yoramu wulita ka bo Samariya. A ye Banisirayila kewolu bee kafu ñoo ma ka wuli Mowabi bankoo kamma.

Kawandilaa 9:11

Ŋa kuwo doo le fanaa je ñiŋ duniyaa tiloo koto, wo le mu: Ñoo daŋo te dendiŋ tariyaa doroŋ na, aduŋ ñoo noo te dendiŋ semboo dammaa la. Domori sotoo te dendiŋ ñaameŋo la, fankoo te dendiŋ hakilidiyaa la, aduŋ buuñaa sotoo te dendiŋ dookuu noo la. Waatoo, aniŋ mantaabeŋo, wo le be ñinnu bee la.

5 Musa 32:30

Moo kiliŋo, wo si moo wuli kiliŋ bayi noo ñaadii le, moo fula ye wuliwuloolu borindi, fo niŋ Yaawe, ì la semberaŋ beroo bota ì koto, a ye ì duŋ ì jawoolu bulu?

Yosuwa 1:11

“Ali taa daakaa karoo bee la, ali ye kaŋo dii moolu la ko, tili saba ñaato ka bo bii la, ali be taa ka Yoridani Boloŋo teyi, ka taa bankoo taa, Yaawe ali la Alla be meŋ dii la ali la ka ke ali taa ti. Wo kamma la, ali domori jamaa parendi taamasiloo ñiŋ kamma.”

Kiitindirilaalu 6:3

Niŋ Banisirayilankoolu ye fiiroo ke doroŋ, Midiyaninkoolu, Amalekinkoolu aniŋ tilibo banku koteŋo moolu si naa ka ì boyinkaŋ.

Kiitindirilaalu 6:5

Ì niŋ ì la beeyaŋ koorewolu ka naa le, aniŋ ì la tiriliisoolu*, komeŋ kuntiŋolu, ì niŋ ì la ñonkome jamaalu, moo te meŋ yaatewo loŋ noo la. Ì si bankoo ñiŋ boyinkaŋ ka a tiñaa.

Kiitindirilaalu 7:12

Midiyaninkoolu, Amalekinkoolu aniŋ tilibo maafaŋ na moo doolu ye wulumbaŋo karoo bee fandi. Ì be siyaariŋ ñoo kaŋ ko kuntiŋolu. Ì la ñonkomoolu buka yaatee noo, ì be siyaariŋ ko bankumunkoo.

Kiitindirilaalu 7:8

Bituŋ Kideyoni ye Banisirayilankoolu bee murundi fo moo keme saba. Ñiŋ moo keme saboo naata wo moo doolu la domori feŋolu taa, aniŋ ì la binoolu. Midiyaninkoolu la daakaa be ì ye duuma la, wulumbaŋo kono.