1 Mansoolu 20:12 - Mandinka Bible

¹² Ñiŋ kumoo futata Beni-Hadadi ma waatoo meŋ na, a ye a tara le a niŋ wo mansa taŋ saba niŋ fuloo be ì la dolo mindulaa jembereŋolu koto, ì be dolomiŋo la. Bituŋ a ko a la kewolu ye ko, “Ali paree ka keloo dati.” Wo to le ì pareeta ka keloo boyi saatewo ñiŋ kaŋ.

1 Mansoolu 20:12 Mawu Ofanana

2 Samuweli 13:28

Abusalomu ye a la kewolu yaamari ko, “Ali i lamoyi! Niŋ Amunoni ye doloo miŋ, fo a siirata, aduŋ n ko ali ye ko, ali a faa, ali si a faa. Ali kana sila. Fo nte le maŋ ali yaamari, ka a ke baŋ? Ali si fatiyaa, ali ye bambaŋ!”

1 Mansoolu 16:9

Simuri mu moo le ti meŋ tarata a la mansakundaa dookuulaalu kono. Ate le marata nuŋ mansa la keleraŋ sareetoolu* talantewo ma. A ye jamfaa siti Mansa Ela kamma, wo tumoo a be Tirisa, a be dolo miŋ baa la Arisa yaa, Tirisa mansasuwo kumandaŋo.

1 Mansoolu 20:16

Ì wulita tilibuloo waatoo ka taa, wo tumoo Beni-Hadadi niŋ mansa taŋ saba niŋ fuloo mennu be laariŋ ñoo kaŋ be ì la dolo mindulaa jembereŋolu koto dolomiŋ baa la.

Yeremiya 43:10

A fo ì ye ko: Nte Yaawe Alihawaa Maariyo*, Banisirayila la Alla ko, a fele, m be kiliroo ke la le ka Babiloni mansakewo Nebukanesa naati, n na dookuulaa. M be a la mansasiiraŋo londi la ñiŋ beroolu kaŋ ne, ŋa mennu saareŋ teŋ, a ye a la tiriliisoo* wanka ì kunto.

Daniyeli 5:2

Kabiriŋ Belisasa be i miŋ kaŋ wayinoo la, a ye kaŋo dii ko, ì si jooraŋolu samba a ye naŋ, mennu dadaata sanoo niŋ kodiforoo la, a faamaa Nebukanesa ye mennu bondi naŋ Alla Batudulaa Buŋo* kono Yerusalaamu. A ye ì kaniŋ ne ñiŋ kamma ate faŋo, a la ñaatonkoolu, a la musoolu, aniŋ a la kaŋ foroyandi musoolu* si i miŋ ì la.

Daniyeli 5:30

Wo suutoo faŋo le mu, ì ye Babiloni mansakewo Belisasa faa.

Luka 21:34

“Ali koroosiroo ke, fo ali sondomoolu kana tu looriŋ domori diimaalu kaŋ, siiroo waraŋ ñiŋ duniyaa la suulakuwolu. Niŋ wo nte, wo luŋo be ali terendi la le, a ye ali muta ko kutindiŋo.

Efesusinkoolu 5:18

Aduŋ ali kana siira doloo la, meŋ ka fankeñaa lombaliyaa saabu ka kuu nooriŋolu ke, bari ali si faa niŋ Noora Kuliŋo la.

1 Samuweli 25:36

Kabiriŋ Abikali taata Nabali yaa, a ye a tara buŋo le kono, a be feetoo ke kaŋ komeŋ mansa. A jusoo be laariŋ ne, aduŋ a be siirariŋ baake le. Bituŋ Abikali maŋ feŋ fo a ye fo fanoo keta.