1 Mansoolu 2:44 - Mandinka Bible

⁴⁴ Mansa ko Simeyi ye fanaa ko, “Ite faŋo ye a loŋ i faŋo sondomoo kono le, i ye kuu jawoo meŋ ke m faamaa Dawuda la. Wo to Yaawe be i la kuu jawoo murundi la i faŋo kuŋo kaŋ ne.

1 Mansoolu 2:44 Mawu Ofanana

1 Mansoolu 2:43

Muŋ ne ye a tinna duŋ i maŋ i la kaloo muta Yaawe ye aniŋ ŋa yaamaroo meŋ dii i la?”

2 Mansoolu 11:1

Saayiŋ, kabiriŋ Mansa Ahasiya baamaa Ataliya ye a je ko a dinkewo Ahasiya faata le, a wulita waati kiliŋ ka dinkewolu bee faa mennu si mansayaa keetaa noo.

2 Mansoolu 11:12

Piriisi Yehoyada ye mansa dinkewo Yowasi fintindi naŋ, a ye mansanaafoo duŋ a la, aduŋ a ye mansayaa seedeyaaraŋo dii a la. Wo le to ì ye tuloo boŋ a kuŋo to, ka a toloo mansa ti. Ì ye buloo kosi, aduŋ ì sarita ka a fo ko, “Allamaa mansa mee la!”

Jabuuroolu 109:20

Allamaa wo ye ke n tuumilaalu la joo ti ka bo Yaawe bulu, wolu mennu ka kuma jawoolu fo m ma.

Jabuuroolu 7:16

A la feere kuruŋolu ka naa donko a faŋo kuŋo le kaŋ. A ka fitinoo meŋ kurukuru, a be denkuŋ na a faŋo le kaŋ.

Kuma Kotoomaalu 5:22

Moo kuruŋo la kuu jawu kewolu le ka ke a ye kutindiŋo ti, a faŋo la junuboo le ka bataa kuwo saabu a ye.

Esekiyeli 17:19

Maarii Yaawe ye ñiŋ ne fo ko: “A be koyiriŋ ñaameŋ ko nte be baluuriŋ ne, m be mantooroo le laa la a kaŋ, kaatu a ye n na kambeŋo le tiñaa, a ye i kali n ye meŋ na.

Hoseya 4:9

Meŋ laata n na moolu kaŋ, wo le be laa la alitolu piriisoolu fanaa kaŋ. M be ali jarabi la ali la sila jawoolu la le, ŋa ali joo ali kebaaroo la.

Yohana 8:9

Kabiriŋ ì ye ñiŋ kumoo moyi, ì bee kiliŋ-kiliŋ taata, keebaalu le foloo taata. Labaŋo la, Yeesu niŋ musoo doroŋ ne tuta jee.

Roomankoolu 2:15

Ì daajikoo ka a yitandi le ko, Luwaa la yaamaroolu be safeeriŋ ì sondomoo kono le, aduŋ ì sondomoo fanaa ka seedeyaa ke le. Waati doolu la, ì la miiroolu ka ì tuumi le, aduŋ waati doolu la, ì la miiroolu ka ì tankandi le.

1 Yohana 3:20

Wo kamma la, niŋ ǹ sondomoolu ye ǹ tuumi, ǹ si a loŋ ko, Alla le warata ǹ sondomoolu ti, aduŋ ate ye kuwolu bee le loŋ.

1 Samuweli 25:39

Kabiriŋ Dawuda ye a moyi ko, Nabali faata le, a ko, “Jayiroo be Yaawe ye, meŋ ye i joo n ye Nabali to, a ye n neŋ meŋ kamma, aduŋ a ye nte a la dookuulaa tanka kuu jawoo kewo la le. Yaawe ye Nabali yankankati a la kuu jawoo le la.” Bituŋ Dawuda ye kiilaalu kii Abikali yaa ka a fo a ye ko, a lafita a futuu la le.