1 Mansoolu 19:18 - Mandinka Bible

¹⁸ Bari wo ñaa-wo-ñaa m be moo wuli woorowula tu la Banisirayila kono baluuriŋ ne, moolu mennu maŋ sujudi Baali* jalaŋo ye waraŋ ka a sumbu.”

1 Mansoolu 19:18 Mawu Ofanana

Yuuba 31:27

fulaŋ kafuyaa kuu nene maŋ duŋ n sondomoo kono ka ì batu, waraŋ ka sujudi ì ye.

Jabuuroolu 2:12

Ali sujudi Alla la mansariŋo ma, niŋ wo nte, ali si kasaara ali la siloo kaŋ, kaatu a la kamfaa ka wuli le kataba kiliŋ. Seewoo be moolu le ye mennu ka tankoo ñini a bulu.

2 Musa 20:5

Ali kana sujudi ì ye, waraŋ ka ì batu, kaatu nte Yaawe i la Alla kiiliyaata le. N ka dindiŋolu jarabi ì la alifaalu la junuboo la le, ka taa fo ì la jamaani sabanjaŋo niŋ naaninjaŋo moolu, mennu ye n koŋ.

Yesaya 1:9

Niŋ Yaawe Alihawaa Maariyo* maŋ doolu tu ǹ ye jee nuŋ, ì ye baluu, m̀ be ke la le ko Sodomu niŋ Komora saatewolu.

Yesaya 49:23

Mansoolu le be ke la i diŋolu la kuluuribaalu ti, ì la mansamusoolu ye ke i diŋolu ye bambaanoolu ti. Ì be ñoyi la i ñaatiliŋo la le, ì kuŋolu ye tara jimiriŋ duuma, ì ye kankaŋo newuŋ i siŋolu bala. Wo to le i be a loŋ na ko, nte le mu Yaawe ti, moolu mennu ye ì jikoo loo n kaŋ, te jikilateyi la.”

Daniyeli 3:18

Bari hani niŋ a ye a tara a maŋ a ke, Mansa, i si a loŋ ko, ntolu te i la alloolu batu la, aduŋ ǹ te sujudi la sani moo muluŋo ye, i ye meŋ londi.”

Hoseya 13:2

Ì tententa junuboo la wo le ñaama hani saayiŋ. Ì ka jalaŋolu tunkaŋ ì faŋolu ye, kodiforo jalaŋolu, ì la ñaameŋo bee la. Bulukalaŋ dookuulaalu le ye ì bee dadaa. Ì ka a fo ko, “Ali sadaa* bo ñinnu ye.” Moolu ka ninsiriŋ jalaŋolu sumbu.

Filipinkoolu 2:10

Wo le ye a tinna ka bo niŋ Yeesu too la, niilamaa feŋolu bee be ñoyi la a ñaatiliŋo la le, mennu be Arijana kono, duniyaa kono jaŋ, waraŋ bankoo kono duuma.