1 Mansoolu 19:14 - Mandinka Bible

¹⁴ Bituŋ Eliya ye a jaabi ko, “Yaawe Alihawaa Maariyo, nte ka tu looriŋ ite dammaa le la kuwo ye waati-wo-waati. Banisirayilankoolu ye ì koo dii i la kambeŋo la le, ì ye i la sadaabodulaalu boyi, aduŋ ì ye i la annabiyomoolu faa hawusaroo la. Nte dammaa doroŋ ne tuta jee, aduŋ saayiŋ ì lafita le ka nte fanaa faa.”

1 Mansoolu 19:14 Mawu Ofanana

1 Mansoolu 18:22

Bituŋ Eliya ko ì ye ko, “Baali jalaŋ annabiyomu keme naani niŋ taŋ luulu le be jaŋ, aduŋ nte dammaa le tuta Yaawe la annabiyomoolu kono.

1 Mansoolu 18:30

Wo le to Eliya ko moolu bee ye ko, “Ali kata naŋ.” Ì bee naata a kaŋ, bituŋ a ye Yaawe la sadaabodulaa lookuu meŋ tarata tiñaariŋ nuŋ.

Jabuuroolu 78:37

Ì sondomoo maŋ bambaŋ a la kuwo to. Ì maŋ a niŋ ì teema kambeŋo muta kendeke.

Yesaya 1:4

Kooni, banku junubelaa baa, moolu, junuboo dunimaa be mennu kunto! Ali bota kuu kuruŋ kelaalu le bala, ali ka sila kuruŋo le taama, ali ye ali ñaa kaasi Yaawe la, ali jututa Banisirayila la Senuŋ Baa la, ali ye ali koo dii a la.

Yesaya 62:1

Siyoni* la kuwo le ye a saabu n te n deyi la, Yerusalaamu la kuwo le ye a tinna n te n dahaa la, fo niŋ a la tiliŋo malata ko fanikewo, a la kiisoo ye ke ko niŋ pacamoo le be mala kaŋ suutoo.

Yeremiya 22:9

A jaabiroo be ke la ñiŋ ne ti ko: ‘Kaatu ì ye ì koo dii kambeŋo la le ì niŋ Yaawe ì la Alla teema, ì ka sujudi jalaŋolu ye, ka ì batu.’ ”

Daniyeli 11:30

Kuluŋolu mennu bota naŋ Kitimu be naa le ka a kele, aduŋ a be sila la le, a ye muru a koo la. A kamfaariŋo le be muru la, aduŋ a be Alla la moolu la diinoo kele la le, ka a tiñaa. A be bula la moolu le la kumoo nooma, mennu ye ì koo dii wo diinoo la.

Daniyeli 3:18

Bari hani niŋ a ye a tara a maŋ a ke, Mansa, i si a loŋ ko, ntolu te i la alloolu batu la, aduŋ ǹ te sujudi la sani moo muluŋo ye, i ye meŋ londi.”

Hoseya 6:7

“Ko a keta nuŋ ñaameŋ Adama saatewo maafaŋo la, Banisirayila ye kambeŋo tiñaa, n niŋ ì ye meŋ siti. Ì ye foroyaabaliyaa tiliŋ n na jee.

Roomankoolu 11:3

A ko, “Maariyo, ì ye i la annabiyomoolu faa le, ì ye i la sadaabodulaalu* boyi. Nte dammaa doroŋ ne tuta jee, aduŋ saayiŋ ì lafita le ka nte fanaa faa.”

5 Musa 29:25

Moolu si ì jaabi ñiŋ na ko, “Yaawe ì mumuñolu la Alla ye ñiŋ ke ì la le, kaatu ì ye ì koo dii kambeŋo la le, a niŋ ì ye meŋ siti, kabiriŋ a ye ì fintindi naŋ Misira bankoo kaŋ.

5 Musa 31:20

M be ì samba la bankoo kaŋ, keekewo niŋ liyo ka woyi daameŋ, n kalita ì mumuñolu ye ka meŋ dii ì la. Ì be domoroo soto la jee, ì konoo be faa la, ì baloolu ye nunku. Wo ñaa-wo-ñaa ì be bula la alla koteŋolu nooma le ka ì batu. Ì be ì koo dii la n na, ì ye n na kambeŋo tiñaa, n niŋ ì ye meŋ siti.

Hiburunkoolu 8:9

“A te ke la komeŋ ŋa kambeŋo meŋ siti n niŋ ì mumuñolu teema, kabiriŋ ŋa ì tambindi ka ì bondi naŋ Misira bankoo kaŋ. Ì maŋ tu tilindiŋ n na kambeŋo ye, wo le ye a tinna ŋa n koo dii ì la.” Maariyo le ye a fo.