1 Mansoolu 19:11 - Mandinka Bible

¹¹ Wo to le Yaawe ko a ye ko, “Taa i ye loo konkoo kaŋ n ñaatiliŋo la. Kaatu nte Yaawe ka naa tambi le.” Bituŋ foño baa wulita meŋ ye konkoo feteŋ ka a fara, aniŋ a ye beroolu teyi ka ì janjandi Yaawe ñaatiliŋo la. Bari Yaawe maŋ tara wo foño baa kono. Foño baa tambiriŋ koolaa, banku jarajaroo keta, bari Yaawe maŋ tara banku jarajaroo kono.

1 Mansoolu 19:11 Mawu Ofanana

Yuuba 38:1

Bituŋ Yaawe* ye Yuuba jaabi ka bo foño baa kono ko:

Jabuuroolu 50:3

Ǹ na Alla ka naa le, aduŋ a niŋ deyoo nte. Dimbaa saŋaroo le ka mala a ñaatiliŋo la, aduŋ turubaadoo le ka fee a dandaŋo bee la.

Jabuuroolu 68:8

bankoo jarajarata le, saŋ fatoolu ye samaajiyo jurumi, ite Sinayi Konkoo la Alla naatoo naŋ, ite Alla, Banisirayila la Alla ñaatiliŋo la.

Jabuuroolu 68:9

Hee Alla, i ye samaajii fuumariŋo le jindi. I ye i la moolu la keetaabankoo murundi firiŋo kono le kabiriŋ a be koririŋ.

2 Musa 19:16

A sinindiŋo soomandaa la saŋ feteŋo niŋ saŋ ŋalasoo keta, minaayi dibiriŋo tarata konkoo kaŋ, aduŋ moolu ye saakotoŋ binoo* kumakaŋo moyi le. Moolu mennu bee be daakaa to, silata fo ì ka jarajara.

2 Musa 19:20

Yaawe jiita naŋ Sinayi Konkoo turoo to, a ye Musa kumandi, fo a si naa konkoo santo. Bituŋ Musa taata.

2 Musa 20:18

Kabiriŋ moolu ye saŋ feteŋo moyi, aduŋ ì ye saŋ ŋalasoo je, ì ye binoo kumakaŋo moyi, konkoo bee niŋ siisiyo, ì silata le fo ì ka jarajara. Ì loota dulaa jaŋo to.

2 Musa 24:12

Yaawe ko Musa ye ko, “Naa fo m be daameŋ konkoo santo, i ye sabati jee fo waati. M be berewalaalu dii la i la le, aduŋ ŋa luwaalu niŋ yaamaroolu safee jee le, fo moolu si a karaŋ.”

2 Musa 24:18

Bituŋ Musa dunta minaayoo kono, biriŋ a taata konkoo santo. A sabatita konkoo santo le fo tili taŋ naani aniŋ suuto taŋ naani.

2 Musa 34:2

Saama soomandaa i si i paree, i ye naa i danku m ma Sinayi Konkoo kaŋ santo.

2 Musa 34:6

Yaawe tambita Musa ñaato, a ye a kankulaa ko, “Nte Yaawe, meŋ ye balafaa soto, m mu Alla le ti, meŋ hiinanteeyaata. M buka kamfaa juuna, n na kanu bambaloo niŋ n na tooñaa maŋ dandulaa soto.

Yesaya 30:30

Yaawe be moolu moyindi la a kaŋ kallankeeyaariŋo* la le, aduŋ ì be a je la le, a busari buloo be jii kaŋ naŋ duuma, a niŋ kamfaa baa niŋ dimbaa wuleŋo, saŋ feteŋo, turubaadoo aniŋ saŋ beroo.

Esekiyeli 1:4

A fele, biriŋ ŋa santo juubee, ŋa turubaadi baa le je, a ka bo naŋ maraa karoo la, aniŋ minaayi fiŋ baa niŋ saŋ ŋalasoo, mala baa ye a murubeŋ. Dimbaa le tarata mala kaŋ a teema, aduŋ dimbaa ñiŋ kono, feŋ ne be ñeliñeli kaŋ jee meŋ ka muluŋ ko jaawaloo.

Esekiyeli 37:7

Wo to le n naata ñiŋ kiilaariyaa kumoo fo ì ye, ko Yaawe ye n yaamari a la ñaameŋ. Waati meŋ na m be ñiŋ kiilaariyaa kumoo fo kaŋ, maakaŋo kumata kari-kari. Bituŋ kuloolu sunkuruta ñoo bala, ka naki ñoo bala ko ì be nuŋ ñaameŋ.

Nahumu 1:3

Yaawe semboo warata le, aduŋ a la kamfaa maŋ tariyaa. A la jarabiroo te kuu kuruŋ kelaa hani kiliŋ ne kaari la. Saafoñotoo le mu a taaraŋ siloo ti, aniŋ sanji foñoto baa. A siŋo ka tawaloolu wulindi le ko niŋ kankaŋo be tii la.

Jakariya 14:5

Ali be bori la niŋ ñiŋ wulumbaŋo le to la, Yaawe la konkoolu teema. Ñiŋ wulumbaŋo be taa le fo a ye naki Aseli la. Ali si bori ko ali mumuñolu borita banku jarajaroo ma ñaameŋ Yahuuda Mansa Usiya tiloo la. Bituŋ Yaawe, n na Alla si naa a niŋ a la malaayika senuŋolu bee.

Jakariya 4:6

Bituŋ malaayikoo ko n ye ko, “Yaawe* la kumoo fele Serubabeli ye, a ko: ‘A maŋ ke semboo ti, a maŋ ke waroo ti, n na Nooroo doroŋ ne si a ke noo.’ Yaawe Alihawaa Maariyo* le ye a fo.

Matiyu 24:7

Bankoolu be wuli la le ka ñoo kele, mansakundaalu ye ñoo kele, aduŋ konko jawoo aniŋ banku jarajaroolu be ke la dulaa jamaa le to.

Matiyu 28:2

Wo to le banku jarajara baa keta, aduŋ Maariyo la malaayikoo jiita naŋ ka bo Arijana kono. Bituŋ a ye beroo birimintiŋ, a ye a bondi kaburoo daa to, a siita a kaŋ.

Hiburunkoolu 12:26

Nunto, Alla la kumakaŋo ye bankoo jiijandi le, bari saayiŋ, a laahidita le ko, “Siiñaa kiliŋ koteŋ be naa, n te bankoo dammaa jiijandi la, bari saŋ fatoolu fanaa.”

Lankenemoo 11:19

Bituŋ Alla Batudulaa Buŋo yeleta Arijana kono, aduŋ Kambeŋ Kunewo* jeta, meŋ be a kono. Saŋ ŋalasoolu, saŋ feteŋolu, saŋ kumakaŋolu, aniŋ banku jarajaroo keta, saŋ bere baalu naata boyi duniyaa kono.

Lankenemoo 16:18

Wo to le saŋ ŋalasoolu, saŋ kumakaŋolu niŋ saŋ feteŋolu keta, aniŋ banku jarajara baa, moo nene maŋ meŋ ñoŋo je duniyaa kono. Wo banku jarajaroo warata baake le!

Lankenemoo 20:11

Bituŋ ŋa mansasiiraŋ koyiriŋ baa je, aduŋ saŋo niŋ bankoo yeemanta wo ñaa la, meŋ be siiriŋ a kaŋ. Dulaa maŋ soto ì ye kotenke.

1 Samuweli 14:15

Filisitinkoolu mennu bee be bankoo dandaŋo la kijoo farata le, tiñaarilaalu aniŋ kelediŋolu mennu be daakaa to silata le fo ì ka jarajara. Bankoo jarajarata, aduŋ moolu kijoo farata baake le.