1 Mansoolu 16:21 - Mandinka Bible

²¹ Bituŋ Banisirayilankoolu kaŋolu naata waalii, ì talaata fula ti. Kara doo laata Tibuni le kaŋ, Kinati dinkewo, ka a ke mansa ti, bituŋ kara doo laata Omuri kaŋ.

1 Mansoolu 16:21 Mawu Ofanana

1 Mansoolu 15:25

Asa la mansayaa sanji fulanjaŋo Yahuuda bankoo kaŋ, wo saŋo le mu Yerobowamu dinkewo Nadabu keta Banisirayila mansa ti. A ye Banisirayila mara le sanji fula.

1 Mansoolu 15:28

Baasa ye Nadabu faa teŋ ne, Yahuuda mansa Asa la maraloo sanji sabanjaŋo kono, aduŋ a siita a noo to ka ke mansa ti.

1 Mansoolu 16:20

Simuri la mansayaa kuu koteŋolu, aniŋ a ye jamfaa kuwo meŋ taamandi, ì safeeta Banisirayila Mansoolu la Taarika Kitaaboo le kono.

1 Mansoolu 16:22

Bari moolu mennu tarata laariŋ Omuri kaŋ ye moo doolu boyindi le mennu tarata laariŋ Tibuni kaŋ, Kinati dinkewo. Tibuni naata faa, bituŋ Omuri keta mansa ti.

1 Mansoolu 16:29

Asa la mansayaa sanji taŋ saba niŋ seyinjaŋo Yahuuda bankoo kaŋ, wo saŋo le mu Omuri dinkewo Ahabu keta Banisirayila mansa ti. A ye Banisirayila mara Samariya kono le fo sanji muwaŋ niŋ fula.

1 Mansoolu 16:8

Asa la mansayaa sanji muwaŋ niŋ wooronjaŋo Yahuuda bankoo kaŋ, wo saŋo le mu Baasa dinkewo Ela keta Banisirayila mansa ti, aduŋ a ye sanji fula le ke maraloo la Tirisa.

Kuma Kotoomaalu 28:2

Niŋ moolu keta balannaalu ti, bankoo ka maralilaa jamaa le soto, bari niŋ hakilimaa ye maraloo ke, tenkuŋo ka soto le.

Yesaya 19:2

Yaawe ko: “M be Misirankoolu dundi la ñoo la le, ì ye kele. Baadimmaalu si keloo wulindi ñoo kamma, siiñoolu ye a wulindi ñoo kamma, saatee ye a wulindi saatee kamma, kumandaŋ mara bankoolu ye a wulindi ñoo kamma.

Matiyu 12:25

Bari Yeesu ye ì la miiroolu loŋ ne. A ko ì ye ko, “Mansakundaa-wo-mansakundaa meŋ ye a faŋ talaa ka ñoo kele, a ka kasaara le. Aduŋ saatewo waraŋ dimbaayaa, meŋ ye a faŋ talaa ka ñoo kele, wo te loo noo la.