1 Mansoolu 14:20 - Mandinka Bible

²⁰ A mansayaata le fo sanji muwaŋ niŋ fula, bituŋ a naata faa ka kafu a mumuñolu ma. A dinkewo Nadabu le siita a noo to ka ke mansa ti.

1 Mansoolu 14:20 Mawu Ofanana

1 Mansoolu 11:43

Bituŋ a beleta ka kafu a mumuñolu ma, ì ye a baadee Yerusalaamu, a faamaa Dawuda la Saatewo to. Aduŋ a dinkewo Rehobowamu keta mansa ti a noo to.

1 Mansoolu 14:19

Yerobowamu la mansayaa kuu doolu, a la keloolu, aniŋ a ye maraloo ke ñaameŋ, ì safeeta Banisirayila Mansoolu la Taarika Kitaaboo le kono.

1 Mansoolu 14:21

Sulemani dinkewo Rehobowamu le keta nuŋ mansa ti Yahuuda. A siyo be nuŋ sanji taŋ naani niŋ kiliŋ ne, kabiriŋ a be ke la mansa ti. A ye maraloo ke Yerusalaamu le fo sanji taŋ niŋ woorowula, saatewo meŋ Yaawe ye a tomboŋ Banisirayila lasiloolu la saatewolu bee kono, a ye a too ke wo kunna ka ke a batudulaa ti. Rehobowamu baamaa too mu Naama le ti, Ammoninkoo.

1 Mansoolu 2:10

Bituŋ Dawuda beleta ka kafu a mumuñolu ma, aduŋ ì ye a sutura Dawuda la Saatewo* le to.

2 Taarika 13:2

A ye sanji saba le ke maraloo la Yerusalaamu. A baamaa too mu Mikaya le ti, Uriyeli Kibeyankoo dimmusoo. Keloo naata wuli Abiya niŋ Yerobowamu teema.

2 Taarika 13:20

Abiya la waatoo la, Yerobowamu maŋ semboo soto noo kotenke, Yaawe ye a halaki, bituŋ a faata.

Yuuba 14:12

hadamadiŋo la kuwo misaaloo be teŋ ne. Niŋ a faata, a te wuli la hani niŋ saŋ fatoolu bee yeemanta, a te wuli la saayaa kono kotenke.

Jabuuroolu 3:5

N ka n laa le ŋa siinoo, ŋa wuli kotenke, kaatu Yaawe le ka n kanta.

Jabuuroolu 4:8

M be n laa la le dek, ŋa siinoo kayira kono, kaatu ite Yaawe doroŋ ne ka n sabatindi tankoo kono.