1 Mansoolu 14:10 - Mandinka Bible

¹⁰ “Ñiŋ kuwo kamma la, m be kuu jawoo laa la Yerobowamu la dimbaayaa kaŋ ne. M be a la dimbaayaa kewolu bee le faa la, biriŋ a foro fo a joŋ Banisirayila kono. M be Yerobowamu la dimbaayaa jani la le ka a kasaara komeŋ moo ka ñaamoo jani ñaameŋ fo a bee ye baŋ fereŋ.

1 Mansoolu 14:10 Mawu Ofanana

1 Mansoolu 13:34

Ñiŋ ne keta nuŋ Yerobowamu la dimbaayaa la junuboo ti, meŋ ye a la boyoo saabu, aniŋ a la tumbuŋo ka bo duniyaa kono.

1 Mansoolu 16:11

Kabiriŋ a siita mansasiiraŋo kaŋ ka mansayaa dati doroŋ, a ye Baasa la dimbaayaa bee faa. A maŋ hani kee kiliŋ tu baluuriŋ, biriŋ a baadiŋ fo a teerimaa.

1 Mansoolu 16:3

Wo kamma la m be i niŋ i la dimbaayaa kasaara la le, aduŋ m be i la dimbaayaa ke la le komeŋ ŋa Nebati dinkewo Yerobowamu taa ke ñaameŋ.

1 Mansoolu 21:21

Wo kamma la Yaawe ye ñiŋ ne fo ko, a be kooroo niŋ kasaara kuwo le samba la naŋ i kaŋ. A be i koomalankoolu kasaara la le, aduŋ moo-wo-moo mu Ahabu la dimbaayaa kono kewo ti Banisirayila muumewo kono, biriŋ joŋo fo ka taa meŋ maŋ ke joŋo ti, a be ì bee faa la le.

2 Mansoolu 14:26

Kaatu Yaawe ye a je le ko, Banisirayilankoolu la mantooroo jawuyaata baake le, biriŋ foro fo joŋ. Moo maŋ soto ka Banisirayilankoolu maakoyi.

2 Mansoolu 21:13

A ye kuwo meŋ laa Samariya moolu kaŋ, ka taa Banisirayila mansa Ahabu niŋ a koomalankoolu kaŋ, a be wo ñoŋ kuwo le laa la Yerusalaamu moolu kaŋ. A be Yerusalaamu saatewo kasaara la le ka a moolu bondi a kono, aduŋ a kenseŋo le be loo la, komeŋ niŋ i ye booloo kuu fo a seneyaata, i ye a bitindi.

2 Mansoolu 9:37

A furewo be ke la le komeŋ buwo bankoo to, Yesireeli kenoo kono. Moo te soto la meŋ si a fo noo ko ñiŋ mu Yesebeli le ti.’ ”

Yuuba 20:7

ì si halaki fo fawu ko ì faŋolu la kenetotaa, meŋ nene ka ì je nuŋ, si ñininkaaroo ke, ì be daameŋ.

Jabuuroolu 83:10

Wolu mennu kasaarata Endori, ì furewolu tolita bankoo to.

Yesaya 14:19

Bari ite wo, i maŋ baadee muumeeke, ko ì ye yiribuloo meŋ fayi. Hawusaroo* ye mennu faa, i niŋ wolu le be ñoo kaŋ. Ì ye i niŋ wolu fayi bere dinka baa le kono, ì ye i doriŋ-doriŋ.

Yesaya 14:23

Yaawe Alihawaa Maariyo ko, “M be bankoo ñiŋ ke la ballabaariŋo la dulaa le ti, a ye ke lewo ti. M be a fita la niŋ kasaara fitaraŋo le la.”

Yesaya 5:25

Wo le ye a tinna Yaawe kamfaata a la moolu kamma, a ye a buloo wulindi ka ì mantoora. Konkoolu jiijaata, moo furewolu keta ko fayifeŋolu, mbeedoolu kaŋ. Ñiŋ bee koolaa, a la kamfaa maŋ jii, a buloo be teekariŋ ne ka ì mantoora.

Yeremiya 32:18

Ite ka kanu bambaloo yitandi moo wuliwuloolu la le, bari i ka alifaalu la boyidaalu juloo joo ì diŋolu to le. Kooni! Alla sembemaa, Alla meŋ warata, ite le too mu Yaawe Alihawaa Maariyo ti!

Yeremiya 8:2

Ì be kuloolu janjaŋ na tiloo la le, kari maloo, aniŋ looloolu bee ye. Ì ye wolu le kanu, ka dookuwo ke ì ye, ka bula ì nooma, ka ì la kuwo ñini, aniŋ ka ì batu. Ì te kafu la ñoo ma, sako ka baadee. Ì jambandimaa be tu la laariŋ bankoo to wo le ñaama.

Esekiyeli 26:4

Ì be i la tata sansaŋolu bee tiñaa la le aniŋ ka i la tata jaŋolu bee boyi duuma. M be i la bankoo bee kasaara la le, jee ye ke bere kenseŋo ti.

Amosi 3:6

Niŋ kelebinoo kumata saatewo kono, fo saatee moolu buka bara baŋ? Fo maasiiboo la naa saatewo kono, Yaawe le buka lañini a la baŋ?

Sefaniya 1:17

Yaawe ye ñiŋ ne fo ko: “M be ñiŋ niitoora siifaa le samba la naŋ hadamadiŋolu kaŋ, ì si taama ko finkintewo, ì la junube kuwolu kamma la. Ì jawoolu ye naa ì yeloo boŋ ko jiyo, ì furewolu ye tara fayiriŋ bankoo to fo ì ye toli.”

Malaki 2:3

“A fele, ali la kuwo kamma la, m be ali koomalankoolu jarabi la le. Fayifeŋolu mennu ka bo ali la beeyaŋ sadaalu* bala, m be wo le sari la ali ñaadaalu kaŋ, ali ka ì jurumi daameŋ ŋa ali fanaa ñuuka ì kono jee.

5 Musa 32:36

Yaawe be a la moolu la kuwo kiitii la le, a be balafaa soto la a la dookuulaalu ye le, niŋ a ye a je, ì semboo banta, moo maŋ tu ì kono, biriŋ a foro fo a joŋ.

1 Samuweli 2:30

“Yaawe, Banisirayilankoolu la Alla ye a bankee le nuŋ ko: Ŋa ñiŋ laahidi le ko, i la dimbaayaa aniŋ i la kaabiiloo be dookuwo ke la n ye le fo abadaa! Bari saayiŋ Yaawe ye a bankee le ko: N niŋ wo kuwo kewo teemoo ye jamfa ñoo la. Moolu mennu ye n horoma, m be ì horoma la le, bari moolu mennu maŋ m batu, wolu be tara la jutunnayaa le kono.

1 Samuweli 25:22

Allamaa Alla ye kuu jawoo laa n kaŋ, niŋ saama soomandaa ye a tara, m maŋ a la wo kee kuntaŋolu bee faa, mennu be a la maroo to.”

1 Samuweli 25:34

A be koyiriŋ ñaameŋ ko Yaawe Banisirayilankoolu la Alla be baluuriŋ ne, niŋ i maŋ naa nuŋ tariyaake ka n waliŋ, hani kee kiliŋ meŋ be Nabali la karoo la te baluu la, janniŋ fanoo ka ke. Yaawe ye n tanka le ka kuu jawoo ke i la.”