1 Mansoolu 12:29 - Mandinka Bible

²⁹ A ye kiliŋo londi Beteli, aduŋ kiliŋ doo a ye wo londi Dani.

1 Mansoolu 12:29 Mawu Ofanana

1 Musa 12:8

Ka bo jee a naata konkotundoo* kaŋ, Beteli tilibo kara maafaŋo la. A ye a la tiriliisoo* loo ka tara Beteli tilijii karoo niŋ Ayi tilibo karoo teema. A ye sadaabodulaa loo jee fanaa to Yaawe ye, a ka duwaa niŋ a too la.

1 Musa 14:14

Kabiriŋ Iburama ye ñiŋ moyi ko, jawoolu ye a doomaa dinkewo muta le, ì ye a samba, a ye a la dookuulaalu kumandi, mennu wuluuta a faŋo la daakaa kono, ì ye keloo noo, moo keme saba moo taŋ niŋ seyi. Ì ye ñiŋ mansakee naanoo bayindi le fo Dani.

1 Musa 28:19

A naata dulaa ñiŋ kumandi Beteli la, bari jee too foloo mu Lusi le ti.

1 Musa 35:1

Alla ko Yaakuba ye ko, “Wuli, i ye taa Beteli, i ye sabati jee. Sadaabodulaa* loo nte Alla ye jee. Jee le mu dulaa ti, m fintita i kaŋ daameŋ, kabiriŋ i be bori kaŋ i kotoomaa Esawu la.”

1 Mansoolu 13:4

Kabiriŋ Mansa Yerobowamu ye a moyi, Alla la annabiyomoo ñiŋ sarita ñaameŋ ka sadaabodulaa jalayi meŋ be Beteli, a ye a buloo tiliŋ ka bo naŋ sadaabodulaa to, a ko, “Ali a muta!” Bari a ye a buloo meŋ tiliŋ kewo ñiŋ na wo jaata, fo a buka a ŋooji noo a faŋ kaŋ.

1 Mansoolu 15:20

Beni-Hadadi niŋ Asa kambenta, aduŋ a ye a la kelediŋolu niŋ ì la kuntiyolu kii ka boyi Banisirayila saatewolu kaŋ. A ye dulaalu mennu muta wolu le keta Iyoni ti, Dani, Abeli-Beti-Maaka aniŋ Kinnereti muumewo bee, ka taa Nafutali tundoo.

2 Mansoolu 10:29

Bari a maŋ fata Nebati dinkewo Yerobowamu la junube kuwolu ma, wo meŋ ye a tinna Banisirayila ye junuboo ke. Yehu ye Beteli niŋ Dani sani ninsiriŋ jalambatoo kuwo tu looriŋ ne.

2 Mansoolu 2:2

Bituŋ Eliya ko Elisa ye ko, “Tu jaŋ dukaree, kaatu Yaawe ye n kii Beteli saatewo le to.” Elisa ye a jaabi ko, “A be koyiriŋ ñaameŋ ko Yaawe be baluuriŋ ne, aniŋ ite faŋo, nte te bo la i bala.” Wo to le ì taata Beteli.

2 Taarika 13:8

“Fo saayiŋ, ali lafita balaŋ na n na mansayaa ma le, Yaawe ye meŋ dii Dawuda koomalankoolu la, ali niŋ kelediŋ kafu baa niŋ sani ninsiriŋolu ka naa, Yerobowamu ye mennu dadaa ka ì ke ali ye alloolu ti.

Yeremiya 48:13

Wo to le Mowabinkoolu la jalaŋo Kemosi be ke la ì ye malu kuwo ti, ko Banisirayila la Beteli jalambatoo keta ì ye ñaameŋ, ì jikita nuŋ meŋ na.

Yeremiya 8:16

Ŋà jawoolu la suwoolu nuŋ feekaŋo moyi naŋ Dani le, ì la suukewolu kumakaŋo le ka bankoo bee jarajarandi teŋ. Ì ka naa bankoo niŋ a konofeŋo bee le kunuŋ, Yerusalaamu saatewo, aniŋ mennu bee be a kono.”

Hoseya 10:5

Ninsiriŋ jalaŋo meŋ be Beti-Aweni, a la kuwo ye Samariyankoolu dewuŋ ne. A batulaalu be a la kuwo woosii la le, a piriisoolu* si a la kallankeeyaa kumboo, kaatu a be taa mutoo kono le.

Hoseya 4:15

“Ite Banisirayila, i si cakayaa ke ñaa-wo-ñaa, kana Yahuuda duŋ ñiŋ junuboo to. Ite Yahuuda, i dahaa baturoo la Kilikali, kana taa baturoo la Beti-Aweni, i kana i kali nte Yaawe too la.

Amosi 5:5

Ali kana ali jikoo loo Beteli batudulaa kaŋ, aduŋ ali kana duŋ Kilikali, waraŋ ka tambi ka taa Beeriseba. Kaatu Kilikali moolu be tara la mutoo le kono, aduŋ Beteli te naa ke la feŋ ti kotenke.”

Amosi 7:13

Kana i la kiilaariyaa kumoolu fo Beteli jaŋ kotenke, kaatu jaŋ mu bankoo la batudulaa le ti, aniŋ mansakewo.”

Amosi 8:14

Ì ka ì kali Asima too la, jalammusoo meŋ be Samariya, Dani aniŋ Beeriseba jalaŋolu toolu la, wo kamma la ì si boyi, aduŋ ì te wuli la kotenke.”

5 Musa 34:1

Bituŋ Musa bota Mowabi kene fanuŋo to, ka taa Nebo Konkoo to. A seleta Pisika Konkoo turoo to, meŋ be Yeriko ñaatiliŋo la. Yaawe* ye bankoo bee yitandi a la ka bo Kileyadi tundoo to ka taa fo Dani saatewo to,

Yosuwa 7:2

Yosuwa naata kee doolu kii ka bo Yeriko ka taa Ayi saatewo to, meŋ be Beti-Aweni daala, Beteli tilibo kara maafaŋo la. A ko ì ye ko, “Ali wuli, ali ye taa ñiŋ tundoo la kuwo kulloo ñini.” Bituŋ ñiŋ kewolu taata teŋ ne ka Ayi la kuwolu kulloo ñini.

Kiitindirilaalu 18:26

Bituŋ Dani lasiloo moolu taata ì la siloo la. Kabiriŋ Mika ye a je ko, ì semboo warata a ti le, a muruta. A taata a yaa.

Kiitindirilaalu 20:1

Banisirayilankoolu, mennu bee be Dani ka taa fo Beeriseba, aniŋ mennu be Kileyadi tundoo kaŋ, ì bee le taata ka beŋ Misipa. Ì bee kambenta Yaawe* ñaatiliŋo la jee.