1 Mansoolu 11:7 - Mandinka Bible

⁷ Konkoo kaŋ Yerusalaamu tiliboo la, Sulemani ye batudulaa tintiŋo* loo Kemosi ye jee, Mowabinkoolu la jalaŋ haraamuriŋo, aniŋ Moleki ye, Ammoninkoolu la jalaŋ haraamuriŋo.

1 Mansoolu 11:7 Mawu Ofanana

1 Musa 33:2

A ye ñiŋ kaŋ foroyandi musoolu niŋ ì diŋolu ke ñaato. A ye Leya niŋ a diŋolu bulandi wolu nooma, bituŋ Raheli niŋ Yusufa, wolu le be ì bee ye kooma.

2 Samuweli 15:30

Dawuda taata Olifu Konkoo kaŋ. A be kumboo kaŋ, a siŋ kenseŋo le mu, a ye a kuŋo muuri. Mennu be a nooma, ì bee ye ì kuŋolu muuri le, ì be kumboo kaŋ.

1 Mansoolu 11:5

A bulata Asitoreti* le nooma, Sidoninkoolu la jalammusoo, aniŋ Moleki, Ammoninkoolu la jalaŋ haraamuriŋo.

1 Mansoolu 11:6

Sulemani ye kuu jawoo le ke Yaawe ñaa koto. A maŋ bula Yaawe nooma niŋ a sondomoo bee la, komeŋ a faamaa Dawuda ye a ke ñaameŋ.

1 Mansoolu 11:8

A ye wo kuu kiliŋo le ke a la bantala musoolu bee ye, mennu ka cuuraayoo siisindi, aduŋ ì ka sadaalu* bo ì la jalaŋolu ye.

1 Mansoolu 15:12

A ye moolu bee bayi bankoo kaŋ mennu ka laañooyaa tuluŋo ke batudulaa tintiŋolu* to, aduŋ a ye jalaŋolu bee le bondi, a mumuñolu ye mennu dadaa.

2 Mansoolu 23:10

A ye Tofeti sadaabodulaa* tiñaa Hinnomu Wulumbaŋo kono le, ñiŋ kamma moo kana a dinkee waraŋ a dimmusu jani dimbaa kono, ka a ke sadaa ti Moleki ye.

2 Taarika 21:11

Ñiŋ bee koolaa, a ye jalaŋ batudulaa tintiŋolu* dadaa Yahuuda konkotundoo* kaŋ, aduŋ moolu mennu be sabatiriŋ Yerusalaamu, a ye wolu duŋ foroyaabaliyaa to, a ye Yahuuda filindi Alla la.

Jabuuroolu 78:58

Ì ye a la kamfaa wulindi le, ka bo niŋ ì la jalaŋ batudulaa tintiŋolu* la. Ì la kuwo ye a kiiliyandi jawuke le, ì la jalaŋ leseriŋolu kamma la.

Yesaya 44:19

Moo te jee meŋ ye londoo soto, waraŋ ka fahaamuroo ke ka a miira ko, “Ŋa kara kiliŋo ke loo ti, ŋa mbuuroo jani a dimbaa keñemboo la, ŋa suboo fanaa jani ka a ñimi. Fo n si kuu kondiŋo ke noo a too la le baŋ? Fo n si sujudi noo yiri kuntoo ye le baŋ?”

Yeremiya 32:31

Ñiŋ saatewo moolu ye n kamfandi le ka n jusoo kandindi, ka bo luŋo meŋ na a loota ka naa bula bii la. Wo kamma la m be a bondi la n ñaa koto le.

Yeremiya 32:35

Ì ye batudulaa tintiŋolu* loo Baali jalaŋo ye Beni-Hinnomu Wulumbaŋo kono le ka ì dinkewolu niŋ ì dimmusoolu jani sadaa ti dimbaa kono Moleki jalaŋo ye. Nte maŋ ì yaamari wo la, aduŋ wo nene maŋ bula n kono, meŋ si a tinna ì ye ñiŋ kuu ñewundiŋo ke ka Yahuuda dundi junube kewo to.”

Yeremiya 48:13

Wo to le Mowabinkoolu la jalaŋo Kemosi be ke la ì ye malu kuwo ti, ko Banisirayila la Beteli jalambatoo keta ì ye ñaameŋ, ì jikita nuŋ meŋ na.

Yeremiya 48:46

Kooroo be ite Mowabi ye le! Jalaŋ Kemosi la moolu kasaarata, kaatu ali dinkewolu taata mutoo kono le, ì ye ali dimmusoolu fanaa samba mutoo kono.

Esekiyeli 18:12

a ka fuwaaroolu niŋ mennu be suuloo kono mantoora, a ka suuñaaroo ke, a buka feŋo murundi a ye meŋ taa sankayaaraŋo ti, a ka jalambatoo ke, a ka kuu haraamuriŋolu ke,

Daniyeli 11:31

A be a la kelediŋ doolu kii la le, ka Alla Batudulaa Buŋo* kono kosondi, aduŋ ì be luŋ-wo-luŋ jani sadaalu* bondoo daŋ na le. Ì be feŋ haraamuriŋo le londi la sadaajanidulaa* kaŋ, meŋ be kasaara kuu baa saabu la.

Daniyeli 12:11

“Ka bo waatoo meŋ na ì ye luŋ-wo-luŋ jani sadaalu* bondoo daŋ, ì ye feŋ haraamuriŋo londi sadaajanidulaa* kaŋ, meŋ be kasaaroo saabu la, tili wuli kiliŋ aniŋ tili keme fula niŋ taŋ kononto le be tambi la.

3 Musa 26:30

M be ali la batudulaa tintiŋolu* buruka la le, ŋa ali la cuuraayi siisindidulaalu teyi, ka ì boyindi. M be ali furewolu jurumi la ñoo kaŋ ne, ali la jalaŋ kenseŋolu kaŋ, mennu maŋ nii soto, aduŋ m be ñewuŋ na ali la le.

Mika 1:5

Ñinnu bee be ke la le, Yaakuba koomalankoolu la balaŋo kamma la, aniŋ Banisirayilankoolu la junube baaroolu. Ì la balaŋo sababoo keta jumaa le ti? Fo a maŋ ke Samariya le ti baŋ? Jumaa le keta jalambatoo sababoo ti batudulaa tintiŋolu* kaŋ, Yahuuda? Fo a maŋ ke Yerusalaamu le ti baŋ?

Jakariya 14:4

Wo luŋo la, a siŋo be tara la looriŋ Olifu Konkoo kaŋ ne, meŋ be Yerusalaamu tilibo karoo la. Konkoo ñiŋ be fara la teema le ka bo tilibo ka taa tilijii. Talantewo be ñori la maraa karoo la, talantee doo ye ñori bulubaa karoo la. Wulumbaŋ fanuŋ baa ye tara ì teema.

4 Musa 21:29

Kooroo be alitolu Mowabi moolu ye! Alitolu Kemosi jalaŋo batulaalu, ali kasaarata le. Kemosi ye a dinkewolu ke borijoŋolu ti, a ye a dimmusoolu kenkeŋ mutoo kono, Amorinkoolu la mansa, Sihoni bulu.

4 Musa 33:52

ali si a bankoo moolu bee bayi. Ali ì la jalaŋolu bee tiñaa, ì ye mennu lese aniŋ ì ye mennu tunkaŋ, ali ye ì la batudulaa tintiŋolu* bee boyi.

Matiyu 26:30

Bituŋ ì ye suukuwo laa, ì taata Olifu Konkoo to.

Kiilaalu 1:12

Wo to le saayiboolu bota konkoo to, ì ka meŋ kumandi Olifu Konkoo la, ì muruta Yerusalaamu, meŋ taamoo si kaañaŋ kilomeetari kiliŋ fee.

Kiilaalu 1:9

Biriŋ a ye ñiŋ kumoolu fo, a selendita santo. Bituŋ ì be a juubee kaŋ fo minaayoo ye a muuri.

Kiilaalu 7:43

Hanii, bari ali niŋ ali la jalaŋolu taata. Ali ye Moleki la tiriliisoo* koo, ali ye Refani la looloo samba, a niŋ feŋolu, ali ye mennu lese ka ì batu, wo to m be ali bayi la le ka tambi Babiloni.’

5 Musa 13:14

Niŋ ali ye wo kibaari siifaa moyi, ali si wo kuwo kisikisi kendeke. Aduŋ niŋ a lonta ko ñiŋ kuu haraamuriŋo keta ali kono le,

5 Musa 27:15

Dankoo be moo ye meŋ ye jalaŋo dadaa, waraŋ feŋ muluŋo, moo buloo ye meŋ dadaa, ka a batu kulloo kono. Kuu haraamuriŋo le mu Yaawe ñaatiliŋo la. Bituŋ moolu bee si a fo ko: Amiin.

Kiitindirilaalu 11:24

Niŋ Kemosi, meŋ mu i la alla ti ye bankoo moo doolu bayi i ye, fo i te wo bankoo taa la baŋ? Wo ñaa kiliŋo la, ntolu ye wo moolu la bankoo fanaa taa le, Yaawe ǹ na Alla ye mennu bayi ǹ ye.