1 Mansoolu 11:34 - Mandinka Bible

³⁴ “ ‘Bari n te mansayaa muumewo bee taa la Sulemani bulu. M be a tu la jee le a ye maraloo ke a la baluwo bee kono n na dookuulaa Dawuda la kuwo kamma la, ŋa meŋ tomboŋ, aniŋ meŋ ye n na yaamaroolu niŋ n na luwaalu bee muta.

1 Mansoolu 11:34 Mawu Ofanana

2 Samuweli 7:14

M be ke la a faamaa le ti, aduŋ a be ke la n diŋo le ti. Niŋ a ye kuu jawoo ke, m be a kuluu la niŋ kewolu la busoo le la ko kuluuroo meŋ ka laa kewolu kaŋ, niŋ ì ye kuu jawoo ke.

1 Mansoolu 11:31

Bituŋ a ko Yerobowamu ye ko, “Farandaŋ taŋ taa i faŋo ye, kaatu Yaawe, Banisirayila la Alla ye ñiŋ ne fo ko: “ ‘A fele, m be mansayaa buusi la Sulemani bulu le, aduŋ m be lasili taŋ ne dii la i la.

1 Mansoolu 11:33

M be ñiŋ ke la le kaatu Sulemani ye a koo dii n na le, aduŋ a ye Sidoninkoolu la jalammusoo Asitoreti batu, Kemosi Mowabinkoolu la jalaŋo, aniŋ Moleki Ammoninkoolu la jalaŋo. A maŋ taama n na siloolu la, sako ka kuu tilindiŋo ke n ñaalu koto, waraŋ ka n na yaamaroolu niŋ n na luwaalu muta, komeŋ a faamaa Dawuda ye a ke ñaameŋ.

1 Mansoolu 11:35

M be mansayaa buusi la Sulemani dinkewo bulu le, aduŋ m be lasili taŋo dii la i la le.

1 Mansoolu 3:14

Niŋ i taamata n na siloolu la, ka n na luwaalu muta aniŋ n na yaamaroolu, ko i faamaa Dawuda taamata ì la ñaameŋ, wo to m be i siimaayandi la le.”

Yuuba 11:6

A ye ñaameŋo kulloolu lankenemayandi i ye, kaawakuu baalu, hadamadiŋo buka mennu fahaamu noo. I be a loŋ na wo le to ko, Alla ye ñiŋ jaraboo meŋ laa i kaŋ, wo mu domandiŋo le ti, niŋ i ye a niŋ baara kuwo laa, i ye meŋ ke.

Jabuuroolu 103:10

A buka ǹ sanka ko a ñanta ñaameŋ, hani wo a ka ǹ jarabi ǹ na junuboolu kaŋ ne, aniŋ ǹ na hakoolu.

Jabuuroolu 89:19

Waati jaŋ koomanto, i diyaamuta i la lannamoolu ye jeroo kono ko: “Ŋa semboo dii kelejawaroo doo le la, ŋa a tomboŋ moolu kono, ŋa a sikandi.

Yesaya 55:3

Ali naa n kaŋ ali ye ali tuloo loo n na kendeke. Ali i lamoyi n na fo ali si baluu. Kambeŋo meŋ te daŋ na, n niŋ ali be wo le siti la, n na kanu bambaloo, ŋa meŋ laahidi Dawuda ye.

Habakuki 3:2

Hee Yaawe*, ŋa a moyi le i ye meŋ ke, aduŋ a ye m masilaŋ ne. Hee Yaawe, a ke kotenke ntolu fanaa tiloo la, ǹ ñaa ye boyi a kaŋ ǹ na waatoolu la. Hani niŋ i kamfaata, balafaa soto ntolu ye.