1 Mansoolu 11:3 - Mandinka Bible

³ A ye musu keme woorowula le soto mennu mu mansariŋolu ti, aniŋ kaŋ foroyandi musu* keme saba, aduŋ a la musoolu le ye a filindi.

1 Mansoolu 11:3 Mawu Ofanana

2 Taarika 11:21

Rehobowamu ye Maaka, Abusalomu dimmusoo le kanu, ka tambi a la musu koteŋolu bee la aniŋ a la kaŋ foroyandi musoolu*. A futuumusoolu bee kafuriŋo taata kaañaŋ musu taŋ niŋ seyi le fee, kaŋ foroyandi musoolu, musu taŋ wooro. A ye dinkee muwaŋ niŋ seyi le soto aniŋ dimmusu taŋ wooro.

Esita 1:18

Niŋ Perisiya niŋ Mediya maralilaalu la musoolu ye ñiŋ moyi, janniŋ ñiŋ tiloo be boyi la, ì fanaa be a ke la le ko Wasiti ye a ke ñaameŋ. Horomoo te soto la musoolu niŋ kewolu teema.

Kawandilaa 2:8

Ŋa sanoo niŋ kodiforoo kafu ñoo ma, aniŋ naafuloolu ka bo mansoolu bulu, aniŋ ka bo banku doolu kaŋ. Ŋa denkililaalaa musoolu niŋ kewolu soto, aniŋ musu jamaa, mennu ka kewo niyo seewondi.

Kawandilaa 7:28

N tuta meŋ na kuwo ñini la, m maŋ wo je. Ka bo niŋ n sondomoo bee la, n tarata hadamadiŋo le la kuwo kisikisi kaŋ, hadamadiŋo meŋ tilinta. Bari wuli kiliŋ kono, ŋa kiliŋ doroŋ ne soto, bari a maŋ ke musu ti.

Suukuwo 6:8

Musu taŋ wooro si tara noo mansa bulu le, kaŋ foroyandi musu* taŋ seyi ye tara a bulu, aniŋ sunkutoolu, mennu maŋ yaatee soto.

Suukuwo 6:9

Bari n na puraariŋo mu kilimbaa kiliŋo le ti, n na musu timmariŋo, a maŋ ñoŋ soto. Ate le mu a baamaa jusukuŋo ti, a maŋ ñoŋ soto a ye, meŋ ye a wuluu. Sunkutoolu ye a je le, ì ye a kili seewoo la, mansa la musoolu niŋ kaŋ foroyandi musoolu* ye a je le, ì fanaa ye a jayi.

5 Musa 17:17

A maŋ ñaŋ ka musu jamaa futuu, kaatu wo be a tinna la le a ye a koo dii Yaawe la, aduŋ a maŋ ñaŋ ka naafuloo jurumi a faŋo ye ñoo kaŋ.

Kiitindirilaalu 3:6

Ì ye wolu dimmusoolu futuu, ì ka ì dimmusoolu fanaa futundi wolu dinkewolu ye, aduŋ ì ka wolu la alloolu fanaa batu.

Kiitindirilaalu 9:5

A taata a faamaa la suwo kono Ofura. A ye a faadiŋolu faa bere baa doo kaŋ, mennu mu Kideyoni dinkee taŋ woorowuloo ti. Yotamu, Kideyoni dinkee labaŋo, wo dammaa le kanata, kaatu ate maabota le.