1 Mansoolu 10:24 - Mandinka Bible

²⁴ Duniyaa bee ka lafi le nuŋ ka i lamoyi Sulemani la diyaamoo la, ka ñaameŋo moyi Alla ye meŋ ke a sondomoo kono.

1 Mansoolu 10:24 Mawu Ofanana

1 Mansoolu 10:1

Kabiriŋ Seba musumansoo* ye Sulemani la darajoo moyi, darajoo meŋ sunta Yaawe* too la, a naata ka a kotobo niŋ ñininkaari koleŋolu la.

1 Mansoolu 3:12

Saayiŋ ŋa a ke le ko i la kumoo ye a yitandi ñaameŋ. Tooñaa, saayiŋ ŋa ñaameŋo dii i la le ka kuwolu bo ñoo to, moo nene maŋ meŋ ñoŋo soto, aduŋ moo nene te a ñoŋo soto la ko ite.

1 Mansoolu 3:28

Banisirayila moolu bee ye ñiŋ kiitii kuntoo moyi le mansa ye meŋ ke, aduŋ ì naata mansa muta ka a kuliyaa aniŋ ka a horoma, kaatu ì ye a je le ko Alla la ñaameŋo le tarata a kono ka tooñaa taamandi.

1 Mansoolu 3:9

Wo to fahaamuroo hakiloo dii i la dookuulaa la ka i la moolu mara, ka ñiŋ noo ka kuu betoo niŋ kuu jawoo bo ñoo to. Kaatu niŋ wo nte, jumaa le si i la ñiŋ moo baalu mara noo?”

2 Taarika 1:11

Alla ko a ye ko, “Bayiri i ye ñiŋ ne ŋaniya, i maŋ naafuloo, fankoo, horomoo, waraŋ siimaayaa daani i faŋo ye, waraŋ i jawoolu la faa, bari ñaameŋo niŋ fahaamuroo, i ye wo le daani, fo i si n na moolu mara noo, ŋa i ke mansa ti mennu kunna,

2 Taarika 1:12

saayiŋ m be ñaameŋo niŋ fahaamuroo dii la i la le. M be fankoo, naafuloo, aniŋ horomoo fanaa dii la i la, mansa nene maŋ meŋ ñoŋo soto, aduŋ mansa nene te a soto la.”

Kuma Kotoomaalu 2:6

Kaatu Yaawe le ka moo so ñaameŋo la, londoo niŋ fahaamuroo bee ka bo ate le bulu.

Esekiyeli 16:14

I la darajoo janjanta bankoolu bee kaŋ, feŋ te fo i la ñiiñaa. Ŋa ñaroolu mennu dii i la, wolu le ye i la ñiiñaa yitandi.” Maarii Yaawe le ye a fo.

Daniyeli 1:17

Alla ye ñiŋ fondinkee naanoo so londoo niŋ fahaamuroo la le, kitaaboo siifaa bee to, aniŋ karaŋo siifaa bee to. A ye fahaamuroo fanaa dii Daniyeli la le, ka jeroolu niŋ siiboolu siifaa bee fasari.

Daniyeli 2:21

Ate le ka waatoolu niŋ jamaanoolu yelemandi, ate le ka mansoolu londi, aduŋ ate le ka ì bondi. Ate le ka ñaameŋo dii, aniŋ londoo.

Daniyeli 2:23

M be i jayi la, m be i tentu la, ite meŋ mu m mumuñolu la Alla ti. I ye n so ñaameŋo niŋ semboo la le, aduŋ ŋa i daani meŋ na, i ye a yitandi n na le saayiŋ, kaatu i ye mansa la jaakali kuwo yitandi n na le.”

Daniyeli 5:11

Kewo doo be i la mansamarali bankoo kaŋ jaŋ ne, alloolu la nooroo be meŋ kono. I faamaa la mansayaa waatoo la, ñiŋ kewo ye londoo le yitandi, hakilidiyaa, aniŋ ñaameŋo meŋ be ko alloolu la ñaameŋo. Aduŋ i faamaa, Mansa Nebukanesa ye ate le tomboŋ ka a ke batuutaatiyolu la kuntiyo ti, juubeerilaalu, lonnaalu, aniŋ kumfanuntewolu.

Yankuba 1:5

Niŋ moo dasata ñaameŋo la ali kono, wo maarii si Alla daani, aduŋ a be ñaameŋo dii la a la le. Ate le ka diiroo ke moolu bee la a ñaama, jalayiribaliyaa kono.