1 Mansoolu 10:22 - Mandinka Bible

²² A ye safaari kuluŋolu le soto nuŋ baa to, aniŋ Hiramu la kuluŋolu kafuriŋo. Sanji saba-wo-sanji saba ì ka muru naŋ ne, ì niŋ sanoo, kodiforoo aniŋ samañiŋo, ka taa ndemoolu niŋ kumaarewolu.

1 Mansoolu 10:22 Mawu Ofanana

1 Musa 10:4

Yawani dinkewolu, wolu le mu: Elisa, Tarisi, Kitimu aniŋ Rodanimu.

1 Mansoolu 10:18

Mansa Sulemani ye mansasiiraŋo dadaa meŋ laata niŋ samañiŋo niŋ saniforoo la.

1 Mansoolu 10:21

Mansa Sulemani la mindaŋolu bee mu nuŋ sanoo le ti. Bunkono jooraŋolu mennu bee be nuŋ Libanooni Sutoo Buŋo kono, wolu bee mu saniforoo le ti. Feŋ maŋ dadaa kodiforoo la, kaatu Sulemani jamaanoo la kodiforoo maŋ muta feŋ daa koleŋo ti.

1 Mansoolu 22:48

Yehosafati ye safaari kuluŋ sapoolu dadaa le mennu ñanta taa la Ofiri ka sanoo ñini, bari ì nene maŋ wuli ka teyi, ì tiñaata baa kono Esiyoni-Keberi saatewo daala.

1 Mansoolu 22:49

Wo waatoo la, Ahabu dinkewo Ahasiya ko Yehosafati ye ko, “N na kewolu niŋ i la kewolu bula ì ye teyi ñoo la,” bari Yehosafati balanta le.

1 Mansoolu 9:26

Mansa Sulemani ye kuluŋolu fanaa dadaa Esiyoni-Keberi, meŋ be Elati daala Edomu bankoo kaŋ, Kulunjumbe Baa tintoo la.

2 Taarika 9:21

A ye safaari kuluŋolu le soto nuŋ baa to, Hiramu la moolu ka mennu dookundi. Sanji saba-wo-sanji saba ì ka muru naŋ ne, ì niŋ sanoo, kodiforoo aniŋ samañiŋo, ka taa ndemoolu niŋ kumaarewolu.

Yuuba 39:13

Suruntukunoo kufantoo ka a dampaŋolu kosi le, bari fo a ka tii noo ì la le baŋ ko jimoo?

Jabuuroolu 48:7

ì keta komeŋ niŋ turubaadi jawoo ye safaari kuluŋolu janjaŋ.

Jabuuroolu 72:10

Tarisi mansoolu, aniŋ baajooyoolu la mansoolu si naamoo joo a yaa. Seba niŋ Seeba bankoolu la mansoolu si soorifeŋolu dii a la.

Yesaya 2:16

A be safaari kuluŋolu tunendi la le, aniŋ kuluŋ ñiimaalu bee.

Yesaya 23:1

Kiilaariyaa kumoo fele Tire la kuwo to. Hee Tarisi kulunkononkoolu, ali lemba, kaatu Tire kasaarata le. Hani buŋ ne maŋ tu jee sako tendaa. Ì ye a kibaaroo soto Kitimu le.

Yesaya 23:10

Alitolu Tarisinkoolu, ali taa ali la bankoo sene ko Nayili Boloŋo to senelaalu. Tendaa te ali bulu kotenke.

Yesaya 23:6

Alitolu baadaa borindoo siilaalu, ali woosiitoo ye teyi ka taa Tarisi.

Yesaya 60:9

Safaari kuluŋolu le mu, ì be naa la le ka i la moolu seyindi naŋ. Ì niŋ ì la sanoo niŋ kodiforoo le be naa, aduŋ wo be horoma baa le naati la nte i Maarii Yaawe ye, Banisirayila la Senuŋ Baa, kaatu ŋa i fandi niŋ horomoo le la. Tooñaa-tooñaa, banku jamfariŋolu ka nte le juubee.

Yesaya 66:19

A ko: “M be kaawakuwo le fintindi la ì kono, aduŋ moo doolu mennu tankata n na ñiŋ kiitindiroo ma, m be ì kii la ñiŋ banku jamfariŋolu le kaŋ, Tarisi, Libiya, aniŋ Ludi bankoo, meŋ na moolu mu kalabeñe fayilaa baalu ti, ka taa fo Tubali, Jirisi, aniŋ banku jamfariŋolu mennu maŋ n na darajoo loŋ, waraŋ ka n na kallankeeyaa je. Ì be n na kallankeeyaa kankulaa la bankoolu kaŋ ne.

Esekiyeli 27:12

“Ite Tire, i niŋ Tarisinkoolu ka julayaa ke le, kaatu i fankabaata le. Ì ka kodiforoo, newo, fuyuŋo aniŋ kurudoo faliŋ niŋ i la marisandiisoolu le la.

Esekiyeli 27:15

“I niŋ Dedaninkoolu ka julayaa ke le, aduŋ wo moolu mennu bota baadaa borindoo bee la mu i la kiliyaanoolu le ti. Ì ka i la marisandiisoolu faliŋ i yaa samañiŋolu aniŋ kuukuu babaroo le la.

Amosi 3:15

M be ali la sumayaa waati buŋolu tiñaa la, aniŋ ali la kandi waati buŋolu. Buŋolu mennu ñarandita samañiŋolu la, wolu fanaa bee le be kasaara la, aduŋ ali la buŋ jaŋ baalu fanaa bee le be boyi la.” Yaawe le ye a fo.

Yunusa 1:3

Yunusa wulita, a maŋ taa, bari a borita Yaawe ma, a ye a kuŋo tiliŋ Tarisi saatewo to. A taata fo Yopa, daameŋ a ye kuluŋo tara jee, meŋ ka taa Tarisi. Kabiriŋ a ye paasoo joo, a bulata kuluŋo kono ka taa Tarisi, fo a si bori noo Yaawe ma.