1 Mansoolu 1:48 - Mandinka Bible

⁴⁸ aduŋ a duwaata ko, ‘Ali ŋà Yaawe tentu, Banisirayila la Alla, meŋ ye n koomalankoolu kiliŋ sindi n noo to ka ke mansa ti bii, aduŋ a ye nte siimaayandi fo n ñaa ye a je!’ ”

1 Mansoolu 1:48 Mawu Ofanana

1 Musa 14:20

Tentoo be Alla Mansa Tallaa ye, meŋ ye i jawoolu duŋ i buloo kono.” Iburama ye feŋolu siidulaa tanjaŋo dii a la, a ye mennu murundi naŋ.

2 Samuweli 24:3

Bari Yowabu ye mansa jaabi ko, “Allamaa Yaawe, i la Alla, ye moolu lafaa ko siiñaa keme, aduŋ Allamaa m maarii mansa ñaa ye a je. Bari muŋ ne ye a tinna, m maarii mansa, i lafita ñiŋ kuu siifaa ke la?”

2 Samuweli 7:12

Niŋ i la waatoo siita, aduŋ i niŋ i la alifaalu be laariŋ kaburoo kono, m be i diŋo le ke la i noo to, meŋ be bo la i faŋo balajaatoo bala, aduŋ m be a la mansayaa bambandi la le.

1 Mansoolu 1:49

Bituŋ Adoniya la luntaŋolu bee wulita ì silandiŋo, ì janjanta, moo-wo-moo ye a fansuŋ siloo taa.

1 Mansoolu 2:4

Niŋ i sonta Yaawe ma, a be a la laahidoo timmandi la le. A ye ñiŋ ne laahidi ko, niŋ a ye a tara n koomalankoolu tilinta ka soŋ ate la yaamaroolu bee la niŋ ì sondomoo niŋ ì semboo bee la, itolu le be Banisirayila mara la.

1 Mansoolu 3:6

Bituŋ Sulemani ko, “I ye kanu bambaloo le yitandi i la dookuulaa m faamaa Dawuda la, kaatu a foroyaata i ma, a taamata tiliŋo kono i ñaatiliŋo la, aniŋ a sondomoo tarata looriŋ ite le kaŋ. Aduŋ i ye ñiŋ kanu bambandiŋ baa muta a ye le, aniŋ i ye dinkewo dii a la ka sii a la mansasiiraŋo kaŋ bii.

1 Mansoolu 8:20

“Yaawe ye laahidoo timmandi le a ye meŋ dii. Ŋa m faamaa Dawuda noo taa le, aduŋ saayiŋ n siita Banisirayila mansasiiraŋo kaŋ ne, komeŋ Yaawe ye a laahidi ñaameŋ, aduŋ ŋa buŋo loo Yaawe tooyaa la le, Banisirayila la Alla.

1 Taarika 17:17

Hee Alla, ñiŋ kuwolu mu kuundiŋ ne ti i ñaa koto. I ye laahidoo fanaa dii n koomalankoolu la le saama siniŋ. M Maarii Yaawe, i ye n ke le ko moo kummaa baa.

1 Taarika 29:10

Wo kamma la Dawuda ye Yaawe jayi jamaa bee ñaatiliŋo la, a ko: “Yaawe, m̀ mumu Isirayila la Alla, jayiroo be i ye fo abadaa.

1 Taarika 29:20

Wo to le Dawuda ye jamaa bee yaamari ko, “Ali Yaawe tentu, ali la Alla.” Bituŋ jamaa bee ye Yaawe tentu, ì mumuñolu la Alla, ì sujudita a ye ka a batu, aduŋ ì ye Mansa fanaa kuliyaa.

Nehemiya 9:5

Bituŋ Lewi lasiloo moolu mennu keta Yesuwa ti, Kadimiyeli, Bani, Hasabuneya, Serebiya, Hodiya, Sebaniya, aniŋ Petahiya ko: “Ali wuli ka Yaawe, ali la Alla tentu, badaa-badaa Alla. Ali tentoo dii a too buuñaariŋo la, tenturoo niŋ jayiroo te a la waroo daŋo fo noo la ñaa-wo-ñaa.”

Jabuuroolu 145:2

Luŋ-wo-luŋ m be i tentu la le, ŋa i jayi i too la fo abadaa.

Jabuuroolu 34:1

M be tu la Yaawe* jayi la le doroŋ, n te n dahaa la a tentoo la.

Jabuuroolu 41:13

Tentoo be Yaawe ye, Banisirayila la Alla, ka bo saayiŋ ka taa fo abadaa. Amiin! Amiin!

Kuma Kotoomaalu 17:6

Mamariŋo ka ke mamoo ye ŋaañaaraŋo le ti, aduŋ dindiŋo fanaa ka kontaanoo soto, a la alifaalu la karoo le la.

Daniyeli 4:34

Kabiriŋ sanji woorowuloo tambita, nte Nebukanesa naata n ñaalu wulindi ka santo juubee, bituŋ n sondomoo seyita a ñaama. Ŋa Alla Mansa Tallaa tentu, ŋa horomoo niŋ buuñaa dii a la, ate meŋ na noo te baŋ na. A la noo le be tu la fo abadaa, aduŋ a la mansabaayaa be tu la jamaanoolu bee le la.

Efesusinkoolu 1:3

Tenturoo niŋ jayiroo be Alla ye, m̀ Maarii Yeesu Kiristu Faamaa. A neemata m̀ ma, Nooroo la neemoolu bee le la, mennu be Arijana dinkiraalu kono, neemoolu mennu bee sotota ka bo niŋ Kiristu la.

1 Pita 1:3

Jayiroo niŋ tenturoo be Alla ye, m̀ Maarii Yeesu Kiristu Faamaa! A la hiina baa le ye a tinna, ǹ wuluuta kotenke ka ke moo kutoolu ti, mennu ye jiki baluuriŋo soto, ka bo niŋ Yeesu Kiristu la saayaakoolaa wulindiroo la.

1 Samuweli 25:32

Dawuda ko Abikali ye ko, “Jayiroo be Yaawe ye, Banisirayilankoolu la Alla, meŋ ye i kii naŋ, ka naa n yaa bii.