1 Mansoolu 1:36 - Mandinka Bible

³⁶ Yehoyada dinkewo Benaya ye mansa jaabi, a ko a ye ko, “A si ke wo ñaama! Allamaa Yaawe, m maarii mansa la Alla, ye a taamandi wo ñaama.

1 Mansoolu 1:36 Mawu Ofanana

2 Samuweli 8:18

Benaya Yehoyada dinkewo le marata Keretinkoolu niŋ Peletinkoolu la, mennu mu mansa kantalaalu ti. Dawuda dinkewolu le keta piriisoolu ti.

1 Mansoolu 1:35

Ali si bula a nooma ka muru naŋ. A si duŋ naŋ a ye sii n na mansasiiraŋo kaŋ. Ate le be ke la mansa ti n noo to, kaatu ŋa a tomboŋ ne ka ke maralilaa ti Banisirayila kunna, aniŋ Yahuuda.”

1 Mansoolu 1:37

Ko Yaawe tarata nuŋ m maarii mansa fee ñaameŋ, Allamaa a ye tara Sulemani fanaa fee wo ñaama, ka a la mansasiiraŋo semboo warandi hani fo ka tambi m maarii Mansa Dawuda faŋo taa la!”

1 Taarika 17:27

Saayiŋ, a si ke i ye seewoo ti, ka neema ke nte i la dookuulaa la dimbaayaa ye, fo ǹ si tenteŋ ka tara i ñaa koto fo abadaa. Kaatu ite Yaawe neemata meŋ ma, a be neema la le fo abadaa.”

Jabuuroolu 18:2

Yaawe le mu n na semberaŋ bere baa ti, n na tankaraŋ tatoo, aniŋ m bondilaa. N na Alla le mu n ye semberaŋ beroo ti, n ka n dende meŋ na. Ate le mu n na koteeroo* ti, n na kiisandirilaa sembemaa baa, aniŋ n tuukuraŋo.

Jabuuroolu 63:1

Hee Alla, ite le mu n na Alla ti, i la kuwo ye n loo le, i la kuwo ye m muta le ko mindoo, m balajaatoo bee le ye i la kuwo kaniŋ. A ka munta le ko ñiŋ banku jaaroo, jii te daameŋ to, fo bataa.

Jabuuroolu 72:19

Ali a jayi a too ñiimaa la fo abadaa. Allamaa a la kallankeeyaa* ye faa duniyaa bee kono. Amiin! Amiin!

Jabuuroolu 89:20

Ŋa n na dookuulaa Dawuda le ke mansa ti, ka a toloo niŋ n na tulu senuŋo* la.

Jabuuroolu 89:26

A be a fo la n ye le ko: ‘Ite le mu m Faamaa ti, n na Alla aniŋ n na semberaŋ beroo, meŋ ka n kiisa.’

Yeremiya 11:5

Niŋ wo keta, m be n na laahidoo timmandi la le, n kalita ì mumuñolu ye meŋ na ko, m be bankoo dii la ì la le keekewo niŋ liyo ka woyi daameŋ, ko a naata ke ali ye ñaameŋ bii.” Wo le to ŋa n danku, n ko, “Yaawe, amiin.”

Yeremiya 28:6

N ko a ye ko, “Amiin! Allamaa Yaawe ye wo ke faŋ! Allamaa Yaawe ye kiilaariyaa kumoolu bee ke tooñaa ti, i ye mennu fo, ka a Batudulaa Buŋo jooraŋolu murundi naŋ jaŋ ka bo Babiloni, aniŋ ì ye moolu mennu bee samba mutoo kono jee.

Matiyu 28:20

Ali si ì karandi ka kumoolu bee muta, nte ye ali yaamari mennu la. Aduŋ nte be tara la ali fee le waati-wo-waati hani fo duniyaa dandulaa to.”

Matiyu 6:13

Aduŋ kana ǹ dundi marisa kuwo kono, bari i si m̀ bondi Seetaani* bulu. Kaatu ite le taa mu mansabaayaa ti, semboo aniŋ waroo fo abadaa. Amiin.

1 Korintinkoolu 14:16

Niŋ ite be Alla tentu kaŋ ka a jayi niŋ i la nooroo la, moo meŋ maŋ i fahaamu noo, wo be a fo noo la ñaadii le, “Amiin”?

1 Samuweli 25:29

Moo-wo-moo ye i bayindi, aduŋ a lafita i faa la, Yaawe i la Alla be i tanka la le, ko hadamadiŋo ka feŋ betoo kanta ñaameŋ. Yaawe la karoo la, i jawoolu la baluwo te nafaa soto la, aduŋ ì be ke la le ko beroolu, ì ka mennu fayi kampuraŋo la.