1 Mansoolu 1:29 - Mandinka Bible

²⁹ Bituŋ mansa ye i kali ñiŋ kaloo la ko, “A be koyiriŋ ñaameŋ ko Yaawe be baluuriŋ ne, ate meŋ ye n tankandi n na mantoora kuwolu bee ma.

1 Mansoolu 1:29 Mawu Ofanana

1 Musa 48:16

Aduŋ a la malaayikoo le ye n tanka kooroo kuwo bee ma. Allamaa Alla ye neema ke ñiŋ kambaanendiŋolu ye. Allamaa n too niŋ n na moo foloolu Iburayima niŋ Isiyaaka toolu ye tu keriŋ ka bo niŋ ñinnu la. Allamaa ì ke la jiidilaa ti, ì ye siyaa duniyaa kono.”

2 Samuweli 12:5

Dawuda kamfaabaata keendiŋo kamma. Bituŋ a ko Natani ye ko, “Niŋ Yaawe be baluuriŋ, keendiŋo meŋ ye ñiŋ ke, wo ñanta faa la le!

2 Samuweli 4:9

Dawuda ye Rekabu niŋ a baadiŋo Baana Rimmoni Beerotinkoo dinkewolu jaabi ñiŋ ne la ko, “A be koyiriŋ ñaameŋ ko Yaawe be baluuriŋ ne, meŋ ye n tankandi kataalu bee ma,

1 Mansoolu 1:28

Bituŋ Mansa Dawuda diyaamuta, a ko, “Batiseba kumandi n ye.” Wo le to a naata, aduŋ a loota mansa ñaatiliŋo la.

1 Mansoolu 17:1

Saayiŋ Eliya meŋ bota Tisibe Kileyadi tundoo kaŋ, ko Ahabu ye ko, “Ŋa n kali Yaawe* la, Banisirayila la Alla, m mu meŋ na dookuulaa ti ko komboo te ke la sako sanjoo ñiŋ saŋ naalaalu bee kono, niŋ a maŋ ke n na kumoo kaŋ ti.”

1 Mansoolu 18:10

A be koyiriŋ ñaameŋ ko Yaawe be baluuriŋ ne, i la Alla, dulaa te keriŋ mansa maŋ moo kii daameŋ to ka taa i ñini jee. Aduŋ banku-wo-banku kaŋ, niŋ moolu ko i te jee, a ka ì kalindi le ko, ì ñaa maŋ i je.

1 Mansoolu 2:24

A be koyiriŋ ñaameŋ ko Yaawe be baluuriŋ ne, ate meŋ ye n sindi bambandinke m faamaa Dawuda la mansasiiraŋo kaŋ, aduŋ a ye mansayaa buŋo loo n ye ko a ye a laahidi ñaameŋ, Adoniya be faa la le bii!”

2 Mansoolu 4:30

Bari dindiŋo baamaa ko Elisa ye ko, “A be koyiriŋ ñaameŋ ko Yaawe be baluuriŋ ne, aniŋ ite faŋo, n te i tu la n kooma.” Wo to le Elisa bulata a nooma.

2 Mansoolu 5:16

Bari a ye a jaabi ñiŋ ne la ko, “A be koyiriŋ ñaameŋ ko Yaawe be baluuriŋ ne, n ka meŋ batu, n te feŋ muta la.” A ye a maaneenee ñaa-wo-ñaa a maŋ soŋ.

2 Mansoolu 5:20

Alla la moo Elisa la dookuulaa Kehasi kumata a faŋ ye ko, “A juubee baŋ, m maarii ye ñiŋ Aramunkoo Naamani tu jee le, a niŋ soorifeŋo muruta, a ye meŋ samba naŋ. A maŋ soŋ ka feŋ muta a bulu. A be koyiriŋ ñaameŋ ko Yaawe be baluuriŋ ne, m be bori la a nooma le, ŋa feŋ muta a bulu.”

Jabuuroolu 136:24

A ye m̀ bondi ǹ jawoolu bulu le, a la kanu bambaloo be tu la le fo abadaa.

Jabuuroolu 138:7

Hani niŋ mantooroo naata n ye karoo bee la, ite le ka n niyo tanka. Ite le ka i buloo kuntuntee n jawoolu ñaato, niŋ ì be kamfaariŋ n kamma, aduŋ i ka n kiisa niŋ i bulubaa buloo le la.

Jabuuroolu 72:14

A ka ì bondi mantooroo niŋ fitinoo kono le, kaatu ka ì yeloo boŋ, wo mu a ñaa tanoo le ti.

Kiitindirilaalu 8:19

Kideyoni ye jaabiroo ke, ko, “Wolu mu m baadiŋolu le ti, m baamaa wuluudiŋolu. Niŋ a ye a tara ali ye ì niyo tankandi nuŋ, a be koyiriŋ ñaameŋ ko Yaawe be baluuriŋ ne, n te ali faa la.”

1 Samuweli 14:39

A be koyiriŋ ñaameŋ ko Yaawe be baluuriŋ ne meŋ ye nooroo dii Banisirayila la, moo-wo-moo maŋ a kekuu, a be faa la le. Hani niŋ a ye a tara, n dinkewo Yonatani le mu.” Bari moo maŋ feŋ fo.

1 Samuweli 14:45

Bari moolu ko Sawulu ye ko, “Fo Yonatani meŋ ye ñiŋ kañee baa saabu Banisirayilankoolu ye, ñanta faa la le baŋ? Hanii! A be koyiriŋ ñaameŋ ko Alla be baluuriŋ ne, hani kuntiña kese kiliŋ ne te bo la a kuŋo to. Yonatani ye ñiŋ ke niŋ Alla la deemaaroo le la bii.” Bituŋ moolu ye Yonatani tankandi saayaa ma.

1 Samuweli 19:6

Sawulu ye i lamoyi Yonatani la le. A naata kali ñiŋ na ko, “A be koyiriŋ ñaameŋ ko Yaawe be baluuriŋ ne, m maŋ taa Dawuda faa la.”

1 Samuweli 20:21

Bituŋ m be kambaanoo kii la, ka a fo a ye ko, ‘Taa i ye taa beñoolu ñini.’ Niŋ n ko a ye ko, ‘A juubee, beñoolu be n niŋ i teema, ì samba naŋ jaŋ,’ bituŋ i si naa, kaatu niŋ Alla be baluuriŋ, i be tanka la le, aduŋ mantoora te jee.