1 Mansoolu 1:16 - Mandinka Bible

¹⁶ Batiseba ñoyita duuma mansa ñaatiliŋo la. Mansa ko a ye ko, “I lafita muŋ ne la?”

1 Mansoolu 1:16 Mawu Ofanana

1 Mansoolu 1:15

Bituŋ Batiseba taata mansa kaŋ a la laabuŋo kono. A kotoota baake le, aduŋ Abisaki, sunkutoo meŋ bota Sunamu, wo le tarata a topatoo kaŋ.

1 Mansoolu 1:17

A ye a jaabi ko, “M maarii, ite faŋo le ye i kali nte ye i la dookuulaa, Yaawe* i la Alla too la ko, i dinkewo Sulemani le be ke la mansa ti i noo to, aduŋ a be sii la i la mansasiiraŋo kaŋ.

1 Mansoolu 1:23

Bituŋ ì ko mansa ye ko, “Annabilayi Natani naata le.” Wo le to a naata, a ñoyita ka a foŋo loo bankoo to mansa ñaatiliŋo la.

1 Mansoolu 2:20

Batiseba ko a ye ko, “N lafita kuundiŋ ne daani la i bulu. Dukaree kana balaŋ m ma.” Mansa ko a ye ko, “N naa, i la daaniroo ke. Nte te balaŋ na i ma.”

Esita 7:2

Wo tili fulanjaŋo meŋ, ì be wayinoo* miŋ kaŋ, mansa ko kotenke ko, “Mansamusoo Esita, muŋ ne mu i la hame kuwo ti? A be dii la i la le. I lafita muŋ ne la? Hani bankoo talantewo a si ke i taa ti.”

Matiyu 20:21

Bituŋ Yeesu ye a ñininkaa ko, “I lafita muŋ ne la?” Musoo ko a ye ko, “Niŋ i siita i la mansabaayaa kono, i si siidulaa dii n dinkewolu la. Doo si sii i bulubaa karoo la, doo i maraa karoo la.”

Matiyu 20:32

Wo to le Yeesu loota. A ye ì kumandi, a ko ì ye ko, “Ali lafita, ŋa muŋ ne ke ali ye?”

1 Samuweli 20:41

Kabiriŋ kambaanoo taata, Dawuda bota naŋ beroo bulubaa karoo la, a ye a kuŋo jimi Yonatani ñaatiliŋo la, a ñoyita a ye ko siiñaa saba. Bituŋ ì ye ñoo sumbu, ì kumboota, bari Dawuda le kumboota baake.

1 Samuweli 24:8

Biriŋ wo keta, Dawuda fintita naŋ berehuwo kono, a ye Sawulu kumandi ko, “M maarii mansa!” Kabiriŋ Sawulu ye a kooma juubee, Dawuda ye a kuŋo jimi, a ñoyita Sawulu ye bankoo to.

1 Samuweli 25:23

Kabiriŋ Abikali ye Dawuda je, a tariyaatoo jiita naŋ a la faloo kaŋ, a ñoyita Dawuda siŋo daala, a ko, “M maarii, dooyaaroo si ke nte dammaa taa ti. Dukaree, m batu nte i la dookuulaa ye diyaamu i ye. I lamoyi m be naa meŋ fo la.