1 Korintinkoolu 7:31 - Mandinka Bible

³¹ aniŋ mennu ka ñiŋ duniyaa feŋolu dookundi, wolu si ke ko ì buka nafaa soto ì to, kaatu ñiŋ duniyaa keñaa be tambi kaŋ ne.

1 Korintinkoolu 7:31 Mawu Ofanana

Jabuuroolu 39:6

Hadamadiŋo buka mee baluuriŋ, a be le ko niiniyo, a la matimatoo mu kenseŋ ne ti. Moo ka naafuloo kafu ñoo ma le, bari a buka a loŋ meŋ taa be ke la a ti.

Jabuuroolu 73:20

ì ye ke komeŋ niŋ moo siiboota, a la siiboo ka yeemaŋ ñaameŋ. Wo ñaa kiliŋo ñaama, ite Maariyo, i be jutu la ì la le komeŋ niiniyo.

Kawandilaa 1:4

Jamaanoo le ka taa, jamaanoo ye naa. Duniyaa wo be tu la a ñaama le fo fawu.

Kawandilaa 11:2

Moolu kundi i sotofeŋo to, hani niŋ a be ke la moo woorowula ti, waraŋ seyi. Kaatu i maŋ a loŋ kooroo be feenee la ñiŋ duniyaa kono waatoo meŋ na.

Luka 21:34

“Ali koroosiroo ke, fo ali sondomoolu kana tu looriŋ domori diimaalu kaŋ, siiroo waraŋ ñiŋ duniyaa la suulakuwolu. Niŋ wo nte, wo luŋo be ali terendi la le, a ye ali muta ko kutindiŋo.

1 Korintinkoolu 7:29

Baadiŋolu, m be ñiŋ fo la ali ye ko, waatoo sutiyaata le. Wo kamma la, ka bo saayiŋ na, moolu mennu ye musoolu soto, wolu si ke ko ì maŋ ì soto.

1 Korintinkoolu 7:30

Mennu ka woosii, wolu si ke ko mennu buka woosii, mennu ka seewoo, wolu si ke ko ì buka seewoo, mennu ka sandiroo ke, wolu si ke ko ì maŋ feŋ soto,

1 Korintinkoolu 9:18

Muŋ ne duŋ mu nte la joo ti? Ñiŋ kawandoo faŋo le mu n na joo ti, feŋ buka kaniŋ meŋ kunna. Wo kamma la, n nene maŋ m faŋ nafaa ñiŋ ñantoo la, ŋa meŋ soto ka bo niŋ kibaari betoo kawandoo la.

Hiburunkoolu 12:27

Saayiŋ, kumoolu mennu fota ko, “siiñaa kiliŋ koteŋ,” wolu ye a yitandi koyirinke le ko, daaroo bee meŋ jiijandita, a be yeemaŋ na le, fo a si jooseyi noo feŋ na, meŋ te jiijandi noo la, bari a be tu la le fo abadaa.

Yankuba 4:14

Ali maŋ hani kuwo loŋ, meŋ be naa saama! Muŋ ne mu ali la baluwo ti? Ali mu tuutuwo doroŋ ne ti, meŋ ka finti waatindiŋ doroŋ, a ye yeemaŋ.

1 Pita 1:24

Wo kamma la, a be safeeriŋ ne ko: “Hadamadiŋolu bee be le ko ñaamoo, ì la ñiiñaa be le ko wulakono firoo. Ñaamoo ka noro le, a firoolu ye joloŋ,

1 Pita 4:7

Ñiŋ duniyaa feŋolu bee ka naa baŋ ne. Wo kamma la, ali ali faŋ muta kuu, ali ye tara ali ñaa la ka duwaa a ñaama.

1 Yohana 2:17

Duniyaa ka baŋ ne, a niŋ a la hame kuu jawoolu, bari moo meŋ ka Alla la lafoo ke, wo maarii be tu la baluuriŋ ne fo abadaa.