1 Korintinkoolu 3:19 - Mandinka Bible

¹⁹ Kaatu ñiŋ duniyaa la ñaameŋo mu tooleeyaa le ti Alla ñaa koto ko a be safeeriŋ ñaameŋ: “Ate le ka moo ñaamendiŋo muta ì faŋolu la ñaameŋ kuwolu kono.”

1 Korintinkoolu 3:19 Mawu Ofanana

2 Samuweli 15:31

Kabiriŋ ì ko Dawuda ye ko, Ahitofeli kafuta Abusalomu la moolu kaŋ ne, mennu be balandiŋ, a duwaata ko, “Dukaree, Yaawe, Ahitofeli la yaamaroo yelemandi kuu kenseŋo ti!”

2 Samuweli 16:23

Ahitofeli ye yaamari-wo-yaamari dii wo waatoo, a ka muta le komeŋ Alla la kumoolu le mu. Dawuda ye a muta le nuŋ, saayiŋ Abusalomu fanaa ka a muta.

2 Samuweli 17:14

Abusalomu niŋ Banisirayila kewolu bee ko, “Husayi Arikinkoo la yaamaroo le beteyaata Ahitofeli taa ti.” Kaatu Yaawe* lafita le, ka Ahitofeli la yaamari kendoo fundi, fo maasiiboo si boyi Abusalomu kaŋ.

2 Samuweli 17:23

Kabiriŋ Ahitofeli ye a je ko, a la yaamaroo maŋ muta, a ye kirikewo ke a la faloo kaŋ, a taata a la buŋo to, meŋ be a la saatewo to. A ye a la kuwolu topatoo, bituŋ a ye a faŋo deŋ, a faata. Ì naata a baadee, ì ye a faamaa baadee baadeekoo meŋ to.

Esita 7:10

Bituŋ ì ye Hamani deŋ moo dendulaa bala a faŋo ye meŋ parendi Moridekayi ye. Bituŋ mansa la kamfaa bota.

Yuuba 5:13

Ate le ka moo ñaamendiŋo muta ì faŋolu la ñaameŋ kuwolu kono. A ye neeneerilaalu la neeneeri yaamaroolu daŋ.

Jabuuroolu 141:10

Allamaa moo kuruŋolu ye boyi ì faŋolu la jaloolu kono, bari nte si tambi kuuke tankoo kono.

2 Musa 1:10

Ǹ ñanta feere le ke la ka a je ko, ì kana lafaa kuu. Misaali fee, niŋ keloo keta, a si ke noo le, ì niŋ ǹ jawoolu ye kafu ñoo ma ka ǹ kele, aduŋ fanaa ì si kana noo bankoo kaŋ ne.”

2 Musa 18:11

Saayiŋ ŋa a loŋ ne ko, Yaawe le semboo warata alloolu bee ti, kaatu a ye ñiŋ ke moolu le la, mennu ye ì faŋ wara Banisirayilankoolu ti, ka ì mantoora.”

Kuma Kotoomaalu 14:8

Hakilidiimaa la ñaameŋo, wo le ka a so miiroolu la a taañaa to, bari toolewo la kuntaŋyaa maañaa le ka a filindi.

Kuma Kotoomaalu 21:30

Ñaameŋ te jee, fahaamuru te jee, aduŋ feere te jee meŋ si taamandi noo Yaawe kaŋ.

Yesaya 44:25

N ka juubeerilaalu ke moo kuntaŋolu le ti, ŋa ì la taamanseeroolu ke faniyaa ti. N ka moo ñaamendiŋolu la kumoolu faniyandi, ŋa a yitandi ì la ko, ì la ñaameŋo mu kuntaŋyaa le ti.

1 Korintinkoolu 2:6

Bari hani wo, ntolu ka diyaamu niŋ ñaameŋo le la moolu ye, mennu menta Nooroo kono fokabaŋ, bari m̀ buka a ke niŋ ñiŋ duniyaa niŋ a maralilaalu la ñaameŋo la, mennu bee ka naa baŋ.

1 Korintinkoolu 4:6

Baadiŋolu*, ŋa m faŋo niŋ Apollos le ke misaaloo ti ali ye, fo wo si ali karandi ka ñiŋ kumoo fahaamu ko, “Ali kana tambi kuwo la, meŋ be safeeriŋ.” Wo to le moo te a faŋ wara la ali kono ko, ate ye moo kiliŋ ne la kuwo warandi ka tambi doo la.

Efesusinkoolu 4:14

Bituŋ ǹ kana ke dindiŋolu ti kotenke, ì ka mennu ñori jaŋ waraŋ jana. Tooñaa, karandiri siifaa jamaa le be jaŋ, mennu naata ka bo niŋ moolu la feere jawoolu la, aniŋ ì la feeretoo neeneeroo, bari ǹ te ke la kotenke feŋ yankariŋo ti, ñiŋ karandiroolu jiibaliŋolu kaŋ.

Yankuba 3:15

Wo ñaameŋ siifaa maŋ bo Alla yaa. Wo mu duniyaa kuwo le ti, balajaatoo la kuwo, aniŋ seetaani kuwo.