1 Korintinkoolu 3:18 - Mandinka Bible

¹⁸ Ali kana ali faŋolu neenee: Moo meŋ ñaamenta a faŋ fee ñiŋ duniyaa kono, wo maarii ñanta ke la toolewo le ti fo a si naa ke noo ñaamendiŋo ti.

1 Korintinkoolu 3:18 Mawu Ofanana

Kuma Kotoomaalu 26:12

Fo i ye moo je le, meŋ ye a miira ko, a ñaamenta le? Jiki jamaa be tara la toolewo le ye, bari ate nte.

Kuma Kotoomaalu 3:5

Laa Yaawe* la niŋ i sondomoo bee la, kana jiki i fansuŋ miiroolu la.

Kuma Kotoomaalu 3:7

Kana i faŋo muta moo ñaamendiŋo ti, sila Yaawe la, i ye fata kuu kuruŋ kewo la.

Kuma Kotoomaalu 5:7

Bituŋ saayiŋ, n diŋo, i lamoyi n na, kana i koo dii n na kumoo la.

Yesaya 44:20

Toolewo meŋ ka a faŋ neenee ka i baluu seebuutoo le la. A laata feŋ ne la, meŋ te a maakoyi noo la muumeeke. Hani wo, a maŋ a faŋo hakiloo kiitii ka a fo ko, “Fo ñiŋ jalaŋo ŋa meŋ muta m buloo kono, maŋ ke faniyaa le ti baŋ?”

Yesaya 5:21

Kooroo be wo moolu ye, mennu ñaamenta ì faŋ fee, ì hakiloo diyaata ì faŋ fee.

Yeremiya 37:9

“Nte Yaawe ye ñiŋ ne fo ko: Ali kana ali faŋolu neenee, ka a miira ko Babiloninkoolu be ali tu la jee le, kaatu ì te ali tu la jee.

Yeremiya 8:8

Yaawe ko: “Ali si a fo noo ñaadii le ko, ‘Ntolu ñaamenta le, kaatu Yaawe la luwaa be m̀ bulu le’? Bari a juubee, safeerilaalu ye luwaa ke faniyaa le ti ka bo niŋ ì la faniyaa kalaalu la.

Matiyu 13:22

Meŋ jolonta ŋaniŋolu kono, wo ka moo la kuwo le yitandi, meŋ ye kumoo moyi, bari duniyaa la bataa kuwolu niŋ naafuloolu ñaaboo ye kumoo dete a kono. Bituŋ kumoo maŋ naa nafaa soto.

Matiyu 18:4

Moo-wo-moo meŋ ye a fammajii ko ñiŋ dindiŋo, wo maarii le la kuwo warata moolu bee ti Arijana mansabaayaa kono.

Maaka 10:15

Tooñaa, m be a fo la ali ye, moo-wo-moo meŋ maŋ Alla la mansabaayaa muta ko dindiŋo, wo te duŋ na a kono.”

Luka 18:17

Tooñaa, m be a fo la ali ye, moo-wo-moo meŋ maŋ Alla la mansabaayaa muta ko dindiŋo, wo te duŋ na a kono.”

Luka 21:8

Bituŋ Yeesu ko ì ye ko: “Ali ali hakiloo tu, fo moo kana ali filindi. Kaatu moo jamaa le be naa n too la, ì be a fo la ko, itolu le mu Alimasiihu* ti, aduŋ waatoo siita le. Ali kana bula ì nooma.

Roomankoolu 11:25

Baadiŋolu, n lafita ali kalamutandi la kulloo le la fo ali la londoo kana tara dendiŋ ali fansuŋ miiroolu la. Wo le mu ñiŋ ti ko, Banisirayila kara doo sondomoo be tara la bambandiŋ ne fo waatoo meŋ na, wo moolu mennu maŋ ke Yahuudoolu ti hapoo ye timma ka Alla la kiisoo soto.

Roomankoolu 12:16

Ali ke ŋaniya kiliŋ ti ñoo ye. Ali kana faŋ waroo soto, bari ali niŋ moolu si kafuñooyaa mennu maŋ ì faŋ siyaa moo ti. Ali kana a miira ko, alitolu le ñaamenta.

1 Korintinkoolu 15:33

Ali ali hakiloo tu, moo kana ali neenee! Kafuñoo kuruŋo ka daajika betoolu le tiñaa.

1 Korintinkoolu 3:17

Niŋ moo-wo-moo ye Alla la Buŋo kasaara, Alla be wo maarii duŋ na kasaaroo le kono. Alla la Buŋo seneyaata le, aduŋ alitolu le mu wo buŋo ti.

1 Korintinkoolu 4:10

Ntolu mu toolewolu le ti Kiristu la kuwo kamma, bari alitolu mu ñaamendiŋolu le ti Kiristu kono. Ntolu lamfuta le, bari alitolu bambanta le. Ì ye ali horoma le, ì jututa ntolu la.

1 Korintinkoolu 6:9

Fo ali maŋ a loŋ ko, moo tilimbaloolu te Alla la mansabaayaa keetaa la? Ali ali hakiloo tu, moo kana ali neenee! Laañooyaa tulunnaalu, jalambatulaalu, jeenelaalu, luutikankewolu,

Kalatiyankoolu 6:3

Niŋ moo ye a faŋo muta moo baa ti, a ye a tara, a maŋ ke feŋ ti, a ka a faŋo le neenee.

Kalatiyankoolu 6:7

Ali ali hakiloo tu, moo kana ali filindi ka a miira ko, moo si Alla ke noo jelefeŋo ti le: Moo ye feŋ-wo-feŋ fii, a be wo le kati la.

Efesusinkoolu 5:6

Ali kana soŋ, moo ye ali neenee niŋ kuma kenseŋolu la. Ñiŋ kuwolu le ye a tinna, Alla la kamfaa baa be naa la moolu kaŋ, mennu maŋ soŋ a ma.

2 Timoti 3:13

Bari moo jawoolu niŋ neeneerilaalu la kuruŋyaa ka tu jawuyaa la le doroŋ, ì ka tu doolu neenee la le, aduŋ ì faŋolu ka tu neeneeroo le kono.

Titus 3:3

Baawo ntolu faŋolu keta nuŋ toolewolu le ti, aniŋ yaamari mutabaloolu, mennu neeneeta ka sila tilindiŋo bula. Balajaatoo la hame jawoolu niŋ niidiyaa kuu siifaa jamaa le ye ǹ joŋyandi, meŋ ye a tinna, ǹ tarata baluuriŋ jawuyaa niŋ kiiliyaa kono. Ì ye ǹ koŋ ne nuŋ, aniŋ ŋà ñoo koŋ.

Yankuba 1:22

Ali kana ke kumoo moyilaalu doroŋ ti, meŋ mu faŋ neenewo ti, bari ali si ke a baaralaalu ti.

Yankuba 1:26

Niŋ moo-wo-moo ye a faŋo muta diina moo ti, bari a buka a neŋo mara noo, a ka a faŋo le neenee, aduŋ a la Alla batoo maŋ jari feŋ na.

1 Yohana 1:8

Niŋ ǹ ko, m̀ maŋ junuboo soto, wo to ǹ ka m̀ faŋolu le neenee, aduŋ tooñaa maŋ tara ǹ kono.