1 Korintinkoolu 3:17 - Mandinka Bible

¹⁷ Niŋ moo-wo-moo ye Alla la Buŋo kasaara, Alla be wo maarii duŋ na kasaaroo le kono. Alla la Buŋo seneyaata le, aduŋ alitolu le mu wo buŋo ti.

1 Korintinkoolu 3:17 Mawu Ofanana

1 Musa 28:17

Bituŋ a silata, a ko, “Jaŋ mu dulaa horomariŋ baa le ti. Jaŋ maŋ ke dulaa ti Alla la Buŋo koolaa, aduŋ jaŋ ne mu Arijana bundaa ti.”

1 Taarika 29:3

“Ñinnu bee koolaa, ŋa m fansuŋ sanoolu niŋ kodiforoolu dii le ka Batudulaa loo Yaawe n na Alla ye, kaatu ŋa kanoo soto a Batudulaa ye le.

Jabuuroolu 74:3

Wuli, i ye naa ñiŋ tumbuŋ meeriŋo kono muruŋ-muruŋ. A juubee, ǹ jawoolu ye Batudulaa feŋolu bee le tiñaa.

Jabuuroolu 79:1

Hee Alla, sii koteŋolu le dunta i la bankoo kaŋ i ye meŋ dii ǹ na. Ì ye i Batudulaa Senuŋo kosondi le, ì ye Yerusalaamu ke tumbuŋo ti.

Jabuuroolu 93:5

Yaawe, i la yaamaroolu te faliŋ na fo fawu, aduŋ i la buŋo seneyaata le famfaŋ, fo abadaa.

Jabuuroolu 99:9

Ali Yaawe jayi, ǹ na Alla, ka sujudi a ye a la konko senuŋo* to. Kaatu ǹ na Alla, Yaawe seneyaata le!

2 Musa 3:5

Alla ko, “Kana kata naŋ kotenke. I la samatoolu bondi, kaatu i be looriŋ dulaa meŋ to, dulaa senuŋo le mu.”

Yesaya 64:11

Ǹ na Batudulaa Senuŋ* ñiimaa, ǹ na alifaa foloolu ka i jayi daameŋ, dimbaa ye a bee jani le, ǹ na dulaa ñiimaalu bee kasaarata.

Esekiyeli 43:12

“Ñiŋ ne mu Batudulaa Buŋo saratoolu ti ko, dulaa meŋ be konkoo kaŋ santo bee mu Dulaa Senuŋ Baa* le ti. Ñiŋ ne mu Batudulaa Buŋo saratoolu ti.

Esekiyeli 5:11

Maarii Yaawe ye ñiŋ ne fo ko: “A be koyiriŋ ñaameŋ ko nte Yaawe be baluuriŋ ne, n te balafaa la ali ye, kaatu ali ye n na Batudulaa Senuŋo kosondi niŋ ali la feŋ haraamuriŋolu niŋ ali la kuu ñewundiŋolu le la. Wo kamma la, m be ali kuntu la le, ali ye kasaara.

Esekiyeli 7:22

M be n ñaa kaasi la ì la le. Ñapinkannaalu le be naa ka duŋ n na dulaa horomariŋ baa kono ka jee kosondi. Ì be duŋ na jee le ka jee kosondi.

3 Musa 15:31

Wo to ali ñanta Banisirayilankoolu dandalaa la le, ì ye ì faŋolu jamfandi n na Bendulaa Tiriliisi Senuŋo* la, meŋ be ali la daakaa kono, niŋ kosoo be ì la waatoo meŋ na, niŋ wo nte ì si faa.

3 Musa 20:3

Nte faŋo le be wo maarii kiitindi la. M be a bondi la a la moolu kono le, ñiŋ kamma la a ye a diŋo meŋ dii Moleki la, ka n na Tiriliisi Senuŋo* kosondi, aniŋ ka jutu n too senuŋo la.

Sefaniya 3:4

A annabiyomoolu ka kibiri, ì be jamfantuŋyaariŋ. A piriisoolu* ye Alla la feŋ buuñaariŋo dooyaa, ì ye Alla la yaamaroolu faliŋ.

4 Musa 19:20

Niŋ moo meŋ maŋ seneyaa, aduŋ a maŋ a faŋ seneyandi, a maarii be bondi la Banisirayila jamaa moolu kono le, kaatu a ye Yaawe la Tiriliisi Senuŋo le kosondi, baawo ñiŋ seneyandiraŋ jiyo maŋ sari a maarii kaŋ, wo to a maŋ seneyaa.

1 Korintinkoolu 3:16

Fo ali maŋ a loŋ ko, alitolu le mu Alla la Buŋo ti, aduŋ Alla la Nooroo be sabatiriŋ ali kono le?

1 Korintinkoolu 3:18

Ali kana ali faŋolu neenee: Moo meŋ ñaamenta a faŋ fee ñiŋ duniyaa kono, wo maarii ñanta ke la toolewo le ti fo a si naa ke noo ñaamendiŋo ti.